((تايهين)) تايهين بديره خرسه بيها بس السوط يحچي تاي | الشاعر محمد الإبراهيمي

((تايهين))



تايهين بديره خرسه
بيها بس السوط يحچي
تايهين ودنيه ضلمه
واحنه اي يحسين نبچي

والشماته تعيـل بينه
تالي ماتالي انسبينه
تايهين ...

"""""""""""""""""""""""""""""""""""''''''''''''

من شفت ليل الملامه
وآنـه أسكت باليتامه
چتفوهم ايد بيد ..

صعدتهم وآنــه انوحن
والسياط اوين اروحن
أشگف يطگهم يريد ..

يالليل اهدعش تـوني كضيته
أولاگاني الصبح ملگه وقريته
وسبيه تذكرت حالي بقضيته

أتذكرت آنه سبيه
والدمع مامنه گطعه
من تعدينه ولگيته
شفت اخوي وشفت اصبعه

الحادي مايرحم سكينه
تــالي ما تــالي انسبينه
تايهين ...

"""""""""""""""""""""""""""""""""""''''''''''''

من جزينه وجسمه يرجف
وآنـه بــــس دمــوع اذرف
دمعه يحسين وسلام ..

شرد اكلك وانت تدري
راح ويه الخيمه عمري
واحترگ مثل الخيام ..

مايسوه العمر عگبـك ولينه
مذبــوح الخدر ومگــيدينه
مشينه وتلتفت لمن مشينه

والجرح ينبع هضيمه
وحلمك مشيبلي رمشي
متنه بس أجساد خويه
گمنه فوگ النوگ نمشي

بيادرب بس مادرينه
تالي ماتـالي انسبينه
تايهين ...

"""""""""""""""""""""""""""""""""""''''''''''''

المغرب بهم الحــــسافه
طويله ياخويه المسافه
والضعن طوح عذاب ..

والطفل دمعه بسؤاله
وين ابونه ويــــادلاله
عگبه نمنه اعله التراب ..

ياخويه الطفل يذكر حنانك
اذا نام بجرح يذكر مكــانك
شيردك بعد ويـــــرد زمانك

يمته ترجعلي واشوفك
مو بگينه بلايه والي
ابلا اخو عگبك يخويه
خويه عايلي شجرالي

افراگك أمهَون سبينه
تالي ماتــالي انسبينه
تايهين ...

"""""""""""""""""""""""""""""""""""''''''''''''

الحادي ماينطينه راحه
وياعذابي مــن صياحه
رحمه ماعنده ويسوگ ..

والسياط بلايه رحمه
والعــيال تصيح عمه
الضربه مابينه تلوگ ..

نسكت والجـــرح عــالي بنحيبه
عگب ذيج الاهـل صـرت الغريبه
مصيبه وعاشت بنصنه المصيبه

غربه وعيالك حيارى
ومادرينه نمشي وين
ضلمه وديار المضلمه
بينه لحگ ياحسين

خويه عالموت أنتچينه
تالي ما تــــالي انسبينه
تايهين ...

"""""""""""""""""""""""""""""""""""''''''''''''

خويه اهل الشام فرحو
بالحجر يــاخويه شمرو
وانه اخاف اعله البنات ..

گلبي يركض عالهزيله
آ يــــــويلي وآ يـويله
وبخرابه من نبات ..

بتنه الليـــــل بس بيا شجيه
تبچي اعليك ماسكتت رقيه
لحد ذاك الصـبح من المسيه

وراسك بدمع النوايب
جابو الراس ومصاب
تنشد براسك رقيه
بوجنـتك ليش التراب

وماتت بجرح الحنينه
تالي ما تــالي انسبينه
تايهين ...



عبد زينب
محمد الابراهيمي