2021-04-30 20:47:32
از معدود دست خط های باقیمانده از حکیم نباتی شاعر و صوفی اوایل قاجار در روستای اشتبین #جلفا
بازخوانی بخشی از سند
گۆن یئتدي زَوال-ا، دؤندۆ آخشاما،
یاندی پروانهنین چِراغی یئنه!
دئگیلن ساقییه دۆشسون دَوران-ا!
گردِش-ه گتیرسین ایاغی یئنه!
نه مدّتدیر خبریم یوخ او قيْزدان؟
نئچه ایلدیر آیاق چکیبدیر بیزدن؟
بو ساعةده اوْنو ایستهرم سیزدن!
گؤرون هار(ا)دان گلیر سوُراغیْ یئنه؟
جلّادِ جانسِتان صوساییْب قانا!
خدنگ زرنِشان قوْیوب کَمان-ا!
ألینده جامِ می گلدي مستانه،
قانیْمیْ تؤکمهڲه اوْ یاغیْ، یئنه!
مني گؤرجک اؤزه توتدون نقابیْ!
بهانه ائیلهدین شرم ۇ حجابیْ.
سنده یوْخدور مڲر وفا کتابیْ
گؤزومدن آچیبسان بولاغی یئنه!
دئمهدیم سِرّیْمی دئمه اغیار-ه؟
سنی مندن جُدا قیْلار، نه چاره
ایندی کهِ هِجْر اوْدۇ چکدي شرارة،
قویماسیْن گُلشن-ه او زاغی یئنه!
عشقیندن أریدیم، دؤندۆم هِلال-ه!
گۆنۆم باشا گلدي، یئتدیم زوال-ه،
بیر نظر قیل! گؤر دۆشمۆشهم نه حال-ه،
هاچانا دک گزهم بو داغ-یْ یئنه؟
نباتي! نالهدن أثر اولمادىْ،
گؤردوڲون ایْشیْقدان شرر اولمادیْ،
بو شجردن سنه ثمر اولمادىْ،
دۇر! بیر ده گزگیلن بو باغیْ یئنه!
1.1K views17:47