2021-08-21 17:41:47
#الخريطة_الوزارية
" مراجعة اللغة الانكليزية "
- شلون اراجع مادة اللغة الانگليزية !؟
- عيني سوادس قلبي عندك طريقتين أو أسلوبين لمراجعة الانگليزي :-
" المراجعة حسب المواضيع "
- بهاي الطريقة الطالب يصنف الانكليزي حسب المواضيع ف مثلا أول شي يقرا القواعد مال كل الكتاب سوى ثم يقرا الاسقاطات والاملاء والتوصيلات ثم القطع الأستيعابية ثم الادب ثم الإنشاء....الخ
" يقرا حسب تسلسل الكتاب "
- بهاي الطريقة الطالب يقرا حسب ترتيب اليونتات والوحدات مثل ماهي بالكتاب بالضبط فيجي مثلا لليونت الأول يقراه كامل بما فيه ثم ينتقل للثاني وهكذا ...الخ.
الطريقتين صح وماكو مشكلة بيهم واختيار الطريقة تبقى حسب مامتعود أو مقتنع بيها الطالب.
شنو رأيك او شنو تنصحنا !؟
- صراحةً اني افضل الطريقة الثانية اللي هي أنه الطالب يدرس مثل ترتيب الكتاب بالضبط ويجي للوحدة يقراها مثل ما هي بتسلسل الكتاب ثم آخر شي يقرا الأدب.
زين سالم ليش تفضل هاي الطريقة !؟
1- لأنه هاي الطريقة تكون اسلس على الطالب واسهل ، لأنه اذا دجي اقرا كلشي سوا ف هلشي ممكن يخلق ملل للطالب وايضًا ازعاج.
2- الطالب تعود من درس الانكليزي أنه يقراه بالترتيب من البداية + هاي الطريقة اقرب للتذكر من الطريقة الأولى.
#ملاحظات_مهمة_جداً
اذا ضبطت وزاريات الانكليزي الواردة من سنة 2014_2021 فأنت مسيطر لأنه نسبة تكرار وزاريات الانكليزي هو 99.9%.
لا تدرس الانشاءات كلهم سوا بنفس الوقت لأنه هلشي يخربط عليك الأمور ، اقرا كل إنشاء منفصل مع وحدتو.
لا تغير مصادر دراستك ابد ابد ابد خوش ؟ مصادرك تكفي وزايد فلا تخربط على نفسك الأمور.
ابتعد عن المرشحات ولا تجازف بشي اذا تريد درجات عالية لأنه صراحة مادتك قصيرة ووقتك كلش كافي.
من تكمل مراجعة كاملة ، ترجع للقطع الأستيعابية والادبية تراجعهم ثم تراجع الانشاءات ثم تدخل للامتحان " يعني حاول آخر شي تقراه هو هذولي الشغلات قبل لا تدخل الامتحان ".
#اخيرًا
-
71 views مُـلآزم عبير , 14:41