هل انت صديقي؟ الجزء الخامس ام محمد: خزيت العين ما احلاكي يا بنتي لين بابتسامة خلت معتصم يدوب: هاد من زوقك خالتو رامز: نحنا اليوم جايين نطلب ايد بنتكون المحروسة لابني محمد عبد: انا موافق بس بدي اخد راي بنتي لين: خايفة قلكون بس.... انا ماني موافقة ما بدي اتزوج هلا محمد: متاكدة لين لين: اي متاكدةوماني خايفة وهلا عن اذنكون الكل: اذنك معك لحقوا لانا وهيا ومعتصم هيا: فاجأتيني بجرأتك والله معتصم: هي لين الي بعرفا لانا: والله انك كفو لين: وهلا خلونا نبدل تيابنا مارح اقعد معون منقعد عالبرندا معتصم: انا طالع لين: عرفت لحالك ولا كعرناك معتصم:نننن علا: شو ما اقتنعت معتصم: يا خالتي حاولنا نقنعا بس بنتك عنيدة وراسا يابس عبد: يالله من عالبنت عذرونا يا جماعة بتكون متوترة معتصم: والله ياعمي كانت مبسوطة لانو رفضت الكل: شووو معتصم: متل ما عم احكي وطاير عقلا كمان علا: روح روح من وجهي بسرعة بتخجل اكتر من بنتي معتصم: اصلا كنت رايح لعند الصبايا ع جميع الاحوال جاد بهمس: خدني معك معتصم: اي جاد في شي ضروري بدي قلك ياه جاد: اي ليكني جاية دقيقة وجايكون دقو الباب عالبنات معتصم بهمس: خلصتو لبس لين: اي اي فوت معتصم: بدنا نطلع عالبرندا جاد : وانا رح جهز نفس اركيلة عكيف كيفك لين: اخي حسوب حسابنا بترجاك معتصم: مين في يروح يجيبون هيا: انا شاطرة بهي الشغلات تعي معي لانا لانا: انا شو بدي ساوي هيا: امشي وانا بقلك لانا: ماشي هيا: هلا انتي بتفوتي لعندون وبتسكري الباب وكلشي بطل عالمطبخ وقعدي شوي ومشي علملك بتحي ماشي لانا: ماشي عملو متل ما حكت جابت الاراكيل والفحم والمعسل والسلفان وردت ابريق المتة وجهزت كلشي عالسكيتة وراحت واخدت كلشي عالغرفة وعلمتلا للانا لانا: هلا عن اذنكون صار لازم روح الكل: اذنك معك راحت لانا وسكرت الباب وراها لانا: شو كلشي جاهز هيا: اي يلا تعالي قعدو عالبرندا ومبسوطين وكلشي تمام واجت اما للين علا: ولا انت وياها يا فضيحة لين: نعم نعم علا: لك اهل العريس جوا وانتو عم تاركلو لين: العريس مانو مرحب في علا: بس ما تتركو لحالو معتصم: لك خالتو كلنا ما طايقينو بالله خلينا عم نتسلا بكرى خلقتنا كلياتنا مارح تشوفيا من الصبح علا: الله يصبرني عليكون ويا بعدي من وين رايحين من الصبح معتصم: انا ولين عالشركة وهالثلاثي لعنا عالبيت هيك صار دورون ينامو عنا علا: ومين قلكون نحنا موافيقن معتصم: نحنا من مخنا هلا اتفقنا واذا اجا بكرى عريس قولي ما عندك بنت علا: والله طولان لسانك ولا معتصم معتصم: بعجبك خالتي علا: انتو التلاتة لا عاد تنادولي خالي قلولي ماما معتصم: طيب ماشي ماما بس لاتتركي ام محمد لحالا عيب علا: وانتو تاركين الشب لحالو جاد: خلي يجي لين: شووو جاد غمزا ومعناها في ببالو شي علا: ليكني رح ناديلو جاد: معتصم قعود جنب لين ولانا تعالي لهون معتصم: وليش كل هيك عم تساوي جاد: منشان نخليه يغار معتصم:ذكائك الف جاد: هيا انت قومي عملي كاستين متة هيا: وليش التانية جاد: المفوض سهيل بكون رفيقي لهيك عزمتو يجي وانتو بتعرفو لهيك منتسلا هيا: ماشي اجا محمد واندق الباب جاد: هيا فتحي الباب بطريق هيا: ماشي لين: ولك ليش هيك عم تعمل بالبنت جاد: خليا تتحركلا شوي مبارح كل اليوم قاعدة لين: وبعدين بتشغلا جاد: شو عليه هيا بمثابتك يعني عالمونة والعشرة والخبز والملح سهيل: كيفك شريك جاد: يا اهلين سهيل: كيفكون نقرني لنقرك معتصم ولين: تمام سهيل: هاي كيفك لانا لانا: تمام سهيل: ما عرفتونا مين الحليوة لين: ابن رفيقو للبابا سهيل: اهلين وسهلين انا سهيل محمد: وانا محمد اتشرفت سهيل: وانا اكتر هيا: يا مراحب كيفك سهيل سهيل: تمام قعدوا واتسلو كتير (لخبركون شوية عن العلاقة الي بتجمون هدول الستة صداقتون قوية وحلوة كتير سهيل ما كان معون بهالحفلة المبيت لانو كان عندو شغل يعني بمونو عبعض بشكل مو طبيعي يعني متل ما كان جاد عم يشغل هيا وبيعملو مقالب ببعض كتير كتير وصحبة كتير مو متل ما عم يصير معنا كل سنة بيترك واحد يعني الون ١٠ سنين صحبة ودائما بيعملو من هالحفلة وبنامو عند بعض ) صارت الساعة ١٠ محمد: يلا عن اذنكون صار لازم روح لين: الله يسير بعد ما راح سهيل: ليش هيك عم يطلع فيكي لين:بتعرف كان جاي يطلبنب وانا كعرتو سهيل: والله ما عجبني لين: ما حدا بحبو بس عم نراعي انو ابن رفيق بابا سهيل: يلا صار لازم روح لين: لا والله مانك رايح بدك اضل جاد: اي والله بلا زناختك يلا خليك سهيل: هلا بتخاف امي عليي جاد :اتنى لقلك ....الو خالتو..كيفك ..تمام....والله تمام منشكر الله....اي ليكي خالتو اليوم بدو يضل عنا سهيل....والله الوقت تاخر وخايف علي....اي لقلك من الاخر الشلة الكريمة مجتمعة و نايمين عنا لهيك منتسلا....اي طيب ماشي....باي ...سلامتك سهيل: شو قالتلك جاد: خليك لسا بتاخد اذن امك متل الولاد الصغار سهيل: معناها عبو الروس 183 views°•Ꭹᗩᖇᗩ ᔑᎩ°• , 21:20
