ألين: اي اسلام خبرينا شو صار؟ غزل: لك ألين افتحي سبكر عشان نسم | Stories 📖
ألين: اي اسلام خبرينا شو صار؟ غزل: لك ألين افتحي سبكر عشان نسمع اسلام: الحمدلله تم كلشي ع خير وقررنا نعمل التلبيسة هون بس العرس عنا روان: اي ها هذا الكلام اللي يفتح النفس اسلام: هههه ياصبايا والله مشتهينكم معنا غصن تعي حاكيهن: صبايا شو رأيكن تجو لهون وتحضرو حفلة التلبسية ونرجع سوا اسلام: اي والله فكرة حلوة ألين: ايي والله ونغير جو بما انو ماعنا شي بس كيف رح نروح؟ اسلام: امممم خلص رح خبر علي واسمر خليهن يحاكو اغيد يجيبكن وتجو غزل: ياااي اوكي وبعد دقائق اتصل اغيد ع ألين بعد ماحكو معو الشباب وخبرهن انو بكرى الصبح يكونو جاهزين عشان يروحوو.. روان: ياييي واخيراً رح نغير جو يلا رايحة جهز غراضي لبكرى غزل: وانا كمان ألين: خذوني معكم ____ باليوم التاني... أغيد: يلا صبايا رح حط هذول بالسيارة دانيال تعا ساعدني ألين: يلا غزل روان اغيد عم يستنا سكرو الشبابيك والبواب روان: خلصنا سابقتكن ع السيارة غزل: وانا خلصت رايحة معك روان ألين: يلا انا رح سكر الباب واجي اغيد: عطيني الشنتة شيلها عنك الين: بسم الله فزعتني شو جابك؟ اغيد: جيت ساعدك ألين: شكراً خلصت اغيد: يلا نمشي
بالسيارة حاطين اغاني حماس وعم يرقصو ويغنو واغيد عيونو ع ألين وهي لاحظت هالشي بعد وقت وصلو ع الضيعة والكل كان مبسوط وانبسطو اكتر بوجود البنات خاصتن اسلام وغصن بوصلت اسمر وعلي.. اسمر: ياهلا عم قول ليش منورة لك كيفك شريك اغيد: بوجودك لك كيفك مبروك علوش علي: الله يبارك فيك عقبالك اغيد: هههه لا انا مو شغل زواج اسمر: كيفك ألين وروان (واجت عينو بعيون غزل) بس ماسلم عليها.... قلبو عم ينبض بسرعة ومتمني يروح يحضنها ع قد مو مشتاقلها وغزل كمان... مجتمعين ع الغداء... بوصلة شخص.. احمد: السلام عليكم الكل: وعليكم السلام.. الجد: تفضل ابني تعا شاركنا.. احمد: يلا بسم الله.. وقعد مقابل غزل. ولما اجت عيونو عليها ماعد قدر يشلا عنها وانجذب الها.. (احمد بيكون ابن عمها ل غصن شب حلو وانيق وادمي) اسمر لاحظ عليه... اسمر: شبك احمد لهلا مااكلت احمد: اه يلا عم اكل.. (بلش ياكل بس عيونو بقيت معلقة ع غزل).... مضي هاليوم وبقيو سهرانين ع ضحك وسعادة واليوم التاني هو التلبيسة مبلوشين الكل بالتحضيرات واجا المساء ليجمع حفلة صغيرة ل علي وغصن ماسكين ايدين بعض وعيونهن بعيون بعض وتم تلبيس المحابسس وبلشت الزلاغيط والرقص والفرحة.... احمد طول الوقت عم يحاول يتقرب من غزل بس غزل عم تصدوو... تاني يوم قرروو يرجعو ع المدينة وهنيك رح تبلش غصن تجهز حالها وعلي يكمل تجهيز بيتو.. ____ مضت الايام والبنات عم يساعدو غصن بتجهيز حالها والشباب عم يساعدو علي... بس ولامرة التقو مع بعض الشباب بحال والبنات بحاال... اسلام: بنااات تعوو اجتماع مهم الين: خير شوفي؟ اسلام: خير ان شاءالله بما انو غصن خلصت تجهيزات وعلي خلص قررنا نحدد موعد العرس اليوم علي حكا معي واكيد اتفق هو و غصن ع هالشي غصن: اي مزبوط وانا خبرت اهلي وان شاءالله عن قريب رح يكونو هون روان: ياييي حفلة وانبساط ورقص غزل: ههههه اي والله هالخبر غير شكل اسلام: معناتة من بكرى نروح نشوف فستان ل غصن ونجهز فساتينا نحن كمان الكل بفرحة: اوكي هههههه ومضي الوقت وكلشي اتجهز ع 24 وصلو اهل غصن النسوان نزلو ببيت اسلام والرجال ببيت اسمر.. غزل: غصن تعي لهون غصن: شوفي؟ غزل: بدي اسألك سؤال غصن: اي شو هو؟ غزل: احمد ابن عمك اجا لهون؟ غصن: وليك غزل ليش عم تسألي عليه؟ غزل: لك بس سؤال لانو هو غليظ عشان اخذ احتياطي منو غصن: امممم ظني والله انتِ في ببالك شي انا اللي بعرفك. غزل: وشو اللي بدو يكون غصن: ابصر المهم اي هو اجا غزل: اممم تمام.. روان: لك يابنات اسلام عم تناديلكن تعووو غصن: يلا مشي.. _____
اشرقت الشمس لتعلن يوم جديد.. من هاليوم رح يصير حياة جديدة ل غصن وعلي.. ومين بيعرف يمكن للبنات كمان.. صحيو البنات بكير واتجهو ع الصالون ليتجهزوو والشباب نفس الشي... كلشي مشي تمام واجا المساء وقت حفلة العرس المعازيم موجودين بالصالة ومن بينهم الصبايا الحلوين اسلام اللي كانت لابسة فستان طويل ومرتب ع حجاب مرتب ومكياج خفيف كتير وطالعة حلوة.. وألونة اللي كانت انوثتها طاغية كتيير لابسة فستان توتي ع قد الجسم وطويل وعاملة تسريحة ناعمة ومكياج ناعم... والكربوجة روان لابسة تنورة مع كنزة حفر طقم مع بعض وكعب وفاردة شعرها اللي قصتو كاريي ولبق كتير لوجها... وطبعاً الشباب كل واحد طالع انيق وحلو بلبسووو ألين: لك روان بتعرفي شي وين غزل؟ روان: لا مابعرف.. اسلام: شوفو شوفو واووووو الكل اتجهت عيونو للمكان اللي نازلة منو غزل..
