#الجزء الرابع عشر جلال:ياترى هوي عايش او ميت يوسف:من هديك السي | Stories 📖
#الجزء الرابع عشر جلال:ياترى هوي عايش او ميت يوسف:من هديك السيارة ماطلع شي نزلت كلها بلوادي ميار:احساسي بقلي اخي عايش كرم:برأي لانتأمل يلا انا رايح عشركة ماتتأخر ميار ميار:ماشي متل العادة طلعو كلن وسكرو علقصة كرمال ماينفتح جرح قديم عم يحاولو يسكروه علاقة ميريل وميار عم تبرد وخصوصي بعد اختفاء ايفا مرة تانية واختفاء جواد ____ ايفا:حبيت الفكرة احمد:ماعجبتني ايفا:لي احمد:هيك ماعجبتني وبس ايفا:احمد هاد مشروع بناء مدرسة للايتام بقرية ماعندا شي معقول مانساعدن احمد:موهيك قصدي بس برأي فكرة الرجعة للبلد كلها غلط بغلط في الف شركة غيرنا تستلمو بلالنا وجع الراس ايفا:انت مابدك وجع راس او مابدك نرجع للبلد بعدين وين وجع راس احمد:مابعرف غلطنا وقت رجعنا اول مرة ايفا:اطمن اتأكدت مالن علاقة بلمشروع بأي شكل لامنعرف عنن شي وهنن مابيعرفو انو نحنا بفرنسا احمد:مادخلني روحي ارجعي اشتغليه لحالك ايفا:ماعندي مشكلة بروح وبرجع وهنن رح يأمنولي السكن لمدة عشر ايام وانت بتستلم مكاني وباقي الفريق بحل الوضع احمد:اوكي ايمت السفر ايفا:بكرا اتواصلت مع المدام صوفي بكرا رح كون عندن احمد:ايه لنشوف اخر جنانك لوين رح يوصلك ايفا:اضحكلك احمد:ياريت كرمال ما اتخجل ضحكت ايفا عنجد:هههه طيب تضرب ___ كانت واقفة بلبسا الانيق قدام حديقة بيتا الخشبي الكبير الوحيد:مدام صوفي ابتسمت اول ماسمعت صوتو ولفت لعندو:تعال مهاب مهاب:طلبتيني صوفي:اي عايزتك بموضوع مهاب:تفضلي صوفي:صح ضيعتنا فقيرة وعم حاول بوضعي المادي الي على حالو وقفها على رجليها بس نحنا عنا نقص بكتير شغلات من تطور مافي هواتف ولاكهربا ولامنعرف شي عن خلاطات المي منروح نعبي كل يوم من البير ومنرجع اطفالنا عم يكبرو على الشغل والتعتير هنن مابيعرفو يفكو الحرف مهاب:والعمل صوفي:في جمعيات خيرية بتهتم بضيع الناحية انا قدمت طلب للمجلس بانو يعملولنا مدرسة ومبارح اجا الطلب مع الموافقة مهاب بفرح:حلو كتير صوفي:شركة فرنسية حطت ايدا علمشروع وحبت هي تستلمو مهاب:هدول الاجانب اكيد شغلن غير شكل صوفي:وانا هيك عم قول بكرا رح توصل طيارة صاحبة الشركة بدي نستقبلا احلا استقبال ورح اطلب منك طلب مهاب:ولو أمريني صوفي:انت بتعرف وضعي مع زوجي سكرجي ومالو أمان ومافي حدا بضيعة خرج يتأمن غير ابو تحسين وام تحسين لهيك بدي منكن تستقبلوها هل فترة وكل مستلزماتا بتوصل لعندكن الجمعية مهتمة بتأمين اي شي بتحتاجو مهاب:هوي انا ماعندي مانع طالما هي ضيفتك بس عم تقولي صبية صوفي:على اساس هدول الاجانب بتفرق معن مهاب:قولتك لكن رح خبر امي ونحنا بلانتظار وساعدك بأي شي بتريديه صوفي:ياحبيب قلبي يامهاب مهاب:انا بلخدمة مدام صوفي تصبحي على خير صةفي:تلاقي الخير تركا ومشي صار يبطىء بلمشي هوي وعم ينفخ:لي انا مالل لي حاسس في شي ناقصني اووف لروح لعند الشباب احسن شي ____ عم تضب تيابها بشنتة وقت شافت صورة ايفا مسكتها وقعدت ع الارض تبكي:وين رحتي ليش رجعتي واختفيتي وينك يا سندي باست وضمت الصورة فتح الباب ميار وشافها عم تبكي فورا ميريل خبت الصورة وراها ميار:شبك ليش تلبكتي ميريل:اه ولاشي تعبانة ميار:سلامتك وشو يلي خبيته ميريل:الله يسلمك انا ما خبيت شي قرب ميار وهيي ماعرفت وين تخبي الصورة ميار:هاتيها للصورة ميريل:اي صورة ميار:يلي حطتيتيها تحت للمخدة ميريل:مافي شي ميار:لا تكذبي شال الصورة من تحت المخدة ميريل:اعطيني اياها ميار بضحك:ومحتفظا بصورة هل قاتلة ميريل:لاتحكي عنا ميار:قاتلة وحقيرة ميريل بصوت عالي:خراس هجم ميار عليها صار يضربها كانت ميريل عم تبكي وتعيط وقت انفتح الباب وفاتو الكل فورا كرم دفش ميار عنها وهجم بدو يقتلو ويوسف صار يبعدن عن بعض جلال بصوت عالي للكل: خلص بقى الكل وقف الا ميريل كانت عم تبكي قربت منها ايلول وحضنتا جلال:شوفي شو صار لي عم تمد ايدك ع مرتك ميار:اسألها جلال:عم اسألك انت ميار بلبكة:لانو حكيت ع الانسة ايفا جلال:ولي حتى تحكي كرم اطلع بميريل:اذا هيك ما قصرت وطلع لحقو يوسف ولحقو ميار جلال قرب من ميريل وضما وهيي صارت تبكي:لا تزعلي منن هنن مزعوجين رح ينسو وترجعو متل قبل ميريل: انا بدي اطلق شهقت ايلول جلال:طولي بالك يا بنتي انا بحكيه ميريل حطت ايدها بايدو:عمو كرمال الله خليني روح رح طق رح موت قلبي ما عم يهدا رح ارجع وقت يعرفو غلطن ويصلحوه جلال:لوين رح تروحي ميريل:ع بيت جدو صهيب جلال:رح خلي الشوفير يوصلك انتبهي ع حالك كتير وعلبنت ميريل حضنتو:من عيوني رجعو المسا الكل ع البيت ما كان غير جلال وايلول قاعدين ايلول:ليش اتأخرتو قرب كرم وباسا:كان عنا شغل
