اطلع مهاب فيه هوي وجامد واطلع بعيونو على ايفا مصدوم فاق من شرودو وقت شاف ايفا واقفة عسطح وعم ترجع لورا هي وعم تحسب الابعاد مومنتبهة للحرف مهاب:ايفااااا كانت بعيدة موقادرة تسمعو ركد بسرعة لعندا وبهي اللحظة جمل كتير راودت ذهنو:"بحبك ورح حبك لاخر يوم بعمري انا مابستاهلك ولاعندي امل بيوم نصير سوا حقدي كان اعمى كنت بكرهك بس حبيتك بضحكتك بصوتك بكلشي فيك حبيت عصبيتك اتمنيت مثل كل العمر اني خطيبتك بس لابقا جنبك وتكون ايدي بايدك جواد انا عشت ماضي بشع عملني بلا قلب" "وكأنك الوحيد الي عانا كأنك الوحيد الي انجرح انتبه اطلع حواليك فتح عيونك شوف انا موجودة غمضت عيوني ولحقتك تخليت عن انتقامي وحقدي كرمالك بس انت ماشفت غير اغلاطي ماشفت انو انا كمان مقهورة كيف عملت فيك" " عم تلعب مع الشخص الغلط ياابن الملحم" كان عم يركد ليوصلا وهجمل ضاربين بذاكرتو اتذكرن بكل تفصيلن وقف بارضو لما زحطت رجل ايفا وقعت وصرخ:ايفااااااا ركدو الكل للموقع وركد معن وهوي ماسك قلبو بايدو كانت ايفا واقعة بقلب رمل:مهااب طلعني حط ايدو عقلبو بارتياح:بتستاهلي ضلي عمية ماتشوفي قدامك تركا وراح ايفا:هاد الانسان مخو بيفصل ياجماعة سدقوني لف اطلع فيها:جواد ملحم رجع فتل وراح _____ كان ميار واقف علباب عم يدق بقوة وماحدا عم يفتحلو:ميريل افتحي بعرف انك هون اذا مابدك ياني بناقص بس جبتلك لصغيرة اي شوعليه ياميريل راح عسيارتو فتح التابلو وطلع مسدسو اطلع ببنتو لاقاها نايمة بمقعدا سكر ورجع وقف قدام الباب وقوص علقفل وفتح ضب المسدس بخصرو ودخل بسرعة هوي ومعصب ونار عم تطلع من بين عيونو طلع لغرفة ميريل مالاقاها:وين رحتي عم تتشبهي باختك يعني كان رح ينزل لما لفت نظرو شي باخر الكريدور وقف وقرب شوي واول ماشاف ميريل واقعة بلارض وغايبة عن الوعي ركد لعندا فورا:ميريل ردي علي حبيبتي ردي كرمال الله حملا وطلع فيها من البيت بسرعة وحطا بسيارة ___ كان واقف قدام تلة وحاطت ايديه بجيابو كان الهوا عم يدخل بكل خلية بجسمو كان لابس شورط جنز وفوقو قميص كانت واقفة بعيد عنو هي ومصدومة بلبسو الي مغيرو قربت منو اطلع فيها بهدوء ورجع صفن:نطرناك علعشا مااجيت قلي تحسين انو هاد مكانك المفضل،مغير لبسك حلو طالع كان ساكت وماعم يرد انحرجت ايفا وكانت رح تمشي بس وقفتا نبرة صوتو النبرة الي ماسمعتا من مهاب اسلوب قديم حافظتو كتير منيح:ايفا ايفا:نعم لف لعندا وقرب منا:لوقلتلك اني حبيتك وبدي اطلبك ومع الوقت بتنسي جواد بتقبلي فيني استغربت ايفا من سؤال وماعرفت شوتجاوب مهاب:جاوبيني بتتخلي عن جواد الي راح مع الماضي دمعت هي وعم تحكي بغصة:جواد موماضي بالنسبة الي هوي حاضري ومستقبلي وكل روحي انت هلا مارح تفهمني ولاتعرف شوعم حس لانك مابتعرف شي يمكن كون عم شوفك مهاب بهيئة جواد بس انا مابدي هيك انا بدي جوادي الي حبيتو وعشقتو شي يوم رح تفهم الي حكيتو وتعرف شوبقصد بس هلا مافي كون معك مهاب حبي لجواد واسمو وشخصيتو وروحو اكبر بكتير مما بتتصور مسحت دموعا وقوت حالا:المشروع خلص بظن مابقى في داعي ابقا اليومين هون رح ارجع لبيتي كون بخير تركتو ومشت وقف هوي ومبتسم:واذا قلتلك انو الي قدامك جواد مومهاب شوبتعملي وقفت بأرضا مصدومة لفت ببطىء:مهاب انت مهاب:الأصح جواد لازم اعترف انو قلبي حبك حتى وهوي نسيانك ايفا برجفة:اتذكرت جواد:عملتي فيني العمايل يابنت بس شواعمل قلبي ابن حرام مابيفهم بحبك فرطت ايفا من البكي وصارت تضحك بنفس الوقت فتحلا جواد ايدو وركدت لعندو وضمتو حملا ودار فيا:سامحني حبيبي جواد:مابقى بدنا نذكر الماضي بدنا نبدا بداية جديدة الى المالانهاية ايفا:لحظة انت شوكان مقصدك من سؤالك جواد:لوانك اخترتي تبقي مع مهاب الي عايش بجسد جواد كنت رح اتركك تسافري واقتنع انو خلص نحنا مولبعض بس اكتشفت انك بتحبيني وموبقولو ضرب الحبيب ذبيب بس من يوم ورايح بتقعدي عاقلة مومتحمل ولامصيبة جديدة منك ايفا:بحبك قربت وباستو وهوي لفا من خصرا ___ وقف ميار خايف وقرب من دكتور:طمني دكتور الدكتور:اطمن المدام والبيبي بصحة منيحة نزل ضغطا عقلت الاكل رح اكتبلك دوا جيبو من صيدلية وخليها تتغذا منيح ميار:قلت بيبي هي حامل الدكتور:اي وبشهر تالت معقول ماعندك علم ميار:لا الدكتور:ييي شكلا تاركتا مفاجئة وانا نزعتا تقوم بسلامة يارب ميار:الله يسلمك دكتور قربت ايلول منو:مبروك ميار يلافوت لعندا شوناطر ميار:مارح تقبل ايلول:ميريل بتحبك وكتير رح تسامحك انا رح اخد ايفا واسبقكن علبيت جيبا معك ميار:ماشي دخل ميار لعندا كانت متسطحة وعم تطلع بلحيط ماعطتو اي نظرة:خوفتيني عليكي ميريل:..... ميار:لي ماقلتيلي 80 views°•Ꭹᗩᖇᗩ ᔑᎩ°• , 21:11
