تبادلوا المباركات و يزن كان كتير مبسوط و مو عاطي فرحته لحدا و | Stories 📖
تبادلوا المباركات و يزن كان كتير مبسوط و مو عاطي فرحته لحدا و رزان كمان كتير مبسوطه شعور كتير حلو وقت تكون بتحب حدا و يصير الك رزان بتمسك جوالها و بتدق لقمر : قمر ي قمر قمر : عيونها لقمر رزان : حددنا الخطبه الجمعه الجايه قمر : كتيييير حلو الف الف الف مبرووووك الك يا روحي عن جد كتير فرحتلك رزان : عقبالك يا روحي قمر : ان شاء الله رزان : بدي خبرك من هلق يوم الجمعه رح تجي عندي من الصبح و كمان بتتذكري الفستان اللفندر هاد الفستان الي رح تلبسيه و ما في نقاش اووك قمر : اووك بس كتير الي عم تعمليه رزان : عيب تقولي هيك انتي اختي قمر : و انتي احلى اخت بالدنيا رزان : يخليلي ياكي يا روحي قمر : و يخليلي ياكي رزان : بدي سكر هلا لانو يزن عم يدق قمر : اووك.. بون وي رزان : بون وي بعد بيرن جوال قمر قصي :مع مين مشغول قمري قمر :كنت عم حكي رزان قصي :امم... بكره بس تروح عبيتها بيصير وقتك كله إلي قمر :....... قصي :قمر قمر :اي قصي :اوعديني ما تتركيني قمر :بوعدك بس اذا حسيت بشي يوم اني صرت شي ما بينحمل ما رح ضل قصي :لا تقولي هيك أنتي كل شي حلو بحياتي قمر :وانا كمان بدي إياك توعدني إنك ما تخبي عني شي قصي :بوعدك... قمر :يلا روح نام قصي :يعني مابدك تحكي معي قمر :موهيك بس لانه عندك شغل بكير وما بدي تتأخر بالنومه قصي : اذا هيك ماشي قمر : يلا بون وي قصي : قمر قمر : اي قصي : بحبك قمر خجلت و سكرت الخط تاني يوم بالشركه قمر عم تشتغل ووتحكي بجوال قمر :الو... اهلين مسيو خالد ... رح حاكيها ولا يهمك ... لا تعب و لا شي.... اي ان شاء الله. راح يكون كلو تمام .. سلام و بتمر الايام بسرعه و بيجي يوم الجمعه بكون قصي مشغول بزينة الساحة .. بتكون ام قصي عم تحضر لضيافة ام يزن و بيه يكونو عم يشترو من عند الصايغ رزان و قمر من بكير بروح على الكوفير رزان بتعتبر قمر ب مثابلة اختها ...
بتلبس رزان الفستان سلفر (فضي) و شعر كيرلي و تاج ناعم ميك اب اوفر شوز كعب عالي وبتلبس قمر الفستان لفندر وحجاب نفس الون ميك اب هادي وبيكونو كتير حلوين رزان :لك من حقه لأخي يغار عليكي و كتير كمان قمر :وليش بقا رزان :لإنك عن جد بجمال القمر بسم الله ماشاء لك رح تاخدي الاضواء مني قمر : لا ولو ما بطلع نقطة بحر جمالك بعدين إنتي بضلي الأجمل ويزن ما رح يشيل عيونه عنك بكون طالع ل يشوف شو صار معاهم قصي .. شو عم تحكو .. من شاف قمر .. وبينصدم من جمال قمر وبينسي لاشو اجه بيضل يطلع عليها رزان :احم احم شو جابك لهون أخي قصي :..... اي.. أجيت حتي اشوفك خلصتي ولا لأ لان الكل صار تحت رزان : يعني اجيت بس لتشوفني قصي : لأ مو جاي كرمالك بس أجيت لشوف قمري رزان : أي هيك اقتنعتني قصي : بيكفي غلاظه ويلا يزن ناطرك رزان : اي يلا بتنزل رزان وبيوصل المأذون على طول وبيكتبو الكتاب ومع اخر كلام لشيخ "بارك الله لكم وجمع بينكما في خير" وانطلقت الزغاريد وصار الكل يباركولن من إيد ابوها بيسلمها ليزن بتقعد حده يزن : إنتي كتير طلعه حلوه رزان : وانت كتير جنتل يزن : بس حبيبتي تبقي احلي ورده بلكون كلو رزان : ما كنت بعرف بتحبني هالقد يزن : بحبك هي كلمه قليله كتير أنا بعشقك رزان كمان بدعي كل يوم تكوني الي والحمدلله صرتي الي وما رح اتخلي عنك ابدا وبيجي وقت تلبيس المحابس والكل بيكون فرحان كتير
قصي : عقبالنا يا روحي قمر :..... آمين .. الكل ببارك ل يزن و رزان .. و بيتصور مع اهل ام يزن : لك ميس وين اخوكي مجد ميس : دقلو رفيقة و طلعو قال عاملين اليوم سباق .. ام يزن : الله يهديك يا مجد .. ميس : خلينا نتصور مع عروستنا ..
وبيكون خالد من المعزومين بيروح قصي وقمر يباركو ليزن ورزان وبعدها قمر بتطلع لبره خالد : لولاكي ما كنت هلا أنا وليان سوا شكرا الك انتي حد مافي منه قمر : أنا ما كنت متأكده من حبك بس اما اتاكدت ساعدتك انتو كتير لابقين لبعض خالد : وانتي وقصي كتير حلوين مع بعض رح انطر تعزميني يوم الخطبه قمر : اي اكيد خالد : بدي اعطيكي شي قمر : شو خالد : هي هديه بسيطه مشان الي عملتيه قمر : لا ما فيني اقبلها انت عم تعطيني حق الي عملته خالد : لك ماقصدي هيك بس هي هديه شكر وبدايه صداقه قمر ابتسمت : اذا هيك رح اخدها بيكون في عيون عم تترصد لهم بس ما بكونو الاذنين سامعين ..شي ... ما كان بدو ينزع الحفله وهالحدا ...
و ترك المكان و فل ..ف سيارت ..
شو مخبي القدر ل ابطالنا .. تابعوه حتى نهاية لا تنسو تضيفو احبابكم ل حتى تكمل فرحتنا فيكم .. يتبع ...»
