شام: بتتوسع ابتسامتها بفرحة وبتهمس مع حالها بحب اوو أسر بتمسك الشكولاه وعم تحكي مع حالها اكتر نوع بحبه كيف عرف بتبتسم وتقرب بتاخد الكرت يلي على البوكيه وبتفتحو وبتقرأ بكون مكتوب (انتِ وردتي واوردتي ووريدي وونيستي وشمسي وقمري وصراعي وصداعي وصمودي وصفائي وبالاخير كاتبلها الورد للورد ) شام: بيحمرو خدودها وبيلمعو عيونها بتسكر الكرت انو شو هاد يااستاذ أسر بتطلع رسالة من الصندوق وبتفتحها (مكتوب فيها البسي فستان ابيض اليوم الابيض بيلبقلك كتير بتطلعي متل الياسمينة البلدية ) بتبتسم وبتسكر الورقة اي بتأمر بتضحك وبتقوم بتدخل البوكيه لغرفتها والصندوق وبتطلع هي وفرحانة بتفطر لحالها لان أدم بشغلو وهي ماعندها جامعة اليوم بدها تروح على المعهد بس بتخلص اكل وبتدخل على غرفتها بتطلع فستان ابيض طويل نازل من على لكتاف بتلبسو وبتوقف بتفرد شعرها وبتجيب شريطة حرير بيضة بتربطها على شعرها وبتثبتها وبتحط مكياج خفيف مناسب مع فستانها وبترش بارفان بريحة الياسمين وعيونها الزرق يلي عم يبرقو وبتبتسم وبتمسك شنتايتها وموبايلها وبتنزل بتوقف تاكسي وبتمشي على المعهد بتنزل وبتدخل بتدرب هي ورفقاتها واستاذهن وبعد ساعتين بتخلص وبضبو غراضهن وبدهن يطلعو بتوقف شام وبدها تطلع بوقفها زميل معها زميلها: مال الشام استني شوي شام: بتلتفت عليه نعم بوقف زميلها بكون معه جيتار بيبتسم وبيعزفلها كل القصايد وعم بغنيلها " كل القصايد من حلا عينيكي من دفى ايديكي كتبتن وقلتن هودي القصايد مش حكي ياروحي هو بكي القصايد هولكِ كلهن شام: بتبتسم انو بتجنن خجلتني والله زميلها: هي مو مني هي طلب خصوص الك بقرب منها وبيعطيها ورقة تفضلي وهيك خلصت مهمتي وبيمشي شام: بتفتح الورقة بكون مكتوب ( احترت شو اهديكي بس مالقيت غير احكي واعزف لعيونك عيونك عذابي وبلواي وضياعي عيونك سجني وفيهن انا مسجون بأنتظارك برا # أسر_القلوب) شام: بتبتسم ناوي تخطف قلبي اليوم ياأسر بتطلع وهي ماسكة بطرف فستانها كرمال ما يتوسخ بتشوفه واقف ومرتكي على سيارته وماسك ياسمينة بأيده وعم يدورها أسر: اول مايشوفها بوقف وبيبتسم بقرب منها وبوقف قريب منها وبيشكللها الياسمينة على شعرها وبيضحك لك ولي على بعضي اي خطف قلبي الياسمين يلي عم يتنقل شام: بتضحك ههههه وبيحمرو خدوها من الخجل شو عم بصير معك اليوم أسر: بيبتسملها اممم مارح خبرك ممكن تطلعي بالسيارة شام:بتبتسملو لوين أسر: بلا ما تسألي ممكن شام: بركي بدك تخطفني! أسر: بيضحك ضحكة بسيطة اووف ياريت شام: بالله شو أسر: بيتطلع فيها بعيون عشقانة والله شام: بتبتسم طيب تفضل دكتور لنشوف شو حيصير بالاخير أسر: تفضلي بقرب بيفتحلها باب السيارة وبتدخل شام وبيركب أسر أسر: بطلع شريطة سودة امم انسة شام شام: نعم أسر: رح تسمحيلي حطلك هي على عيونك شام: بتضحك عنجد انت خاطفني صدقت كأنك أسر: مو خطف خطف بس طاوعيني لو سمحتي اول مرة بطلب منك طلب صغير شام: بتبتسم اممم طيب أسر: بيفرح يسعد الله قربي لااربطلك ياها شام: بربطها لحالي أسر: مشان ماتغشي يلا قربي شام: بتطلع بعيونه وبتقرب منها أسر: بقرب منها وبيصفن بعيونها يعني رح احرم حالي من شوفة هالجمال بس معلش وبيبتسم وبقرب من شام وبحطها على عيونها وبيربطلها ياها شام: بتكون قريبة منو وعم تشم ريحة عطرو يلي بتغوب القلب ( انا شميتها حلوة بتجنن وصلتلي ) بتبعد عنو وبتزبط اعدتها وهي مربوط عيونها حضل كتير هيك أسر: بيبتسم لا مو كتير شام: طيب بيمشي أسر بالسيارة وطول ماعم بسوق عم يسرق نظرات على شام وعم يبتسم بعد مرور نص ساعة شام: هفف أسر داق خلقي رح شيلها وبتحط ايدها على عيونها بدها تشيلها أسر: بوقف السيارة فوراً و بيمسكلها ايدها قلتلك ممنوع حنوصل خلص هانت شام: طيب وجعوني عيوني شو هاد أسر: بيضحك عليها كيف عم تحكي طيب تمام رح نوصل بس لاتشيليها وعد كم دقيقة منوصل شام: هفف طيب بكفي مشي أسر ليوصل للمكان بوقف أسر: وصلنا شام: واخيراً وبدها تشيل من على عيونها أسر: وقفي مو هلق ستني لننزل شام: بتعصب انو لا ولو ماعاد عندي صبر أمانة أسر: انتظرتي كل هالوقت انتظري دقيقتين كمان شام: بتزفر بضيق الله يجيبك ياطولة البال أسر: بيبتسم وبينزل من السيارة وبقرب بيفتحلها الباب وبقرب بيمسكلها ايديها اوثقي فيني وامشي تمام شام: بتحس برعشة بجسدها عم تمشي وبتهزلو براسها بتنزل من السيارة وبيمسك ايدها أسر وبيمشو شوي وبتحس بشي عم بدخل برجلها شام: أسر شو هاد يلي عم يدخل برجلي بتتفركش أسر: بيمسكها فوراً من خصرها وبقربها منو شام: بترتعش وبتخاف أ أسر أسر: بيبتسم وهو لسا حاضنها بقرب وبشيل من على عيونها لشريطة 361 views°• ᒪᗩᗰOOᔕᕼ °• , 10:51
