وأسر بدور سيارته وبيمشي على بيته بتطلع شام على البيت وبتدخل بكون لسا أدم مارجع بتفوت على غرفتها بتبدل تيابها وبتشيل الخاتم وبتخبي البولين والصندوق بخزانتها وبتطلع لتحضر العشا لبين مايجي ابوها بتخلص العشا وبتحطو على الطاولة بيدخل أدم أدم: بينده شاميتي شام: بتطلع من المطبخ وبتركد على ابوها وبتضمو أدم: ماانحرم من وجودك بحياتي ياروحي شام: ولاانحرم منك ياسندي أدم: شو حضرتي العشا شايف شام: اي مشان ناكل سوا أدم: معناها رح بدل تيابي وغسل ومناكل شام: تمام بيتعشو وبعدها بيسهرو وكل واحد بيدخل على غرفته بتمسك موبايلها شام وبتفتحو بتلاقي رسايل من أسرأسر: نام الحلو شام: بترد لسا كنت سهرانة مع بابا وهلق بدي نام أسر: برد فوراً سهرة الهنا ريتو عقبال مااسهر معكن شام: بتبتسم مع حالها ان شاءالله أسر: شامي شام: عيونها أسر: سبحان من بدل الاحوال من نعم لعيونها يااخي الحب غير العز للرز لو بعرف من زمان بعترفلك بحبي شام: بتعرف انو ما بيلبقلك دكتور أسر: لا لا عم بمزح رجعي لاأسر بدون دكتور شام: بتضحك لا معلش خليها دكتور ليصير شي رسمي أسر: من بكرا وحياتك شام: حاجتك مزح بهالليل أسر: ليش في بينا مزح بكرا جاية انا وعمتي نخطبك شام: بالله عم تحكي جد أسر: والله عم بحكي ست طبعاً جد شام: اي بتنورو انت وشهودتك وخالتو سراب أسر: ايوا ايوا غيورة خانم شهودتي قلتيلي شام: اي شهودتك يلي مسكت برقبتك مشان ماتغرق واول ماشفتها ارتميت بحضنها وبتدورها من جامعة لجامعة أسر: بيضحك ههههه اوف اوف كل هدول وانتي مابتغاري مو هيك شام: لا اكيد أسر: قلتيلي لهيك بس تغاري بتعضي شفايفك وبتتوتري بتغاري علي اعترفي شام: مو غيرة بس يعني هيك كنت حس بضيق وهيك احترق حس جواتي شاعل نار أسر: كل هالشي مو غيرة مو شام: خلصنا أسر علقت علي أسر:هههههه عم بستفسر يعني شام: اي بغار رتاح ضميرك أسر: ايوا اعترفي انك بتجني غيرة علي شام: اي لقوي اتصدق حالك وانت بتغار كمان أسر: اي انا بعترف بغار عليكي وبجن غيرة كمان وخصوصي من الجوز يلي عندك شام: بتضحك مين اياد وريان! أسر: في غيرهن شام: هئ أسر: معناها هنن بكفو حديثهن وبعدها بنامو لتاني يوم بتصحى شام على رنة موبايلها بتمسكو وبتفتحو شام: الو أسر: يسعدلي صباحك شام: صباح الورد أسر: حبيت صبح عليكي قبل ماروح على المستشفى وانتي قومي يلا على جامعتك شام: بتتثاوب مو بكير أسر: لا روحي مو بكير يلا قومي حاج كسل شام: طيب حبيبي قايمة أسر: شو شو قلتي شام: بتضحك قلت قايمة أسر: يلي قبل شام: طيب أسر: لك يلي بالنص شام بالنص شام: بتضحك وبتهسها بحب حبيبي أسر: لك يخليلي هالتم يلي عم يلفظ هالحروف اي يخليلي حبيبتي وروحي وقلبي وكل دنيتي شام: بتضحك ههههه ويخليلي ياك أسر: يلا قومي كرمال ترجعي على بكير كرمال اجي شام: من كل عقلك حتجي عنجد أسر: مابحكي كلمة وبتراجع فيها اكيد جاية شام: اي دخيلو يلي عند كلمته أسر: دخيل قلبك شو بحبك شام: وانا كمان أسر: يلا باي وبيبعتلها بوسة شام: بتضحك باي بتسكر وبتقوم بتغسل وبتشرب قهوة وبتفطري وبتلبس وبتنزل على جامعتها وأسر بيتصل بأدم وبخبره انو حيزوروهن المسا بدون مايقلو ليش وأدم بيعزم العيلة كلهن بيجتمعو ببيت أدم بوصلو العيلة وأسر برن الجرس وبتقوم شام بتفتح الباب بكون أسر شام: بتبتسم وقت تشوفه اهلا وسهلا تفضلو أسر: بكون حامل بوكيه ورد بيبتسملها وبيدخل بيعطيها البوكيه وبيهمسلها اشتقتلك شام: بتبتسم بخجل وانا كمان تفضلو بيدخلو وبسلمو على الكل وبيعدو أدم: بنتي جيبي لضيافة شام: يلا بابا بتقوم شام لتعمل قهوة وبتلحقها ريحان ريحان: شام شام: اي امي ريحان: أسر جاية لطلب ايدك!؟ شام: بتبتسم اي امي ريحان: بتقرب وبتضم شام ياروحي انتي الله يقدم يلي فيه الخير ابوكي بيعرف شام: لا ماخبرو أسر هلق بدو يحكي ريحان: بتصفن بقلبها الله يستر طيب يلا خدي القهوة وامشي نطلع بتمسك صينية القهوة وبتطلع وبتضيف الكل وبتعد جنب أدم أسر: بحط فنجانه وبيتطلع بأدم عمي أدم مارح اشرب القهوة لاأحكي وماتردني أدم: بأستغراب خير ابني تفضل احكي عم بسمعك وان شاءالله طلبك مجاب أسر: عمي أدم انا جاية اليوم بوجاهة هالوجوه الطيبة وبدي اطلب ايد الانسة شام لألي على سنة الله ورسوله شام: بتتوسع ابتسامتها وعم تطلع بأبوها أدم: بتتغير ملامح وشه وبحط فنجان القهوة من ايده وساكت بكون الك مستغرب واياد وريان بيتطلعو ببعض والصدمة على وشهن سراب: شو اخي أدم ماسمعنا جوابك نحن جايين طالبين ايد بنتنا شام لاابنا أسر عمار: بيتطلع بريحان نظرات عدم حيلة وكأنه عرفان الجواب ريحان: بتأشرله ليحكي عمار: شو اخي أدم مارح تحكي شي يعني مارح نلاقي احسن من أسر لشام مو هيك أخي أوس 399 views°• ᒪᗩᗰOOᔕᕼ °• , 10:51
