#ريحان_شرقي #سارة_العلي #الجزء_التاسع_الأخير ريحان بهمس:أهدا بترجاك كان واضح عليها شربانة شي من جديد ريان:أهلين بلانكا بلانكا:سهرانين؟بكمل السهرة معكن هههههه بيترك روح المكان وبيطلع لفوق وراسو رح ينفجر بتمشي ريحان من الغرفة لتلحقا بلانكا عالدرج بلانكا:ريحان ريحان:شو بدك؟ بلانكا:الظاهر نسيتي يلي قلتلك ياه..رح تنفذي ولا بنفذ أنا؟ ريحان:يلي بدك ياه عمليه.. بتجي لتكمل طلعتا عالدرج ريحان بلانكا:ع فكرة..ديفيد رجع،وهو مشتقلك كتير ريحان:بلانكا،الأفضل ماتجيبي سيرتو بنوب..لأنو وقتا رح ورجيكي مني شي بحياتك ماشفتيه بتطلع لعندها عأعلى الدرج بخطوات مترنحة يمين شمال بلانكا:واو..البنت الشرقية العنيفة..كلشي بتوقع منك..لاأنوثة ولا جمال ولا دلع...أنتي رجولية فعلاً...هههههه ومع هيك بيصدمني ديفيد كيف بيشوفك غير هيك ريحان:حلي عني بتبرم ضهرا ريحان لتطلع آخر درجة بتمسكا بلانكا بلانكا:عم قلك بعدي عن روح...خليه يكرهك وألا رح دمرك ريحان:وأنا عم قلك شو مابيطلع معك عملي بتشدا بلانكا بقوة من أيدها المكسورة لتصرخ ريحان بألم فظيع..وبترجع بتضربها بلانكا عليها بقوة بيسمع صرخاتها روح فوراً بيتوجه عالباب وذات الشي ريان بيطلع من الصالون وعآخر لحظة بتترنح بلانكا وبتزحط رجلها عن الدرجة من الكعب يلي لابستو..بتحاول تمسك بريحان..بس ريحان كان الألم عم ياكلها ومابتفكر تمد ايدها لتمسكا... بتوقع بلانكا من أعلى الدرج للأسفل والكل مصدوم ومو قادر يآتي بحركة لتوقع بالنهاية عالأرض وبدون أي حركة بتغيب عن وعيها بتأعد ريحان بمكانها وهي عم تبكي:بلانكا..لك كيف هيك يالله بيقرب روح وهو لسا عم يتطلع ب بلانكا ريحان:ماقدرت امسكا..والله ماقدرت ماقدرت بينزل لعندها وهو متوتر وريان قرب منها كمان بتغمض عيونها ريحان وماعاد تقدر تتقبل يلي صار ب بلانكا كان روح خايف أنو يقرب ويتأكد إذا لسا في نبض أو لا ريان:شبك واقف..لك قرب شوفها بينزل روح لعندها وبيطالع ريان موبايلو ليتصل بالأسعاف روح:عايشة..لسا عايشة ريان:ماتحركا بنوب..انتظر بيخبر الاسعاف بالعنوان وماعم يقدرو يحركو ساكن..بيلتفت ع ريحان يلي كانت عم ترجف ومتكومة عحالا.. روح:ريحان أهدي لسا عايشة ريحان:أنا قتلتا..لك قتلتا روح:سكتي شو عم تخبصي أنتي..أوعك تنطقي هيك شي ريان:ريحان بنتي..هي وقعت واضح هالشي،أنتي ماقدرتي تمسكيا بيطلع لعندا روح..:ليش ماسكة أيدك؟شو صار؟ ريحان:لحقتني عالدرج وكانت مو طبيعية بمشيتها..ورجعت تهددني تخبرك وأنو ديفيد رجع..وأنا قلتلا شو مابدك عملي بدي أمشي وماخلتني والله ماخلتني.. بتكمل ريحان:ولما مسكتني من أيدي صرت صرخ من الألم ورجعت ضربتني عليها..وشكلا زحطت رجلا..وماقدرت أمسكا روح:تمام أهدي..أيدك لسا عم توجعك؟ ريحان:لأ..لأ..بس بسرعة،وين الأسعاف روح بترجاك ساعدا بعد وقت بتوصل الأسعاف..وريحان بتجهز حالا بدا تروح وراهن مع روح وعمها بالسيارة بهالوقت..كان ديفيد مكمل السهرة وحدو بعد مامشيت بلانكا فجأة بيندق الباب بقوة بيقوم ليحاول يمشي بس مابيقدر،بيسمعو حركة الشرطة وبيداهمو البيت..بيفتشو كلشي وبيلمو كل المخدرات والأوراق والملفات والمصاري يلي بيشوفوها وبياخدوه وهو مو فاهم شي لأنو مخو ضايع بالسم يلي آخدو بعد ساعات طويلة روح:بابا..خود ريحان وروحو عالبيت ريحان:لأ..روح بترجاك..بس خلينا نتطمن عوضعا ونروح بيسكت مابيقدر يغيرلا رأيها..وبيطلع الدكتور وأخيراً..بيحكي مع روح،بتنتبه ريحان لملامح وجهو كيف عم تنقبض.. بيمشي الدكتور وبيقرب لعندهن روح ريان:شو صار؟هي بخير؟ روح:لأ.. ريحان برعشة:ماتت؟ روح:لأ..يمكن الموت كان أهون عليها ريان:شو يلي صار؟ روح:خبرني الدكتور أنو في جسمها مخدرات وجسمها ماقدر يتحمل العيار التقيل..بس ماأخد مفعول لبعد ساعة من تعاطيها..لما أجت عالبيت كانت آخدتو ومبلش فيها..ولما وقعت..أجت الضربة بمكان خطير وللأسف..الوقعة أذت العمود الفقري بتنصدم ريحان وبترجع بتأعد عالكرسي روح:والأقوى من هيك..السم يلي أخدتو عملها أذى بالدماغ..وصابها شلل ريان:يالله...لاحول ولا قوة إلا بلله روح:عم يحكي لو السقوط بس كان احتمال ترجع تقدر تمشي..بس لولا السم يلي متعاطيتو..الله ياخدك ياديفيد...لك كيف بترجع لعندو كيف.. ريحان:روح..الشرطة لازم تعرف أنو كانت عندو وهو السبب روح:كيف؟شو الاثبات طيب.. ريان:شو العمل هلأ؟ روح:مابيطلع بأيدنا شي..أنتو أمشو،رح ابقى بس الليلة لنشوف شو رح يصير بوضعا..والله أعلم من المضاعفات يلي رح تصير بعدين ريان:يلا ريحان أمشي.. ريحان:أكيد رح تبقى وحدك؟ روح:لاتقلقي بيمشو ريان وريحان من المشفى بيمرء يوم كامل.. بتنزل ريحان وهي مجهزة شنتتها.. ريان:يعني مارح تتراجعي؟ ريحان:عمو..حكيتلك،لازم أعطيه فرصة ليرتاح ويفكر منيح ريان:بس بظن وأنتي جنبو أفضل ريحان:لأ..مابدي يأثر وجودي عمشاعرو وقرارو..حتى أنا لازم اتأكد من مشاعري ريان:بدي خبرك شي.. ريحان:شو هو؟ 553 views°• ᒪᗩᗰOOᔕᕼ °• , 19:23
