2021-08-14 17:19:25
في بنت بتحكي :
کُنت بحكي مع وحدة قريبتي..
وفجأة لاقيتها بتحكيلي :
" لو بدّك ربنا يحققلك أي شيء - إن شاء الله - استغفري كثير وما تحكيه لحد (يعني خلِّيه مكنون داخلك لحد ما ربنا يأذن بتحقيقه).
فأنا سكتت..
فهي كمَّلت :
" أنتِ عارفة لمّا قالولي الدكاترة إنّه صار عندي مُشكلة بالإنجاب بعد ما أنجبت بنتي..
كان نفسي مِن جوّاي أخلِّف.
وكنت بستغفر برضه ليل نهار، وربنا رزقني بتوأم ولد وبنت الحمدُلله.
فأي شيء في حياتي بتمنّاه أو بدّي إيّاه بستغفِر ربنا..
والحمدُلله بستجيب ".
أنا ضلِّيت صافنة شوي، بس على طول تذكَّرت :
" فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (١٠) يُرْسِلِ السَّمَاءَ عَلَيْكُم مِّدْرَارًا (١١) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (١٢) "
- فاللهُمَّ أستغفِرُكَ أعداداً لا تُحصى .
-
97 viewsإيڤآإ <•••>, 14:19