2022-03-01 00:02:14
ﭑلمبعث_النبوي
السلام_على_رسول_الله_وحبيبه
نور الرساله يرسم جماله
صلوا على محمد المصطفى واله
الخطواته ايمان وكلماته قرآن
هالليله ربي امشرّفه بحمل الامانه
بغار ، بجبل ثور يتشعشع النور
شما يعله چفه يرتفع عالي لوانه
يا غار الاسلام باكتارك شضام
شايل شمس للحكمه وامضويه بسمانه
والعلق ترتيل يسمعهه جبريل
وهالسوره للمصطفى موصوفه بحنانه
ظل شاغله النور
وباوصافه مبهور
ظل شاغل احساس الوحي بنوره وكماله
عهد الظلم راح يا محلى الافراح
والكعبه فكت كل حزنهه بوجه الايام
ما اعظم الدين!! واول مصلين
بي ، حيدر وزوجة محمد والنبي ايمام
أي لو فرض حان اليسمع آذان
بالكعبه لا يسأل اشهدم هاي الاصنام
حرية الروح وبكل هدى يبوح
صرخه بوجه كل طاغيه معروف الاسلام
لا للشرك صاح
صوته وهبل طاح
عالي يظل طول الزمن صوت العداله
عالشجره كل طير يتغنه بالخير
وذرات التراب التهنّي النسمه والماي
واحزان الايام بچفوف الاسلام
دمعه اعله خد وجه الزمن تمسحهه بهداي
ليلة هُدى اتبات كل الديانات
وبشمس ابو الزهراء واعدهه الصُبح جاي
و من گبل الطفوف بخطوة هدى انشوف
لشخصه (عظيم الخُلُق) گاصد لجله مشاي
و تتشرف اتكون
كل ذرة بالكون
كلمة توصّف خصله وحده من خصاله
لهالدعوه منذور صبره على الجور
واتلاشت النصره اله ودينه المهم شاع
من مكه وياه عاشت اشكم آه
وعام الحزن يحمل خبر واشكم أمل ضاع
وابيثرب اشّاف من جور الاسلاف
من طلعَ البدرُ علينا لحج الوداع
تاريخ الايات يحچيهه محنات
شما تعتلي امواج الفتن صبر النبي اشراع
والخاتَم يريد
بهالدعوه تجديد
دعوه تِجدد كل شرع رب الجلاله
الدعوه الدعاهه حدد هواهه
و سر النبوه ايفسّره سر الولايه
يظل ديني باسباب العتره والكتاب
گاللهم وتبليغ امره اتوضحه آيه
وقرآن الاسلام الناطق بالاحكام
حيدر علي سرّي ووصيّي ورايي رايه
أي مني الحسين وآنه من الحسين
هالجمله هاي أصل البدايه والنهايه
أهل الكساء بيت
بي كل علم جيت
بيت الامامه اللي يحارب كل ظلاله
سعد هادي الشمري
170 views21:02
ت
