🌹تجمّع الزهراء ع للموالد🌹

2022-07-17 00:17:27 إنه عيد الغدير


أنت وحيٌ أنت آيه أنت نصٌّ وروايه
نعمةٌ تمت علينا توّجَته ُ بالولايه

حيدرُ المولى الأميرْ إنه عيدُ الغدير

1/خاطبَ اللهُ النبيا بلِّغ الوحيَ الجليا
فاز من والى عليا بهداه ُ يستنيرْ

حيدرُ المولى الأميرْ إنه عيدُ الغديرْ

2/زيّنوا كلَّ مكانِ أرسلوا أسمى التهاني
مع إمامٍ للزمانِ للبتولِ والبشيرْ

حيدرُ المولى الأميرْ إنه عيدُ الغديرْ

3/حول شمسِ الأمِّ دَارتْ النجومُ واستنارتْ
هكذا. الأعيادُ صارتْ إبنةَ العيدِ الكبيرْ!!

حيدر ُ المولى الأميرْ إنه عيدُ الغديرْ

4/زاد َ دينُ اللهِ نورا واكتمالاً وظهورا
ليس بعد النصِّ( شورى) إنه أمرُ القديرْ!

حيدر ُ المولى الأميرْ إنهُ عيدُ الغديرْ

5/إنهُ ماءُ الحياةِ ووضوءُ الصلواتِ
بالغدير ِفي المماتِ أطفِئوا نارَ السعيرْ

حيدر ُ المولى الأميرْ إنه عيدُ الغديرْ

6/ للغديرِ وحِراءِ أُعلِنُ اليومَ انتمائي
أحمدٌ شمسُ الضياءِ حيدرُ البدرُ المنيرْ

حيدر ُ المولى الأميرْ إنه عيدُ الغديرْ


7/أنت ذكرى لا تموتُ حار فيها الجبروتُ
فيكَ هام َ الملكوتُ خلفكَ المجد ُ يسير ْ

حيدر ُ المولى الأميرْ إنه عيدُ الغديرْ

متباركين بعيد الله الأكبر
محمد طالب العاملي باز کردن / نظر دهید

2022-07-17 00:09:26 الحمدُ للهِ الذي جعلنَا مِن المُتمسّكينَ بولايةِ أميرِ المؤمنينَ عليهِ السلام

#في_خدمة_الرواديد_والقراء
#عيد_الغدير_الأغر

(على لحن طلع البدر علينا)

قد أتى عيدُ الغديرِ .. هذا يومُ العاشقينْ
يا علي أنتَ أميري .. يا حبيبَ المؤمنينْ

في غديرٍ قد تعالت كفُّه نحو السّماء
منها خيراتٌ تهامت وسمُها نورُ الولاء

ربّي والِ مَن والاهُ .. واشفع في يومِ الحسابْ
ربّي عادِ من عاداهُ .. واصْلِهِ بئسَ العذابْ

زفّتِ الأملاكُ بشرى نعمةَ الحقِّ القويم
بيعةً للآلِ طُرّا بلّغَ الوحيُ العظيم

يا حبيبي يا إمامي .. يا أبًا للحسنين
يا هيامي وغرامي .. يا نورَ قلبٍ وعَين

أنذرُ العمرَ فداكَ .. حتّى أفنى في هواكْ
سيدي هاكَ ولاكَ .. أحيا في ظلّ لِواكْ

ساقيَ الكوثرِ هبني .. كأسَ ماءٍ من يديكْ
غيركم في الحشرِ مَن لي .. كلُّ اْتِّكالي عليك

صلّ يا ربِّ وسلِّم على طه وعلي
وعلينا ربِّ أنعِم أظهِرِ الحقَّ الجلي

زينب حوراء باز کردن / نظر دهید

2022-07-16 23:11:48 شعر للامام علي ع في يوم الغدير


انته الاول ياامامي ياامير
اوياهو ڰال انته الاخير
شوكه بعيون اليضدك
اوريته ماينظر نظير
مادروا بينه نحبك
اشما جره اوشما يصير
خل عدانه اليوم تسمع
اوخلها ياكرار ترجع تستدير
ابيوم شالك بيده طه
ابخم اوصاح انت الوزير
اتوج من الباري حيدر
اونصبه العالي القدير
من السمه نص الولايه
هاك بلغ يالبشير
اخذ بيده التاج طه
اولبسه ابيوم الغدير


هوسه

الآۆلْ هو الآۆلْ @ مانرضه ابغيره
حيدر حيدر @ ياوالينه
انبايعك حيدر علي@للولايه اجنودك


تم بعون الله للشاعره خادمة الامام الحجه عجل الله فرجه ام منذرالحجار باز کردن / نظر دهید

2022-07-16 22:48:48 ابغدير الباري نصب من؟٠٠٠ علينه
أمير النه وفرح هل مر ٠٠٠٠٠علينه
علينه اليوم من مر
الحزن والدمع يتكتر
ربنه امن العرش أامر
يرفع طه جف حيدر
وعلينه بجال حيدرنه ٠٠٠علينه
وفزنه بحبه حماي الحميه

نور الولايه الفاطميه باز کردن / نظر دهید

2022-07-16 22:47:49 غديرية


من الباري نزلت ايه نزلت تنادي
حيدر امير العالم بلغ يهادي
علي علي علي
-------------------1----------------
واجب اعله الناس كلهه تبايعه
هذا سيف الله كلنه انشايعه
اسم حيدر عالي لازم نرفعه
هالكتاب الله ومحمد وقعه

عالناس يبقى الرحمة حيدر ولينه
يبقى امير الامه صرح نبينه
حيدر قسيم الجنه يبقى بفؤادي
حيدر امير العالم بلغ يهادي
---------------2-------------
انبايع الكرار والي الامه
نسبح بأسمه نرتل اسمه
علي بالتسبيح اجمل كلمه
يسبح ويانه الكمر والنجمة

للفقره يبقى الوالي – حامي الحميه
بس يبقى العالي تاج البرية
واجب علينه أنبايع مدو الايادي
حيدر امير العالم بلغ يهادي
------------------3---------------
غير حماي الحمة ماكو امير
علي هو الاول الوالي الوزير
كل خليفه غيره ابدن مايصير
علي وي كل البشر ما اله نضير

من الحوت طلع يونس حيدرنه بيدة
من الموت خلص عيسى خلص وريدة
ماكو سياسي غيرة هو القيادي
حيدر امير العالم بلغ يهادي
---------------4----------------
المافهم معنى الولي ماضنم بشر
خسر بالد نيا القيامه هم خسر
علي نور عيونه ونور النظر
علي اعلم بالسماء وبالبحر

من علي اخذ الغيره تاج الولايه
ما كو مجاهد غيره بجفوفه رايه
عندة مصير الامة بنوره الجهادي
حيدر امير العالم بلغ يهادي
----------------5----------------
علي الاول يبقى غصبن عالعدة
غير الله وعلي محد نكصده
علي جيش الكفر كله شردة
وابن ود بسيفة طكه او سدة

ياهو الي شاطر مرحب حيدر علينه
ياهو اليسولف سيفة حيدر ولينه
بس بعلي واولادة يبقى اعتقادي
حيدر امير العالم بلغ يهادي
-------------------تمت بعون الله--------
#حيدرموسى الرميثي باز کردن / نظر دهید

2022-07-16 11:56:24 (هوسات غديريه)

هله أبعيد الولايه الخصصه الجبار
صَـدر بيه كتاب أوخاتمه المختار
عليه مكتوب الف مبروك يالكرار
تنجي الناس بـاچر من لهيب النار
ها ها
تمحيهه وذنوب انصارك
:::::::::::::::::::::::::::::::::::::
محمد شال چفك ياعلي أبيمناه
يندب يالاهي والـي مـن الــوالاه
ثبته اعله الولايه أوعادي من عاداه
مامثله بشر شايل شجاعه اوجاه
هاها
بس حيدر مانقبل غيره
:::::::::::::::::::::::::::::::::

مُحمد گال راح احچيهه بالساني
يجي يوم الغدير أوعلن أعلاني
تدري الناس كله القاصي والداني
بس انتـه علـي مـاكـو عـلي ثاني
ها ها
ما واحد يوصل لفعاله
:::::::::::::::::::::::::::::::::

فاخر علي الشبيبي باز کردن / نظر دهید

2022-07-16 01:53:33 قصائد عيد الغدير

الليله كل شيعي ينادي ياعلي ياعلي
رافضي وبيك اعتقادي ياعلي ياعلي
افرح بعيد الغدير هذا عيد الله الجبير



الليله بالحب والفرح متروسه
وما تضل فرحه ابكلب محبوسه
بسم ابو الحسنين تحلى الهوسه
وبسم حيدر شيعته محروسه

ناده هالليله ضميري ياعلي ياعلي
بس علي حيدر اميري ياعلي ياعلي
غير حيدر ما يصير هذا عيد الله الجبير



حكنه بيك اعلى الخلك نتباها
ياوصي امنصب من الله الطاها
جفك اكبال الخلك شالاها
مولى كل مؤمن صبح كالاها

الليله نزلت بيك آيه ياعلي ياعلي
بس لبو حسين الولايه يا علي ياعلي
والامر كلش خطير هذا عيد الله الجبير



الله اوحى للنبي ابقرآنه
الما يوالي ما كمل ايمانه
يا علي هالدين انته اركانه
وتبقى دنيا وآخره مولانه

تبقى بس انت الامام ياعلي ياعلي
هذا عدنه اخر كلام ياعلي ياعلي
البيعه تحديد المصير هذا عيد الله الجبير



كل سنه انجددها ليك البيعه
علي لاخر نفس نبقى انطيعه
ابكل فخر هذا الكلام انذيعه
للمنيه رافضه احنه وشيعه

عالوعد هذا بعدنه ياعلي ياعلي
ما نغير معتقدنه ياعلي ياعلي
ونفتخر بيك الامير هذا عيد الله الجبير



حكها هاي الوادم اتعادينه
ماكو عدهم مثلك اموالينه
انته وي الروح عايش بينه
وما يهمنه اشما يمر اعلينه

عدنه حبك اغلى كلشي ياعلي ياعلي
وين ما تامرنه نمشي ياعلي ياعلي
بدرك ايضل المنير هذا عيد الله الجبير



الخادم فراس موحان الساعدي باز کردن / نظر دهید

2022-07-16 01:26:56 آنا وهلي نعشق علي .. آنا وهلي نعشق علي

انا عاشق .. انا عاشق .. انا هايم في علي

والله جنني حبك ياعلي

شيعي انا موالي وغير الوصي مالي

وبأسمه انا موالي .. حيدر علي الغالي

حيدر علي الغالي

هيلي هيلي يالله .. على حبه الله

على عذبه الله .. هيلي هيلي يالله

وبأسمه انخلق قلبي .. ولجله انوجد حبي

ومن زوده متربي .. ونور علي دربـي

والله جنني حبك ياعلي


يأنشودة احساسي .. وتاجٍ على راسي

طابت بك انفاسي .. يا أشرف اقداسي

يا أشرف اقداسي

علي رحمة الله .. علي محكم الله

علي خصك الله .. للولاية والله

ياللي يربيني .. بأيامي وسنيني

لا ما تخليني .. يالساكن بعيني

والله جنني حبك ياعلي


عقد الوفا انذيعه .. ومن دمنا توقيعه

مانخالف البيعة .. شيعة نظل شيعة

شيعة نظل شيعة

خلنا نعاهد الله .. هيلي هيلي يالله

مانعوفه والله .. هيلي هيلي يالله

حيدر بدايتنا .. وحيدر نهايتنا

لو عشنا لو متنا .. يبقى عقيدتنا

والله جنني حبك ياعلي


من نلفي بالمحشر .. ابدا مانتحير

ناجين ومانخسر .. يشفع لنا حيدر

يشفع لنا حيدر

الشفيع إلى لله .. علي حجة الله

والهداية لله لله .. علي غاية الله

الساقي بالجنة .. من حبه يتهنه

واللي مادنى منه .. كل عمره مايهنه

والله جنني حبك ياعلي

الشاعر علي السلاطنه باز کردن / نظر دهید

2022-07-15 23:35:56 الحمدُ للهِ الذي جعلنَا مِن المُتمسّكينَ بولايةِ أميرِ المؤمنينَ عليهِ السلام

عليٌّ عليْ ونِعمَ الوَليْ
عليٌّ عليْ ونِعمَ الوَليْ

قامَ النبيُّ مُعلِنًا ويُشهِدُ اللهْ
مَن كنتُ مولاهُ فذا عليُّ مولاهْ

عليْ سفينةُ العِلمْ
عليْ خزانةُ الحِلمْ
عليٌّ عليْ ونِعمَ الوَليْ
_

نصَّ الرسولُ في عليٍّ حينَ بشَّرْ
عنوانُ مصحفِ الموالي حبُّ حيدرْ

يُطفِي النّارَ هَواهُ
ونمضي في لواهُ
عليٌّ عليْ ونِعمَ الوَليْ
__

مُبَاهِلاً بأهلِهِ قد جاءَ يُمسي
دعا عليَّ المرتضى وقالَ نَفسي

نفسُ الرَّسولِ أحمدْ
وأوّلْ مَنْ تشهّدْ
عليٌّ عليْ ونِعمَ الوَليْ
___

سدَّ الأبوابَ كلَّهَا وبابهُ لمْ
بهِ جَلَا عن القلوبِ الغمَّ و الهَمْ

إمامُ المتقينَ
أميرُ المؤمنينَ
عليٌّ عليْ ونِعمَ الوَليْ
__

نصرُ الإلهِ في يدِ الأميرِ أخبرْ
بكفِّهِ أزاحَ بابَ حصنِ خيبرْ

عليٌّ قامَ راجزْ
فهلّا من مُبارزْ
عليٌّ عليْ ونِعمَ الوَليْ
__

بِلا فَتَى إلا عليْ غدا شعاري
ولا كَسيفه بدَى كذي الفَقَارِ

قَسيمُ الجَنَّةْ والنَّارْ
كَرَّارُ ليسَ فَرَّارْ
عليٌّ عليْ ونِعمَ الوَليْ

#زينب_فياض
#عيد_الغدير_الأغر باز کردن / نظر دهید