🌹تجمّع الزهراء ع للموالد🌹

2022-06-06 21:29:23 في ولادة علي ابن موسى الرضا عليه السلام ...

الحضرة الله باب مولانا الرضا
والرضا مولانا صحنه والفضا

منولد منور ملانا وشامسه
منفعه لينا الرضا ابمثله المسه
ألرضا مولانا بس اللاّمسه
يعرفه زايل ظلامه الدامسه

بالحسن وارث طباع المرتضى
مايرد خايب أحد له لامضا


مايرد والله وجلال الله أحد
يقضي حاجاته له مو حاجه ويرد
ولمن انگول القصد أعني القصد
القصد له عارف ابحقه مدد

المرتضى حيدر علي جدّه عِضا
يوعض الزاره يزوره لا قضا


شافع ايگول الوجيه ازيارته
شافعه نجله إمامي طلّته
نقْصده ونطوفَ نحْل ابحضرته
شاغله جمع الرحيق ابزهرته

يامنَه ابأمْنه ويْحَفظه امن اللظى
ويضْمن الجنه المحبّه له حِظَا


الأنيس المؤنس اليوم الحشر
ابغربته في الدنيا وظلمات القبر
مو غني به بس يُرى لو ينّظر
في سعاده وعافيه عايش نقر

كل بلاء ايطب بلائه اَمروّضه
وجها دايم في شداده اَمبايضه


ألغطا لو ينْكشف حسدو المحب
كيف ربنا اموفّقه ابحبّه يطب
آخ ياسلطان رهط الله العذب
اشلون فايز بيك مولايه القرب

الناس لو تبصر تراها الرافضه
فوقه هالكوثر عطاشه رابضه


ألغريبه طوس من دونك نرى
الغريب الماله احد مثلك شرى
بالقيامه والصحف مطايره
أنت لن يالوافي تقدر تحضره

أنت ياحصن الله وشرطه الفارضه
أي نعم انت المقل لك نابضه



علي الأحسائي
ذو القعده ١٤٤٣هـ باز کردن / نظر دهید

2022-06-06 21:14:01 شمس وكبتك تضوي سنلها
وقوانين العشك حبك سنلها
روحي تحوم بأعتابك سنلها
تزورك كل صباح وكل مسية
..........
تزورك ياانيس الحب نفسها
وبدونك يختنك كلش نفسها
عالكبتك والنده وحدة نفسها
ونسمات الصبح والجاذبية
...........
ونسمات الصبح شملن وهبن
وكرم من الكرم منحن وهبن
ونور من الرضا يسطع وهبن
نور انوارة من امه الزجية
.........
نور وبالارض معلم وقبلة
ما واصل بشر مثلة وقبلة
وحي من انولد شمه وقبلة
بجبينه ونورت منه الثرية
......
بجبينه الدنية قابلها ورضها
وسماوات السبع فرحت ورضها
الجبال اتدكدكت للحب ورضها
وشوكك فطر عظامي عليه
......
الشاعر
اياد الفرح التميمي باز کردن / نظر دهید

2022-06-06 21:13:45 رسول الله الك هليوم فرحان
لجلك يالرضا ضل يقره قران
صلت على طه الانس والجان
اسمك بالسمة معروف سلطان
سلطان الشيعة واليها

.........
ويسلطان التشيع يا ابو الدين
يالاسمك علي وتشبه ابو حسين
ومو محفل الك انقيم حفلين
بصحنك يالرضا تعج الموالين
ونعمة ميلادك شكروها
...........
بنعمة مولدك الخالق انشكرة
وكلوب التحبك كل كلب حضرة
ميلادك عشك بسمة وغزل نقرة
والليلة اليحبك رايد تحضرة
تحضر والطافك تمليها
.........
تحضر كل محب وتنور الكلبوب
وحبك يالرضا من عنده مااتوب
وتبقه انتة شمس يااغلى محبوب
وسنيني شمع وبحبك تذوب
ذابت بودادك تدريها
.......................
ذوبني غرامك هيم جنوني
يالحبك حياتي وشوف بعيوني
يالشاغل كياني وكبتك لوني
مجنونك وعبدك خلي يسموني
وبمشهد روحي مخليها
......
الشاعر أياد الفرح التميمي باز کردن / نظر دهید

2022-06-01 22:16:19 لــــــمولد سيدتي ومولاتي فاطمة المعصومة عليها السلام،،

يـــــــبنت الـــــــ بس آلــــــه الكون يـــدراي،،

وصفـــكم وأنــــــا مـالــــي بـهاي يــــــــد راي،،

وصفــكم صعب لــــو أعدة،،

يـــــ هيل ولايــذ بــــوردة،،

يـــــ حنيــــة بـــــزر گــــعده،

عســـــــل و بــــــعسل يتبـــــــده،،

يــــــعنبر وي مـــسچ طابــــــگ،،

يــــــــلهفة عاشگ إمفــــارگ،،

لـــــــــ، حَــــد طرف الشعر غـــــارگ،،

ســــــوالفكم تـــظل منهــــــــل،،

عقل للــــــــــما قبل يعقـــــــل،،

و حـــق كل آيـــــــــه بــــــالــــمُــنــزل،،

يـــــــظل الـــــــما يحبكم دووم يـــــــدراي،،

بــــــــمرض ويـــــــضيع دايـــــه أعلى الـــوطية


أبو سجاد البزوني باز کردن / نظر دهید

2022-06-01 22:04:33 ميلاد فاطمه المعصومه
الوزن هدري الجاي هدري
مفاعيلن مفاعيل. مفاعيلن فعولن
~~~~
هاي الليله مولود معصومه الجليله
خل انطش الورود الكاظم نعتنيلــه



دار الكاظم اينــــــــور من نور الحبيبه
منــــــــه الگلب مسرور مسروره اهل طيبه
احتفلت كل الاملاك ابفرحه رهيبـــه
تهتـف كامت الحور بسم هاي النجيبه
ابحجر نجمه تلالـــــه بت الله خليله

* الشاعر فالح العامري*


اهني فاطمه اليوم وعلگ كل الشموع
وصيح بصوت عالي خلي الصوت مسموع
هله بهاي الولاده البيهه الراس مرفوع
ابلهفه امنهه اطلب تهل عيوني الدموع
اريدن منج امراد ترى اهمومي ثجيله

الشاعره ام حيدر الحمزه الطائيه


بيچ القلم محتار يبت فاطمه الزهره
مولد بت الاطهار نشم الليله عطره
شيعة علي الكرار افرحو الليله بشره
ورثت كل العلوم من الصادق وفكره
اكتب والگلب نار تره روحي عليله

الشـــاعــره ام ليث المالكي

نسل حامي الحميه مولوده الابيه
شع من نورها الكون والدنيه زهيه
رب الازل هليوم لمها انطه هديه
فرحت بيها الامجاد ورده الهاشميه
جتنه بت الاطياب والاحمد سليله

الشاعره ام عدنان سياحي

عظيمة شان والجاه. من نور الجلاله
هله بت كاظم الغيض الحوت ذاته وخصاله
تعلمت من اخوها. علمه وي مقاله
الجنه للي حبهه، ،والعاده اشصفاله
تشابه بالمواقف،، وقصتهه العقيله

الشاعره ام مجتبى الجزائري

من دار الامامه بانت فرحه هاليوم
مرسومه ابتسامه من جتهم هالعلوم
طير السعد غنه ومطرت كل الغيوم
مولودج يفاطم من الله جان معلوم
نهي النبي واله واهمه النه وسيله

الشاعره ام محمد الشاهين


كلنه انروح هليوم ونبارك العتره
نعلك شمع وبخور ونهني الزهره
ميلادج يحره الشيعه ابمسره
بارض طيبه اليوم مولدهه الحره
دنيا واخره النه يالصرتي وسيله

الشاعره ام زين العابدين
باز کردن / نظر دهید

2022-06-01 21:43:38 قصيدة بمناسبة ولادة السيده معصومه بنت الامام الكاظم عليهما السلام


بـــاب الحــوائـــج هــــاي
يالمحــب نـــادي ويـــــاي
يمعصومه يمعصومه
۩ ۩ ۩
بـــاب الحوائــج أزهــرت بهلال ذو القعده
السلطانه بت موسى الامام اليعتني يسعده
مــن البعــد چـــف الأمـل للطاهــره أنمده
ونــدريه معصومه وعـلي الحيران مترده
بنت الكــرم والجــود
باب الها مــا مسدود
يمعصومه يمعصومه

۩ ۩ ۩
بنــت الإمـــام أخت الإمـام وحــاجتــي يمها
بحضرتها چن ريحة نبي طـاب الـذي شمها
معصومه من ذنب وزلل غير الزچيه أمها
مــنْ البعــد گلبـي اليحــب بالــدمعــه كلمها
يخت الرضـــا بهل يــوم
عينـــچ علـــى المهموم
يمعصومه يمعصومه
۩ ۩ ۩

مــرقدها چن قبله وتحج كـل الخلگ بيها
چنها شمس فوگ الأرض گبتها تضويها
باب الحوائــج حاجتــك ثق هيه تگضيها
لباب الكريمــه اعتني والدمعـــه أِجريهـا
گللهــا بالــــدمعـــات
يمـــچ تره الحاجــات
يمعصومه يمعصومه
۩ ۩ ۩

عنها تــره الصادق روه وأخذ الحي منّــه
كلمن يـــزور الطاهـــره واجب اله الجنـه
أباب الكريمــه يا المحب لا تگطع الضنه
حلّفــها بأمهـــا فاطمـــه وبحيــدر اتغنــه
حلّفهــا بــالكــــرار
تسرك تره الإخبار
يمعصومه يمعصومه

۩ ۩ ۩

والدهــا بابـــه الما يـــرد فـد يوم خطاره
ومعروف أخوها بالرضـا يرضيها زواره
گللها يــا بنت النبــي ويـا مهجة أسراره
نيــران گلبي مرقـــدچ بي تنطفـي نــاره
كلمن گصدها وزار
لا ما يظــل محتــار

يمعصومه يمعصومه

۩ ۩ ۩
#الشاعر
موسى البديري باز کردن / نظر دهید

2022-06-01 21:41:14

 اذا ما ألمت بك النائبات
وعضت عليك بأنيابها

فلذ بالكريمة أخت الرضا
وحط الرحال بأعتابها

وثق إن دعوت الإله بها
أتيت المدينة من بابها

اسعد الله ايامكم بميلاد سيدتنا ومولاتنا فاطمة المعصومة عليها السلام

#متباركين

باز کردن / نظر دهید

2022-06-01 21:32:39 مولود بمناسبه ولادة مولاتي معصومه ع


نورت الدنيه الزغيره
اليوم ميلاد الاميره
حيوها حيوها. معصومه حيوها

للطفله احنه اليوم نقدم تحيه
معصومه حيوها هاي المسيه
هنو الإمام الكاظم وأمه الزجيه
الليله فرحتنه جبيره
اليوم ميلاد الاميره
حيوها حيوها معصومه حيوها

معصومه يامحلاها حلوه وجميله
والكرم الي عدهه ماكو مثيله
تشبه ابوها بالكرم هيه الجليله
ماتخل واحد بحيره
اليوم ميلاد الاميره
حيوها حيوها معصومه حيوها

بالكرم معروفه هيه و أبوها
فاطمه ميلادهه اليوم اندبوها
وبفرحه و بهلهوله استقبلوها
حلوه بحلات الطيره
اليوم ميلاد الاميره
حيوها حيوها معصومه حيوها


تمت والحمد لله
بقلمي المتواضع
للشاعرة وخادمة الحُسين
رقية العامري باز کردن / نظر دهید