🌹تجمّع الزهراء ع للموالد🌹

2022-05-31 23:56:37 طور :- أسرني شوقچ ورفع الرايه



ضوت سمانه الليله معصومه
ضوت سمانه الليله معصومه
والكون غنت شمسه ونجومه
والكون غنت شمسه ونجومه



اخت الرضا ويامحلا بسمتها
اخت الرضا ويامحلا بسمتها
تشرح خواطر قلبي وهمومه
تشرح خواطر قلبي وهمومه



وسـط المـهـد تتلالى بالانـوار
وسـط المـهـد تتلالى بالانـوار
قدسية والخد ورده مرسومه
قدسية والخد ورده مرسومه



بـاب الحوايج مـن تعنـاهـا
بـاب الحوايج مـن تعنـاهـا
نادها يا ضي قلبي وشمومه
نادها يا ضي قلبي وشمومه



خاب الذي جار ونكر فضلچ
خاب الذي جار ونكر فضلچ
بحر الكرم بالعلم مفطومه
بحر الكرم بالعلم مفطومه



لو حج وصام وصلى ساعاته
لو حج وصام وصلى ساعاته
ما ينفعه بيوم الحشر صومه
ما ينفعه بيوم الحشر صومه



هنياله اللي بـقـم تعنالچ
هنياله اللي بـقـم تعنالچ
فاز بنعيم وجنه مضمومه
فاز بنعيم وجنه مضمومه



اتمنى اطب الحضرتچ زاير
اتمنى اطب الحضرتچ زاير
للقبه نار اشواقي ملچومه
للقبه نار اشواقي ملچومه



مباركٌ لكم ولادة ريحانة باب الحوائج
إلى شرف أميرة قم - كريمة آل محمد
مولاتي فاطمة المعصومة .
الفاتحة لروح والدي
بقلم / فاطمة حبيب
ومن الكريمة أرجو القبول . باز کردن / نظر دهید

2022-05-31 23:55:00 هوسات لولادة معصومة بنت الامام الكاظم عليه السلام

من العصمه قريبه. والمسميها
اخوها الرضا. حوزة علم يدريها
أجر نال وشفاعه من گصد ليها
(ماخاب اليگصد معصومه )

مثل باب الحوايج مبدأ ومنهاج
تگضي بلكرم حاجات كل محتاج
وفود اهل العلل متعنيه الها افواج
( كل صعبه العندگ تگضيها )

الشاعر حسن لعيبي الحريشاوي باز کردن / نظر دهید

2022-05-31 23:54:44 لولادة السيدة معصومة بنت الامام الكاظم عليه السلام. (نصاري )

سعادة انملت بيها وضَوَّت الدار
معصومه اشرقت نور من الانوار

*
عش ال الرسول ونصر للدين
للكاظم مهجته . وقرة العين
حوزه للعلم. بنت الميامين
وچف يمطر كرم ينطي المساكين
شهد إلها الغريب ويشهد الجار

***
يامكثر كرمها بنت الإشراف
لَقبَّها الرضا معصومه من شاف
علمها ماتحده احدود واوصاف
عرفان وكرامه من الله والطاف
وكمالات ودراية وعلم واسرار

***
مثل باب الحوايچ عدها منهاج
تگضي بالكرم حاجة. المحتاج
وفود اهل العلل. متعنية افواج
معصومه اعتلت هام العلم تاج
عنوان وصفه من طبع الاطهار

***
فضل علناس من رب السماوات
بولادة فاطمة. ام الكرامات
معصومة وكريمه وطاهره الذات
نالت بالعلم أشرف مقامات
من بيت النبوة وعلي الكرار

****
اليوم من الزمان اجمل الايام
على بيت الرساله واهل الاحكام
كرامة وخير معصومه على الاسلام
وشفه المعلول من لوعات الآلام
وشفيعه بالحشر لوتسعر النار

الشاعر حسن لعيبي الحريشاوي باز کردن / نظر دهید

2022-05-31 22:51:05 ياعمة الجواد المرتفع شانج
كريمة والكرم معصومه عنوانج
ومثل بيت الحسن مفتوحه بيبانج
وعليج اليوم نقسم احنه بخوانج
والحاجه بجفج تكضيها
.........
يالمحتاج اسمع مني معلومه
لوظاكت عليك وحيل ملزومه
حالك راح يصفا يزيلاً همومه
بس نادي يخت الرضا المعصومه
والصعبه تهون وتكضيها
.......

وين اهل الحوائج خل اسمعكم
عندي الكم مقاله وبيها اقنعكم
بمولوده عظيمه اليوم ابشركم
بنت الكاظم التكضي حوائجم
وتكضيها كل حاجه العدكم
...........
الشاعر أياد الفرح التميمي باز کردن / نظر دهید

2022-05-31 22:12:24 جلوة لمولد كريمة اهل البيت فاطمه المعصومه عليها السلام
طور : ( قومي ياييمه )

قوموا ياشيعه .. قوموا ياشيعه
نروح مولد فاطمه .. قوموا ياشيعه
…………


فاطم اسمها .. و شايع علمها
والزهره امها .. المعصومه تشبه فاطمه
…………


قوم احضر الها .. وافرح لجلها
وهنيها امها .. وهني الزچيه فاطمه
…………


مولدها اقيمه .. بفرحه عظيمه
لهذي الكريمه .. كل المحافل قائمه
…………


بفرحه اجينا .. ونرفع ايدينه
يارب تعطينا .. ويجعلها فرحه دائمه
…………

بصفقه وهلاهل .. نحيي المحافل
والكل يسايل .. دعوة سريعه للسمه
…………

بمولدها جينه .. ومدينا ايدينه
لهاذي الكريمه .. واللي اجـاها تكرمه

…………


الليله هنيه .. جات الرضيه
ونرجو العطيه .. ابجاه امها فاطمه
…………


ام الكرامات .. تقضي الحاجات
وتشفي العلات .. بجاه حماي الحمه
…………


اطلب وانادي .. من رب العبادي
عطني مرادي .. بجاه شبيهة فاطمه
…………


اسمع خبرها .. شايع علمها
للزاير إلـها.. ينال زيارة فاطمه
…………


واخر كلامي .. اوصل سلامي
لأخت الامامي .. رايدها چفي تلزمه

…………

تمت بحمدالله وتوفيقه ونسألكم الدعاء لتعجيل فرج صاحب العصر والزمان ولشفاء المرضى وقضاء الحوائج ونسأل الله القبول والمدد

القصيدة من تأليف خادمة الزهراء :
رقيه صالح البطي باز کردن / نظر دهید

2022-05-31 22:07:37 *هوسات لطلب الحوائج وشفاء المرضى من كريمة أهل البيت السيدة المعصومه عليها السـلام*


اجـينا بمولدچ ولبينه هـ الدعـوات
ومدينــا الأيـادي عنـدنا طلبــات
بجاه باب الحوائج كشفي الشدات
بس انادي بأسمچ تنقضي الحـاجات

( من چفچ ناخذها الحاجه )

..... ..... ..... .....

متعنين اجينه ونحيي مولدها
ونحلفها اجينا بالنبي جدها
حوايج ننتظر هالليله من عدها
عـ المعلول تمسح هالمسه بيدها

( عالمرضى تمسح بيديها )

..... ..... ..... .....

خـادمكم مريض ويرتجي نظـره
طالت علتــه وهم نفـذ صبــره
يبي منچ الدواء بجاه أمك الزهره
نظـري للمريض الليـله لو نظـره

( الليله الليله اتداوينه )

..... ..... ..... .....

تمت بحمدالله وتوفيقه ونسألكم الدعاء لتعجيل فرج صاحب العصر والزمان ولشفاء المرضى وقضاء الحوائج ونسأل الله القبول والمدد

بقلم خادمة الزهراء : سكينه صالح البطي باز کردن / نظر دهید

2022-05-31 21:56:25 هالليله هالليله ... نزلت آيات الفــرح
هالليله هالليله ... باب الحوايج انفتح

————— (١) —————

يـ أخت الرضا ساد الرضا
لمّـــن إلـچ زان الفضــــا

بانت خـيوط المرتضـى
و ضيّ فاطمه بيها أضى

يعــني بحكـم المقتــضى
إنخمـدت نيران اللضــى

مو عجبه مو عجبه .. جن و بشر الكل الربح
مو عجبه مو عجبه .. باب الحــوايج انفتــح

————— (١) —————

هل الكرم يـ أصل الكرم
و نولدت إويــاچ النعـم

و كـل المــبادئ و القيم
لجـلچ غــدت نــار بعلم

يل چنتي من قبل العدم
مسعى لنا كعبه و حــرم

نتمنى نتمنى ... گلب الموالي إنشرح
نتمنى نتمنى ... باب الحــوايج انفتح

————— (٣) —————

يا فاطـــمه و بــت فاطمـه
هليت علينا المرحمــه

ابمـولدك عطـــر الســــما
فـــاح أنتشــر يا العـالمه

و تشتـمه أهــل المكـــرمه
شيعة علي حامي الحمه

ألطافچ ألطافچ ... تبني أركــان المرح
ألطافچ ألطافچ ... باب الحوايج انفتح

————— (٤) —————

أنتي الوطن جنة عدن
بيچ تنزاح المحن

لا عدنا شك او لا وهن
أنتي الأمــين المؤتمــن

و كلما يجر بينا الزمن
نتوسلچ ســـر و عـــلن

مـ تردي مـ تردي ... كلمن إلى بابچ نزح
مـ تردي مـ تردي ... باب الحـوايج انفتح

————— (٥) —————

طيف الحلّم أصبح عِلّم
للي ينـــادي ابهالإســـم

يا فاطـمه يـ أطـيب كلّم
احــنا إلچ برّد و ســـلّم

و نرفع إلچ كـف العــزم
نظره يـ بت أكــرم شهّم

و الحاجه و الحاجه ... صوت المآتم ينصدح
و الحاجه و الحاجه ... باب الحوايج انفتح

عبد مُحمد وآل محمد / #مُفضل_حبيب
٢٩- شوال- ١٤٤١

#ميلاد_فاطمة_المعصومه
----------- باز کردن / نظر دهید

2022-05-31 21:56:01 #ميلاد_فاطمة_المعصومة
#أبوذيات
#(١)_ذي_القعدة

أنتي الــ بالكـــرم ورثــــت .. حَسنها (١)
و مثــل روح النبي صـــورة .. حِسنها (٢)
الـ طــب حضـرتچ لا شــك .. حس نها (٣)
حضرة فاطمه الزهره الزچيه

(١) الإمام الحسن
(٢) الحسن
(٣) الأحساس

———-

توســــــل بالكـــــريمه ... و نخِ الها (١)
و لعشها أقصد بروحك ... و نخِ الها (٢)
مثل جــنة عـدن كــثره ... نخِـــلها (٣)
*و يتســاقط " رطـب " بيّها جنيه*

(١) النخوة
(٢) التذلل
(٣) النخيل

—
محب الآل هالافراح ... عشها (١)
مثل حمامه الفارقت ... عشها (٢)
و أقصد لأهل البيت ... عشها (٣)
و لجل اخت الرضا قدم تحيه

١) العيش
(٢) بيت الحمام
(٣) مدينة قم


عبد مُحمد وآل محمد / #مفضل_حبيب باز کردن / نظر دهید

2022-05-31 21:55:42 #هوسات
#ميلاد_فاطمة_المعصومة
#(١)_ذي_القعدة

————— (١) —————

يمتى ألزم ضريحچ و ألثـم الشباك يمـن لولا أبوهـا ما سـرّت لفـــلاك مـو آنا مُغــالي يلعـن الله الشـــاك أنتي اللي ابگبرها اتزاحمت لملاك

*و كل واحد يطلب بمراده*

————— (٢) —————
 
حرم آل النبي أرضـچ يـ بت لطهار يا أخــت الرضـا يا مأوى للأخــيار بيّچ الله و رسوله استودعـوا أسرار قالـوا گاصـدچ لا ما تمــسه النـار

*و عد قبرچ تگضين الحاجه*

————— (٣) —————

كريمه و بت كريم و من نسل اكرام
وقبل مـ ألفظ أسمچ ألبس الأحرام
كعبه للكــرم أنتي وأسمـى مقــام
و أنتي لليقصدك في برد و سلام

*و أطوفچ سبعه زوارچ*

————— (٤) —————

أطوفچ يالكريمه مو سبع أشواط
قُربه للعـلي ابهالعمـــل احــتاط
وأطوفچ لحد ما أوصل الأفــراط
و أحسب هالحرم للجنة الفسطاط

*جبريل واقف عد بابچ*


عبد مُحمد وآل محمد / #مفضل_حبيب باز کردن / نظر دهید

2022-05-31 21:36:14 هوسات لولادة معصومة بنت الامام الكاظم عليه السلام

من العصمه قريبه. والمسميها
اخوها الرضا. حوزة علم يدريها
أجر نال وشفاعه من گصد ليها
(ماخاب اليگصد معصومه )

مثل باب الحوايج مبدأ ومنهاج
تگضي بلكرم حاجات كل محتاج
وفود اهل العلل متعنيه الها افواج
( كل صعبه العندگ تگضيها )

الشاعر حسن لعيبي الحريشاوي باز کردن / نظر دهید