🌹تجمّع الزهراء ع للموالد🌹

2022-06-22 01:12:14 عهدي معگود ابرگبتي للغري
حيدريٌ حيدريٌ حيدري
@@@
على افادي چفي چن بيد الامام
وبيعتي صارت مثل بيت الحرام
بيها مهد المرتضى سيد الانام
عهد الله ودين صار ابمنحري
حيدريٌ حيدريٌ حيدري
@@@
البيه هم المصطفى بس ينجلي
الگالوا رابع گلنه حيدر أولي
منو غيره ابمحكم الباري ولي
وصار للاسلام حبله والعري
حيدريٌ حيدريٌ حيدري
@@@
يالتسمونه اعله حبه الرافضه
منهو قاسم جنة الله واللضى
ورضا الله منهو واسمه المرتضى
غير ذاك الي فرا مرحب فري
حيدريٌ حيدريٌ حيدري
@@@
هذا امر الله وعلى طه نزل
ابحبيب الروح دين الله اكتمل
وتمت النعمه ابطل حطم هبل
صاحب الوجه الجميل النيري
حيدريٌ حيدريٌ حيدري
@@@
باب علم المصطفى وصنوه التقي
ومثله ماكو ابمنهج الهادي نقي
وعلى چتف المصطفى بس يرتقي
وابقبا طه وصوله يحتري
حيدريٌ حيدريٌ حيدري
@@@
اجره بالخندق على اجر الانام
ودونه ربي ماقبل ركعه وصيام
صاحب الاطعام مصباح الظلام
لليتيم وللاسير المهتري
حيدريٌ حيدريٌ حيدري
@@@
خل تغص الناصبه وانا افتخر
بالبطل نفس النبي فارس بدر
والله حبي لحيدره عظمه اشكبر
طفح من گلبي وفضحني محجري
حيدريٌ حيدريٌ حيدري
@@@
علي صديق ابرغم كلمن چذب
وهو فاروق الذي بيه العجب
وهو ذالنورين تاريخه كتب
هالحقيقه ابرغم كلمن يفتري
حيدريٌ حيدريٌ حيدري
@@@
علي احمد الحمود
٢٢-٦-٢٠٢٢
الغدير باز کردن / نظر دهید

2022-06-22 01:11:46 فرح بالارض وسمه .. لا اله الا الله
لعلي عرسه ابفاطمه .. لا اله الا الله
@@@
الحوره نزلت بالزهر .. لا اله الا الله
والملايك بالدرر .. لا اله الا الله
والنجم وي الگمر .. لا اله الا الله
تزف علي حامي الحمه .. لا اله الا الله
@@@
عم على الدنيه السعد .. لا اله الا الله
بأمر بارينه الصمد .. لا اله الا الله
وصار بالورد الشهد .. لا اله الا الله
والسماء أمغيمه .. لا اله الا الله
@@@
علي تاجه اعمامته .. لا اله الا الله
ويمشي رافع هامته .. لا اله الا الله
والسعادته ضمته .. لا اله الا الله
وحبه ينبض بالدمه .. لا اله الا الله
@@@
وفاطمه ضيها الگمر .. لا اله الا الله
تحفها ايات او سور .. لا اله الا الله
سيده لسيد البشر .. لا اله الا الله
هالجليله العالمه .. لا اله الا الله
@@@
علي احمد الحمود
٢١-٦-٢٠٢٢
زواج النورين باز کردن / نظر دهید

2022-06-22 01:11:25 اوووه ياماااال
@@@
ولاية علي چالبحر .. وهنياله كل سباح
هيه نجاة الحشر .. وللجنه بس مفتاح
واللي عذل بوالحسن .. تالي ابجهنم طاح
فاز بولينه المحب
ويرويه كوثر عذب
وتبا لأهل النصب .. منكر بغضهم فاح
@@@
معلوم حيدر نجا .. كلمن تعلگ بيه
وبالدنيه بابه السئل .. عن البشر يغنيه
فاز الذي بوالحسن .. حيدر علي واليه
ابابه جود العلى
واليگصده ايدلله
حيدر أمير الملا .. الله الامر منطيه
@@@
معروف حيدر فتى .. وابحبه احنه انذوب
ولو ما نبضنه ابعلي .. انشيل ونذب لگلوب
فارس مثيله بطل .. توصف عجب لحروب
لمن رهيفه شهر
مرحب دماغه انشطر
وجيش الاعادي انكسر .. وعاد ابخزي مگلوب
@@@
علي احمد الحمود
١٨-٦-٢٠٢٢
الغدير باز کردن / نظر دهید

2022-06-18 11:44:25 اوووه ياماااال
@@@
ولاية علي چالبحر .. وهنياله كل سباح
هيه نجاة الحشر .. وللجنه بس مفتاح
واللي عذل بوالحسن .. تالي ابجهنم طاح
فاز بولينه المحب
ويرويه كوثر عذب
وتبا لأهل النصب .. منكر بغضهم فاح
@@@
معلوم حيدر نجا .. كلمن تعلگ بيه
وبالدنيه بابه السئل .. عن البشر يغنيه
فاز الذي بوالحسن .. حيدر علي واليه
ابابه جود العلى
واليگصده ايدلله
حيدر أمير الملا .. الله الامر منطيه
@@@
معروف حيدر فتى .. وابحبه احنه انذوب
ولو ما نبضنه ابعلي .. انشيل ونذب لگلوب
فارس مثيله بطل .. توصف عجب لحروب
لمن رهيفه شهر
مرحب دماغه انشطر
وجيش الاعادي انكسر .. وعاد ابخدي مگلوب
@@@
علي احمد الحمود
١٨-٦-٢٠٢٢
الغدير باز کردن / نظر دهید

2022-06-18 11:44:01 صوت الضمير البينه .. ياعلي ياعلي
من الله بس والينه .. ياعلي ياعلي
بأمر النبي المختار
حيدر علي الكرار
من الله بس والينه .. ياعلي ياعلي
@@@
كعبه ولينه انشوفه .. ياعلي ياعلي
وابخم غديره انطوفه .. ياعلي ياعلي
والبيعه بس لچفوفه .. ياعلي ياعلي
…
ايه انزلت بالبيعه .. ياعلي ياعلي
وبيها عليها انطيعه .. ياعلي ياعلي
وصرنه ابغرامه شيعه .. ياعلي ياعلي
@@@
زوج الزچيه الحوره .. ياعلي ياعلي
هو الگمر بالسوره .. ياعلي ياعلي
وصار الوجود ابنوره .. ياعلي ياعلي
…
طاهر طهور اجداده .. ياعلي ياعلي
وبالكعبه صح ميلاده .. ياعلي ياعلي
وكل الايمه اولاده .. ياعلي ياعلي
@@@
نفس النبي وانفاسه .. ياعلي ياعلي
والدين نبض احساسه .. ياعلي ياعلي
وابطه بس مقياسه .. ياعلي ياعلي
…
سمعوا يأهلي وربعي .. ياعلي ياعلي
هو الخليفه الشرعي .. ياعلي ياعلي
ومن الله امره قطعي .. ياعلي ياعلي
@@@
راعي البصيره احسبها .. ياعلي ياعلي
بيعة ولينه انحبها .. ياعلي ياعلي
وتسوه ابدمه نطلبها .. ياعلي ياعلي
…
ذبنه ابغرامه الاطهر .. ياعلي ياعلي
وغيره ولي نتعذر .. ياعلي ياعلي
وصار النجا بالمحشر .. ياعلي ياعلي
@@@
يعاذليني ابحبه .. ياعلي ياعلي
نبضي ودليلي ابگلبه .. ياعلي ياعلي
ابحيدر عرفنه ربه .. ياعلي ياعلي
…
هو السراط الأقوم .. ياعلي ياعلي
وتأويل كل المحكم .. ياعلي ياعلي
وكلمن يعوفه اتندم .. ياعلي ياعلي
@@@
هذا الفتى ما مثله .. ياعلي ياعلي
لا بعده صح لا گبله .. ياعلي ياعلي
فارس بدر بوالحمله .. ياعلي ياعلي
…
بسيفه الولي لمذهب .. ياعلي ياعلي
بفقار چم واتخضب .. ياعلي ياعلي
عمر بن ود لو مرحب .. ياعلي ياعلي
@@@
علي احمد الحمود
١٨-٦-٢٠٢٢
الغدير باز کردن / نظر دهید

2022-06-11 11:13:19 اَللّـهُمَّ صَلِّ عَلى عَلِيِّ بْنِ مُوسَى الرِّضا الْمُرْتَضَى الاِمامِ التَّقِيِّ النَّقِيِّ وَحُجَّتِكَ عَلى مَنْ فَوْقَ الاَرْضِ وَمَنْ تَحْتَ الثَّرى

#ولادة_الامام_الرضا

قربانُ الخزام...

أبوحُ اليومَ عن وجد الهيامِ
وعن شوقي لأعتاب المقامِ

عن الذكرى تمرُّ على فؤادي
فتأخذني على جنح اليمامِ

أهيمُ على بساطِ الشّوقِ أعلو
وأقصدُ مشهدَ الآلِ الكرامِ

هنا صلّيتُ ركعاتٍ طوالٍ
هنا يمّمتُ وجهي بالسّلامِ

هنا أمطرتُ من دمعٍ تجارى
وكم دمعًا جرى يروي كلامي

هنا أعلنتُ عن حبٍّ دفينٍ
هنا أفصحتُ عن سرّ الغرامِ

بماءِ العشقِ قد بللتُ قلبي
فإنّ القلبَ دونَ العشقِ ظامِ

هنا آنستُ نورًا في رواقٍ
له قرّبت قربانَ الخزامِ

هنا علّقتُ بالشّباكِ قلبي
على بابِ الضريحِ مع الأنامِ

رجوتُ اللهَ بالسّلطانِ هبني
كمالَ الدّينِ ذا مسكُ الختامِ

وهبني أن أزورَ الرّوضَ عمرًا
وأشرقْ شمسَ روحي بالإمامِ

#زينب_فياض
#يا_علي_بن_موسى_الرضا باز کردن / نظر دهید

2022-06-11 11:12:00 *مواويل لميلاد الإمام الرضا* (ع)
****
سلام على ثامن الحجج الأكارمِ
أنيس النفوس من سلالة هاشمِ
صلى الإله عليه ذا غريب طوسٍ
فصلّوا عليه واذكروا بالصلاة القائمِ....

**

بمشهد الرضا بات القلب هائمُ
قد بان للجنة من مقامه علائمُ
هو سلطان القلوب وابن محمد
هنِّؤا بميلاده الميمون فاطمُ

***
*عباس ابراهيم* باز کردن / نظر دهید

2022-06-11 11:11:22 سلام عليكم
مبارك عليكم ولادة الإمام الرضا عليه السلام في ١١ ذو القعدة

شَعَّ في طيبةَ نورٌ لعليْ
للرِضا السلطانِ يا نعمَ الوليْ

وببيتِ الطُهرِ موسى أشرقَت
شمسُ قُدسٍ للمعالي تَعتَلي

ولَدَتهُ تُكتَمُ خَيرُ الإما
وبه سِرٌّ لِموسى يَنجَلي

وارثَ المختارِ أكرِمْ مَقدَماً
أنتَ زَيّنتَ سَمانا بالحُلي

يا سَميَّ المرتضى نعمَ السمي
أجملُ الأسماءِ للهادي عليْ

فعليكَ اللهُ صلى وعلى ال
عترةِ الأطهارِ خير العملِ



الخميس ٩ ذو القعدة ١٤٤٣ هج باز کردن / نظر دهید

2022-06-11 11:10:58 أبوذيات رضوية


يحلها

يشع نور الرضا ابأرض اليحلها
ابحلاته امرورة الدنيا يحلها
و اذا ننخاه للشدة يحلها
رؤوف و صاحب الچف الندية


علامه

يتايه في الدرب خذ لك علامه
الرضا اللي حير الدنيا ابعلامه
على مَ اتلومني ابحبه على مَ
وعلم آل النبي عنده سجية


وسيلة

على بابه أهل دمعي وأسيله
ولا أقصد إلى غيره واسيله
ولا عندي مثل حبه وسيله
إِبِن موسى الرضا شمس البريه



وزارة

يزور الله التعنّى له وزاره
و يحط باب الرضا اذنوبه وزاره
الشفاعه لو تصح ليها وزاره
الرضا يصبح وزير اعلى البريه


بلا احساب

إذا جيت الحشر باچر بلحساب
اوحسباتك خَطَت بالعد و لحساب
متى تدخل إلى الجنة بلا احساب
الرضا يوم اليوقّع بالهويه


شفع ليك

عليل؟ اسم الرضا ينزل شفى اعليك
او بالمحشر شي عالحبه وشي فعلك
و هنيالك إذا الضامن شفع ليك
شفاعه تضمن الجنه العليه


ضمانه

على الكوثر من ايروّي ظمانا
النضمّه ابروحنا وحضنه ضمانا
يضامن ردنا من عندك ضمانه
و حق جدك علي حامي الحمية


سلامه

اليريد ابقبره وابحشره سلامه
يسلّم للنبي ابحربه و سلامه
ويسلم عالرضا اليسمع سلامه
ويشوف امن الرضا رد التحيه

علم دار

أدوّر في الحشر حولك على امدار
علي يالداره صارت للعلم دار
العلم بيدك يرفرف يا علم دار
يضامن بالحشر اشفع إليه


علملاك

يمالكني ولا ايدور على املاك
وملايك للسما ابصحنه على املاك
وسط روحي الك قبه و علم لك
و منايه بالحشر تمسك بيديه


غريبان

علي وجدك علي وانتو غريبان
في هالدنيا و عجيبان وغريبان
إذا بانت خراسان الغري بان
وعلي يتجلّىٰ في العترة العلية





عبدالله القرمزي باز کردن / نظر دهید