🌹تجمّع الزهراء ع للموالد🌹

2022-06-10 23:29:33 (( للرضا شوگي ))
ذكرى ميلاد الامام الضامن علي بن موسىٰ الرضا عليه السلام


آنه عاشگ و بهيامي … للرضا شوگي و سلامي
❃❃❃❃❃❃❃❃❃❃❃❃
عشگي بجنونه تِفَنَّن و طاير ابْجِنْح الغرام
و في سِما أشعاره كَوْكَب ناظم أبيات الهيام
تحچي بإحساسي القوافي و يعجز ابْوَصْفَه الكلام
للرضا روحي و حياتي ثامن العتره الإمام
...............
إسمه أغلىٰ هالأسامي … للرضا شوگي و سلامي
❃❃❃❃❃❃❃❃❃❃❃❃
أشْرَق ابْدِنيانا شَمْسَه و ضَيَّه شَعْشَعْها المَعاني
و تقْسِم ابْنورَه المَجَرّه و كل نَجِم يبعَث تهاني
ابْمَوْلِدَه عرش الله يزهي و سَبَّح ابْذِكْرَه لِساني
ويا حبيبي صوتي رَنَّم ويا هلا ابْنور إللي جاني
...............
يا هلا ابْكوني و نظامي … للرضا شوگي و سلامي
❃❃❃❃❃❃❃❃❃❃❃❃
مَبْسَمَه ع الدنيا بَهْجَه و تضحك أزهار النَدِيَّه
و عطره أنْفاس الكرامه ابْدوحَه خَضْرَه و هاشمِيَّه
و موسى بِقْدومَه تباهىٰ ضامن الجَنَّه البَهِيَّه
و بالعلي العالي تِسَمّىٰ و بإسم حامي الحَمِيَّه
...............
حروفَه تَرْنيمَة وِئامي … للرضا شوگي و سلامي
❃❃❃❃❃❃❃❃❃❃❃❃
روحي ما ترضىٰ بَديلَه ويا متىٰ أوصَل و اجيله
و حُبَّه نابت في دليلي ولايتَه اوْلايَه أصيلَه
يمتىٰ يكتبني أزوره و أگطع ادْروب الطويلَه
ابْحَضرتَه أوگَف و اسَلِّم و دمعي فرحه في مَسيلَه
...............
و يَم ضريحه كل كلامي … للرضا شوگي و سلامي
❃❃❃❃❃❃❃❃❃❃❃❃
يالرضا خلني إعْلَه بابك وَرْدَه مزروعه ابْمُكانَك
تعْتنيها و هالمَشاعِر سَيّدي تِحْيا ابْجِنانَك
و إرْوي من جودَك ضميري يالرضا أعْذَب حَنانَك
يا رَؤوف و گلبَك إنته يقبل إلْقاصِد أمانَك
...............
شوفه حلمي و كل مَرامي … للرضا شوگي و سلامي
❃❃❃❃❃❃❃❃❃❃❃❃
باقه من گلبي تجي لك و ذكرىٰ ميلادك عطرها
و كل مَلَك نازِل يهَنّي لازم الشيعه يمرها
و ياخذ أشواگ و أماني ابْحَضرتَك فَرْحَه نثَرها
و للسِمَه يحمل سَعَدنا شيعتَك ينشر فَخَرها
...............
فينا عشگك دومَه نامي … للرضا شوگي و سلامي
❃❃❃❃❃❃❃❃❃❃❃❃
الشاعر : أبو شهيد الأحسائي
الجمعه ١٤٤٣/١١/١٠هـ
════════════
*لا يجوز و محاسب شرعاً حذف او تغيير التوقيع* باز کردن / نظر دهید

2022-06-10 23:28:35 اَللّـهُمَّ صَلِّ عَلى عَلِيِّ بْنِ مُوسَى الرِّضا الْمُرْتَضَى الاِمامِ التَّقِيِّ النَّقِيِّ وَحُجَّتِكَ عَلى مَنْ فَوْقَ الاَرْضِ وَمَنْ تَحْتَ الثَّرى، الصِّدّيقِ الشَّهيدِ، صَلاةً كَثيرَةً تامَّةً زاكِيَةً مُتَواصِلَةً مُتَواتِرَةً مُتَرادِفَةً، كَاَفْضَلِ ما صَلَّيْتَ عَلى اَحَد مِنْ اَوْلِيائِكَ

#ولادة_الامام_الرضا

على حب الامام الرضا عليه السلام



اليومَ شعَّ النورُ في بيتِ الهدى
بالوردِ زيّنتِ الملائكُ مشهدا
وُلدَ الرضا.. وُلدَ الرضا
وُلدَ الامامُ المرتضى



العشقُ في فلكي سرى
لجنانِ طوسٍ أبحرا
سلطانَ روحي قاصدًا
عن شوقِ قلبي مُخبِرا

كلُّ المنى ألقاكَ يا بدرَ الدُّجى
أُرسي حبالَ القلبِ شطآنَ النَّجا
فامدُد حبيبي نحو أشواقي اليدا
وُلِد الرضا..ولد الرضا
ولد الإمامُ المرتضى



يا رأفةَ المولى علي
ترنو لصدري المثقَلِ
تروي مدارِكَ عشقِه
من فيضِها المتنزّلِ

فاضَ الفؤادُ بكلِّ ألطافِ الهدى
في محضرِ الأنسِ الجميلِ تورّدا
يا وردُ أين نداكَ من هذا النّدى
وُلِد الرضا... ولد الرّضا
ولد الإمامُ المرتضى



أمضي إلى دارِ الهوى
والمبتغى نيلُ الروا
عند المقامِ الأطهرِ
قلبي على العرش استوى

ودخلتُ أروقةَ الحبيبِ مجَدّدا
أرنو لنورٍ مثل شمسٍ قد بدا
ذي شمسُ طوسٍ ذي منارةُ مشهدا

وُلد الرضا ولد الرضا
وُلِد الإمامُ المرتضى

زينب فياض و حوراء خليفة

#يا_علي_بن_موسى_الرضا باز کردن / نظر دهید

2022-06-10 23:25:38 اَللّـهُمَّ صَلِّ عَلى عَلِيِّ بْنِ مُوسَى الرِّضا الْمُرْتَضَى الاِمامِ التَّقِيِّ النَّقِيِّ وَحُجَّتِكَ عَلى مَنْ فَوْقَ الاَرْضِ وَمَنْ تَحْتَ الثَّرى
#ولادة_الامام_الرضا

على حب الامام الرضا عليه السلام
وفي خدمة المنشدين
(على لحن على طيبة يلا نروح)

على مشهد يلا نزور
ونرش بأرضا الزهور
ونسلم على الرضا
سلطان القلب المشهور
على مشهد..على مشهد..على مشهد يلا نزور

بدخل عَ أقدسْ مقام
بْأَجمل تحيةْ وسلام
بِسْأل مولاي الإمام
يجبرْ قلبي المكسور

من مي الرضا سقيني
اِروي شوقي وحنيني
يا ريت بقضّي سنيني
عند الرضا مسرور

واقف عَ باب السلطان
اِبن الرسول العدنان
طالب من ربّي الرحمن
يقبل خادمْ مأمور

سلّم عَ شمس الشموس
علي بِنْ موسى بطوس
أنيس جروح النفوس
رضا سراج النور

حبك يا الرضا بروحي
بيشفيلي كل جروحي
يا وردة عمري فوحي
عمري لَجْلك منذور

يا ضامن روح الغزال
قلبي عن حبك ما مال
جميلك ع الراس بينشال
تاج الدرّ المنثور

مشتقلك يا بو الجواد
ريت الزيارة تنعاد
وتهل علينا الأعياد
ويشع بطوس النور

حوراء خليفة وزينب فياض باز کردن / نظر دهید

2022-06-10 23:13:43 متباركين لكم ولادة الإمام الثامن الضامن السلطان علي ابن موسى الرضا ١١ ذو القعدة

مو مولود كالوا گمر هذا الجاي
بميلادك الدنيا اتنورت مولاي
عطاشه الكون بس وجهك الصار الماي
وجهك يروي الضامي ، وينور دروبه


الملائك فرحت وهل بالورد هلت
وعلى بيبان بيتك ع النبي صلت
والهوسات تعلى وابد ما قلت
اليوم الضامن شرف ، كل المخلوقات

باب وللحوائج ساكن بإيران
يقضي الحاجة ميخلي العبد حيران
دكتور ويگصده التّعب والمرضان
باب من الله چبيرة ، باب ابن الكاظم

ما زرت الرضا وبقلبي تسعر نار
خجلان واسلم اعليه من الدار
ادعي من الله اتوفق او ويه الزوار
بصحنك واشتم عطرك ، وترد عافيتي

يل شامخ مقامك دوم يتعله
الحاجة الصعبة يمك تنكلب سهله
يالداوي الجروح وتعرف العله
الجايك دوم امعلعل ، وانته أفضل دكتور

خادم علي بن موسى الرضا (عليه السلام)
ياسر سعد الخزرجي باز کردن / نظر دهید

2022-06-10 23:13:14 مولود بمناسبة ولادة الإمام الرضا ع


يالرضا يسلطان يالنورت الاكوان
مولدك النه عنوان يامحله الولاده
يا انيس النفوس ياهيبه بارض طوس ياشمس الشموس يالبيك نرفع الروس

الروح هيه تهوى والكَلب هوا راده
الكَلب فرحان هواي بهاي الولاده
الرضا ميلاده اليوم فرحات وسعاده
مولد نسويه ماصار وهاي تبقه عاده
نسويله مولد ماصار
للرضا ابن الاطهار

الليله اجمل مولد نسويه تره
قبل مثله ابد ماصار وجره
طشو الورد ياشيعه لبن الطاهره
بنور مولانه هل الدنيه مزهره
اليوم طلبو مرادكم
من الرضا. أمامكم

يا انيس النفوس الك احنه اجينه
بفرح احنه مولاي هاليوم اتعنينه
الحاجه يمولاي تنطينه بيدينه
بالكرم انته معروف ندري متخلينه
ترتاح يمك الروح
انته دوه للمجروح


تمت والحمد لله
بقلمي المتواضع
للشاعرة وخادمة الحُسين
رقية العامري باز کردن / نظر دهید

2022-06-10 17:42:54 #زهيري_لمولاي_الضامن ع

============ ≈===========
ياگلب صل عالنبي بمولد الضامن وسر
وزع أورود الفرح للي گصدلك وسر
هنياله كلمن ضمن جوده وحنينه وسر
من عالم الذر لحد يوم القيامه نده
بوجوهكم سادتي باين الليله نده
باچر بيوم الحشر الرضا صاح ونده

أهلاً بشيعة علي بالجنه طمّن وسر

============ ≈===========

#الشاعر_الميرزا_محمد_الساعدي باز کردن / نظر دهید

2022-06-10 17:35:05 لحن ((مولد الضامن)) باز کردن / نظر دهید

2022-06-10 17:35:04 #مولد_الضامن
لمولانا #علي_ابن_الرضا عليه السلام

بمولد الضامن وثامن الساده
كل گلب كل گلب اعلن اعياده
الليلة ميلاد الرضا..الليلة ميلاد الرضا
...............................................................
يا أنيس انفوسنا وحبنا وقراره
الفرح مثل الحزن هم بحراره
كون كلمن يفرح ترزقه ابشاره
لمشهدك يا سيدي يحصل زياره

نبتهج نبتهج بهجة ميلاده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
ليوم ميلاد الرضا انطر واتاني
فرحتي تقربني من صاحب زماني
ابتشارات وهلا ونحسب ثواني
ينولد مولانا ليحقق لاماني

يا هلا يا هلا والمحب ناده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا عزيز اختك المعصومه الكريمه
فرح گلبي بمولدك مولاي ديمه
الشمعه من اشعلها الك تنطيني قيمه
ورجعتني رأفتك فطرة سليمة

سيدي سيدي يدلل الراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا شمس طوس الابد ما قل ضواهه
يا روؤف التكرم الحب والوجاهه
يا أنُس روحي وغزلها ومحتواهه
كبتك تحرك مشاعر من هواهه

واليحب واليحب يطلب امراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
دمعة الفرحة عزيزه اعلينه تصبح
وگلبي وي سلطان عشگه بدمعه صرح
انه لو ما افرح الكم المن افرح
غلط كلشي بدنيتي وبس انتم الصح

والبجه والبجه سيدي زاده
كل گلب كل گلب اعلن اعياده

الليلة ميلاد الرضا..الليلة ميلاد الرضا

مصطفى صادق اللامي
اللحن باز کردن / نظر دهید

2022-06-10 17:33:47 گلبي ردد ... گلبي ردد
یابو محمد ... یابو محمد
یافرحة دلالي بمیلادك الغالي
یابو محمد
( فائزي)

الزار گبرك یالرضا یوم الولاده
تراب السفر من ینفضه یحس بسعاده
ضامن الجنه یعوضه یحصّل مراده
بالحضره همه یفضفضه ویسر فؤاده

الهج بسمك ... الهج بسمك
اوصل یمك ... اوصل یمك
تتحقق آمالي بمیلادك یالغالي
**

روحي تطوف بحضرتك صبح ومسیه
ذاب الگلب بمحبتك یبن الزچیه
شمس الله هذي گبتك هلّت علیه
سلطان کلها بخدمتك هاي الرعیه

عایش گربك ... عایش گربك
فدوه الگلبك ... فدوه الگلبك
أبعثلك مرسالي بمیلادك یالغالي
***

الورد یشعر بالخجل لو مر عبیرك
والگمر بآحضانك نزل واصبح اسیرك
لو جفت انهار الدول ماجف غدیرك
عود الامل یابس یظل لو مانمیرك

کوکب حبي ... کوکب حبي
تضوي بدربي ... تضوي بدربي
بالظلمه مابالي بمیلادك یالغالي
***

اتمنه اوصل مشهدك وادخل ازوره
روحي ترد بمرقدك لو هب عطوره
بالگلب انته الوحدك مالك شعوره
ماخاب کلمن یگصدك نفسك غیوره

الله الیشهد ... الله الیشهد
ساکن مشهد ... ساکن مشهد
ماعوفك یالوالي بمیلادك یالغالي
***

چکلیت یم بابك نطش ونحني ادینه
ذو القعده وبیوم هدعش مولد ولینه
بماي الذهب گلبي نقش اسمك علینه
یاصوغه من رب العرش کلش ثمینه

إگصدنه البابه ... إگصدنه البابه
نبوس اعتابه ... نبوس اعتابه
ماغیرك یحلالي بمیلادك یالغالي
__
خادم أهل البیت (علیهم السلام)
علي الطیار باز کردن / نظر دهید