2022-05-25 01:23:07
#سلسلة_محاضرات_اوبرتف 97
#biomimetic XV
#everx flow
السلام عليكم
دكتور تريد متريل قويه وفلوبل وتعوض الدنتين والشرنكج مالته قليل وتتحمل الفورس وتقوي الرستوريشن؟!
دكتور تريد تشتغل بوستيرير كومبوزت ب لارج كافتي وخايف من الفركجر؟
دكتور شلت املغم وشفت كراك وخايف منه لا يصير فركجر الكيس؟
دكتور تريد فلوبلتي عاليه وبنفس الوقت سترينث عاليه؟
دكتور تريد متريل قويه للفايبر بوست ؟
دكتور انت سامع بال ever x flow لو يسولفولك عليه؟
اخر اختراعات شركة GC العظيمة رغم مشكلتي مع البوند مالتهم بس هذي الشركة اخر فترة قدمت متريل هي عباره عن reinforcement fibers نفس ال ever x بس بنفس الوقت هي flowable
هذي المتريل اسمها ever x flow
عبارة عن فايبر بس بشكل فلوبل كومبوزت
بيها صفتين عظيمه تخليها تتفوق عن الكل يخليها تتفوق حتى على ال ever x نفسه
حتى اطور متريل لازم تعالج أخطائك السابقه المشكلة الي كانت بال ever x كانت thick وقويه يحتاجلها ادابتيشين زين كأنما جاي تتعامل ويه املغم حتى تكدر تفرشها زين
جي سي شافت هذا الموضوع جاي يصعب ال manipulation واحتمال كبير تترك voids and Gaps
لذلك اجوا ضافوا لل ever x flow ضافوله شيء اسمه
Optimal aspect ratio technology
يعني استخدموا هل مره short and thinner fibers
عكس ال ever x فهذا الشيء سهل عليهم ال manipulation وبنفس الوقت انطاهم ال Reinforced effect مالت الفايبر تخيل بقت نفس القوة وفلوبل فكاعد يصير عندك سهوله بنقل السترس من الماتركس للفلر والفايبر
يعني تخيل فايبر قصير وغير قابل للكسر
بحيث الفايبر والواحد صار طوله 140um وعرضه 6um
شايف انت من تجيب عصه كبيره وتضغطها تنكسر بس كل ما تصغر بعد ما تنكسر إلى أن وصلوا انو افضل حد بحيث ماتنسكر الفايبر وتبقى فلوبل انو يكون طولها وعرضها optimal فصار 140 ب 6
مو بس هيج اليوم GC جاي تضحي بحيث ضافت تقنيه أخرى ويمكن اول مره تدخل هذي انو سووا شيء اسمه
Full coverage silane coating technology
على الرغم انو البوند مالتهم الجيل الثامن اللونه احمر او ماروني ما كان بي silane فكان صعب تشتغل بي repair وهو هذا الشيء المزعج بالبوند كان
بس تعلموا من أخطائهم شسوا باع العظمة غطوا كل البارتكل فلر مالتهم ب silane فزاد عندك ال durability بين الفلر والماتركس
فشصار هسه ؟ كمت تكدر تحط فلر هواي وبنفس الوقت تبقى المتريل فلوبل
عكس ال كونسبت القديم جنت اذا تريد تسوي المتريل فلوبل لازم تقلل الفلر حتى تصير less viscous
همه بفضل تقنية ال FSC ضربوا عصفورين بحجر
لذلك بفضل هذي التقنيتين صار هسه عندي متريل جديدة ا
Short fiber Reinforced flowable composite material capable of strengthening posterior restoration
فهسه كدرت استخدمه بكيسات اللارج والديب كافتي والاندو تريتد توث وحتى بالفايبر بوست
بحيث تكدر تستغني عن كيسات ال Indirect اذا تستخدم ال ever x and flow
بس هو يحتوي glass fiber فلازم دائما تغطي ب
Final enamel layer composite
يتكون ال ever x flow
من رزن ماتركس هي Bis-MEPP, TEGDMA, UDMA
ومن فلر الي تكون مكس بين E-glass fibers و بين فلر بارتكل هي اغلبها barium glass
بحيث نسبه حجم الفلر بيها 70% يعني حالها كال الكومبوزت
مقسم إلى 25% فايبر و 42-52% فلر
يعني تره حتى اقوه من هواي انواع كومبوزت باكبل
والباقي رزن ماتركس
يجي بي two shade واحد dentin واحد bulk
بي fracture toughness كلش عالي بسبب وجود الفايبر فراح يمنع عندك ال
Crack initiation and propagation
ال fracture toughness مالته هي 2.88 mpa
يعني حتى أعلى من ال ever x الي تصل إلى 2.61
أعلى فركجر تفنس بكل انواع الفلوبل حتى اقوه من ال SDR
الي توصل 1.65 mpa حتى اقوه من هواي انواع بكبل كومبوزت واقوه من كل أنواع البلك فل كومبوزت
قدره على تحمل الضغط ال هي load bearing capacity حتى يتحمل الفورس مالت الماستكيشن
تصل إلى 450 N وهذا يفيدك من تشتغل fiber post يكون جدا قوي من تستخدمه ويه البوست بحيث ال
Ever x flow core had the highest load bearing capacity
هسه نجي للأهم وهو ال flexural strength
والي يعني انو المتريل لازم تقاوم وتتحمل ال deformation تحت ال load بحيث احنه نريد أعلى flexural strength والي انطت 117 mpa لل flow والي ما كانت تختلف عن بقية انواع الفلوبل للامانه العلمية
بس الحلو انو هذا المعدل بعد 10000 thermocycling صار 176 يعني صار أكثر مقاومة فتفوق على البقية لان ما تغيرت بمرور الزمن فصار بيها excellent stability
اما ال flexural modulus فهوه أقوى واحد بكل انواع البلك فل بحيث يصل إلى 147 Gpa
227 viewsفضل الصبري, 22:23
ط
