فَكِّرْ

2022-10-01 16:37:07 نشرت تيك توك

https://vm.tiktok.com/ZMFNYP6yT/ باز کردن / نظر دهید

2022-10-01 16:30:43 ٢٠١٩/١٠/١

ليسَت بذكرى عادية
هيّ ذكرى للوفاءِ والجروح الأبدية
هيّ ذكرى للشهادة، هيّ ذكرى للهوية
هيّ ذكرى للولادة من جديد
نصغي فيها نغمة الطفلِ الوليد
هيّ ذكرى ينمو فيها كلِّ عهدٍ، لا يَبيد
لحسينٌ هيّ منا قولةَ الفعل الأكيد
نحنُ في دربِكَ نمشي صرخةً تعلو يزيد
صرخةً فيها شهيدٍ .. ثائرًا تلوَ شهيد.
يا صفاءً لكَ منّا ألف حبٍّ وتحيّة
ورسالة من حبيبة تحملُ الشوق أسيّة
فيها نصًا عن غرامٍ لعيونٍ نرجسيّة
غابَ عنها قتلوهُ ,,, وأسموه ضحيّة
ساسةِ القتلِ ورؤوس الطائفية

مازلنا نتنفس غازَ الشأمِ
ونضحكُ بكاملِ سخرية
مازالت تزهرُ فينا
تلكَ الأحلام الوردية
ليست بذكرى عادية ابدًا
إنها ذكرى للحرية.
إنها ذكرى للحرية.

_أحمَد قاسم. باز کردن / نظر دهید

2022-09-29 23:13:03 ما اكدر اتعامل ویه شخص بداخلة قسوة تجاه البشر سواء كان صدیق، گرایب، عمل، متأكد علاقتي وياه بطريقها للنهاية او اضعف الأيمان راح تصير علاقة سطحية على كد السلام وأحاول اتجنبه اذا المواقف جمعتنا، ما اعرف اتعامل ویه واحد عنده قلة ذوق وما يغفر ويتشمت بمصيبة غيره وبس يحجي على الناس ويتنمر ويكفر ويسب وعصبي دائما حتى لو ابن عمي يصير، الناس الما يرمشلهم جفن من يصير سبب بحزن وضيق غيره ما اكدر اتعامل وياهم مهما بلغت درجة قربهم مني.

وكلكم عيوني باز کردن / نظر دهید

2022-09-29 20:41:19 هذا احد المشاريع السويتها هل شهر ،، اهل بسمايا فلوسكم يمنه صارت

الي من بسمايا واهلة موظفين او عدهم متقاعدين يتعاملون ويا هذا المنفذ. باز کردن / نظر دهید

2022-09-19 23:24:09 بعد كل انكسار وصدمة وخسارة وفشل بمعارك الحياة الكبرى لازم تطلع بره السياق وتوكف على صفحة شوية ترتاح وتاخذ نفس وتسترخي ومتحكم على وضعك بلحظة ضعف، من تشوف نفسك تعبان لتكول بعد ماعندي مقدرة للعطاء وللإستمرار، من تحس بنفسك مرهق ومالك واهس للشغل او للدراسة لتتصور هذا آخر المشوار، كل السالفة انت محتاج مساحة بيضة مابيها مسؤوليات، راحة جسدية ونفسية وفكرية، تكون عن طريق هدنة للنفس بدون تأنيب ضمير، وهذا الشي مو عيب، كل مرحلة تخلص حتى تبدي غير مرحلة، اركض واضحك ونام هواية واكل واتفرج برامج تافهة ومسلسلات، أشحن روحك من جديد بشغف وحياة ومن تشوف نفسك اتوازنت راح تهدأ وترتاح وتثكل بتفكيرك، لازم تعرف نهاية أي طريق هو بداية طريق ثاني ، وبالنهاية ماكو شي راح تخسره وانت بعدك ببداية حياتك وتأكد ماكو تجربة تمر اذا متنطيك درس تستفاد منه بالمراحل الجاية

خليك قنوع وخليك مؤمن بنفسك وگول اني راح أعمل واجتهد واستغل وقتي وراح انجح بكل مجال ادخله بحياتي وبدراستي هم.
عاشت ايدك كابتن ..

وكلكم عيوني باز کردن / نظر دهید

2022-09-19 20:01:54 الناس الي توزع البسمة على التعرفه والمتعرفه الي دائما تشوفه يضحك بوجهك ويكلك اني كلش زين ومرتاح، الي كل همه يسمعك وميريد يحجي كلمه، الي انت ماتعرف ليش هيج يسوي، الي تشوفه مقهور على امور بنظرك تشوفها تافهه بس بنظرة غالية، الي دائما يكلك باجر عكبة تفض لا تهتم، الي يكدر يفهمك ويستوعبك من نبرة صوتك وملامح وجهك، الي يحبك وماعنده وياك مصلحة ويساعدك بدون مايريد مقابل، الي اذا ضحكت يضحك من كل گلبه واذا حزنت يحزن وياك
هالناس اذا انكسروا منك، ينكسرون للأبد.

وكلكم عيوني. باز کردن / نظر دهید

2022-09-13 15:07:35 تتفق معي أو تختلف
الزيارة الأربعينية هيّ أهم حدث سنوي بالعالم عامةً وبالإسلام خاصةً
اني ما راح داخلك بمقارنةً او تحدي ويه أحد، ولكن جيبلي ديانة تسوي نفس اليسووه الشيعة "الحقيقيين المخلصين"
جيبلي بغير طائفة مئات الألاف من الناس يتركون عملهم وسكنهم ومنطقتهم ومصالحهم ويرحون بأماكن بعيدة وينامون بالشارع ويشتغلون 24 ساعة حتى يوفرون أكل وشراب ومكان مريح وخدمة، كل ذني بشكل مجاني يقدموها لزوار يقطعون مئات وعشرات الكيلو مترات علمود شخص إستشهد قبل 1400 سنة، وتشوفهم يتراكضون فيما بينهم على خدمة الزوار، ويضوجون كلش اذا الزائر جان مستعجل وما وكف بموكبهم.

الموضوع أعمق بكثير من كونَه زيارة إعتيادية او مجرد اشخاص يمشون وهذا هو، موضوع روحاني عقائدي أكثر من كونَه حدث موسمي.

شياب كبار بالعمر، عجائز، أطفال، مُعوقين، مرضى، وآلاف الحالات، مستمتعين بالديسووه ويعبرون أقسى الطرق وبدرجات حرارة صعبة الإنسان الطبيعي يتحملها، ويبقون أيام وليالي يمشون، علمود يزورون الإمام الحسين عليهِ السلام، موضوع يستحق الفخر وبشّدة.

بغض النظر عن الشوائب التصير بهذا الحدث، بغض النظر عن ملاحظاتي الشخصية للعديد من الأمور الي اشوفها غير ملائمة بالزيارة، ولكن الفكرة بحد ذاتها فكرة عظيمة وغير موجودة لدى أي مذهب او ديانة أخرى، لا في السابق ولا في المستقبل.

حفظ الله الزائرين "الحقيقيين والمخلصين" وأدامهم الله على منهج الإمام الحسين "فكرةً وعقيدة"

وكلكم عيوني. باز کردن / نظر دهید

2022-09-12 21:24:45 باسم دولار باز کردن / نظر دهید

2022-09-09 12:27:35 هاي مرة دخلت لحساب واحد عشريني مسوي نفسه ملك الفلسفة والغموض من ذولة المستثقفين السوداويين النائمين في المتنبي وبين طيّات الكُتب التأريخية، اليحجون كله فصحى والكارهين الحياة العدهم نظرة ثاقبة حول كل المواضيع
ذولة ال مسطرلك ألف هايلايت فلسفية ونقدية بحيث من تقراهن تحسه جان يتريك ويه نيتشه ويتغدة ويه دوستويفسكي
وطلع مو ملحد
والله العظيم طلع مو ملحد
لا واصدمك اكثر
طلع ما يسب الدين

معقولة!

وكلكم عيوني. باز کردن / نظر دهید

2022-09-09 10:45:47 اذا نبقى على هاي الطبقة السياسية بالأخير يطلعون يزيد سالفته ويه الإمام الحسين سوء تفاهم.

مشتاقلكم باز کردن / نظر دهید