ركز. قبل ٧ سنين اشتريت آيفون 5 اول مانزل من محل بالربيعي ، ب | فَكِّرْ
ركز.
قبل ٧ سنين اشتريت آيفون 5 اول مانزل من محل بالربيعي ، بقيت محافظ علّي مثل اَي حاجة جديدة تشتريها وتخاف عليها وتحبها، يوم من الأيام خابرني ولد بقيت اسولف وياه وكع من ايدي الموبايل كبل شلته، الحمد لله مابي شي بس اللزكة انكسرت والشاشة بقت سليمة، يوم وره يوم بديت التهي ودراسة وشغل، الموبايل هملته بقى دائماً يوكع مني وينشخط شخطة صغيرة من مكان، واني متجاهل الموضوع، الحد ماوكع مني وكعة مثل الباقيات ماكلفت نفسي اشوف شصار بي خليته كبل بجيبي اجاني اتصال باوعت عالشاشة شفتها مكسورة كسر جبير والكّفر الأصلي مالته مشخط حتى لونه رايح وديته لمحل صيانة صلحته، بس من صلحه ورجع اختلف شكلة جذريًا، حسيته مو هوه الأولاني.
قيس هالشي بحياتك ويه البشر، ناس تتحملك وتوكف وياك وتشيل همك يصير عندك يقين هم بكل وكت موجودين وماراح يعوفوك، الدرجة بقينا ندوس عليهم وندوس وندوس ويزيد إهمالنا الهم بمرور الايام الحد ماينكسر وميرجع نفسه لتستهلك رصيد الناس وتقديرهم الك رجاءً، كل انسان مهما يحبك يبقى انسان وعنده قدرة محددة وعنده مشاعر من تلكه الدنيا تغيرت عليك راح تشوفه اول واحد واكف وياك.
