"انت عايش بقطار " ناس تصعد وناس تنزل، ناس تضحكَك وناس تبجيك، ناس تبتسم بوجهك وناس توهمَك حتى تصدكها وتكومك من كرسيك حتى تكعد يم الشباك.
أتعود ترتب الناس بصرامة وبلا مستحه بدائرتهم اليستحقوها، هذا بخانة الصداقة، وهذا من العائلة، هذا زميل وهذا حبيب وهذا مصلحجي واهم شي تصير صديق نفسك وتعرف تقدرها وشلون تفرحها، وتعرف تهون عليها وتتقبل مصايبها وارحم اخطاءك انت مو نبي، وافتحلها طريق للنور مهما الظلمة جبيرة وبطل تتوقع الاحسن من غيرك، عيش شوية لنفسك بكل مايحمله صدرك من صبر ومعاني.
