مريم العذراء اتهموها اقاربها واهلها بالزنا او الإغتصاب لأن خلف | فَكِّرْ
مريم العذراء اتهموها اقاربها واهلها بالزنا او الإغتصاب لأن خلفَت النبي عيسى وهي ما متزوجة، بحيث كالت (قالَت يَا لَيْتَنِي مِتُّ قَبْلَ هَٰذَا وَكُنْتُ نَسْيًا مَنْسِيًّا ) مجرد إتهام باطل بالفاحشة من اقاربها خلاها تتمنى الموت وتتمنى ما مخلوقة، بحيث الله بعظمته ما تركها وحدها، اتقرب الها واتعاطف وياها وسخر الها جذع نخلة تاكل من عده، (وَهُزِّي إِلَيْك بِجِذْعِ النَّخْلَة تُسَاقِط عَلَيْك رُطَبًا جَنِيًّا، فَكُلِي وَاشْرَبِي وَقَرِّي عَيْنًا) الله ما خلاها وحيده ويعرف حجم الألم والمعاناة العاشتها، هذا كله وهي اصلًا غير مغتصبة
فما بالك بالبنيه الفقيرة المغتصبيها اهلها الي لاحول ولاقوة ؟ الي تخاف حتى تحجي وتخاف تعترض وتخاف يطلع صوتها لأن ممكن تنقتل اذا اعترضت واذا طالبت بحقها!
متخيلين الله شكد غاضب عليهم ذولة؟ اني ماكدر اتخيل عقاب الله بيهم … متأكد النار شي بسيط.
