كلنا نؤمن بأن التفاؤل شيء روحاني وينطي شعور رائع، وأن الله نصح | فَكِّرْ
كلنا نؤمن بأن التفاؤل شيء روحاني وينطي شعور رائع، وأن الله نصح بي والدين نصح بي وإحنا تعبت أصواتنا من كد ما نناديكم بالتفاؤل، سواء قبل الإمتحانات او بأي ظرف حساس يمر بينا .. ولكن اجي اني اقشرمكم واكللكم كولوا 100 مرة راح يصير عندي الف دولار، وعقلكم الباطني راح يشتغل بالمافيا ويجيبلكم الفلوس ويجي، تريد تعرف الطريقة ؟ تعال انطيني 100 الف واعلمك، اعلمك شلون تجيب فلوس بدون ما تشتغل هههههههه.
اني هيج اشخاص ،، أمثال آية وغيرها من المشعوذين والدجلة الي يقفصون على العالم أعتبرهم أذكياء .. لا جديات أعتبرهم كلش اذكياء صحيح الله لا يوفقهم والله غاضب عليهم ولكن الإنسان من يكدر يقنعك بفد شي ماله وجود وياخذ فلوس فظيعة لأن ديوهمك بشيء خيالي ولأن إستغل غباءك وجهلك بالدين وبالله سبحانه وتعالى فهذا اعتبره ذكي جدًا ..
