أحب الله أحب هذا الشعور من أكون متأكد دائمًا أن الله وياي بك | فَكِّرْ
أحب الله
أحب هذا الشعور من أكون متأكد دائمًا أن الله وياي بكل خطوة، أن الله بظهري وسند الي ويغنيني عن أي مخلوق آخر، احب الله لأنه حكيم ولأنه ياخذ حقي ويرجعه الي وكل اللازم اسويه هو الصبر، أحب الله من أكون حزين ومن أكون سعيد، احب الله من يعذبني ويبتليني بشي، لأن ادري اني ظلمت احد وأستحق العقاب، احب عدالته ومؤمن بيها حتى اذا جانت على حساب أذيتي. أحب الله لأنه يدري بينه مخلوقين ضعفاء، يعرف نفسنا دنيئة ويعرف مقاومتنا للأمور المُحرَّمة مقاومة ضعيفة لذلك هو دائمًا يكللنا ( وَرَبُّكَ الْغَفُورُ ذُو الرَّحْمَةِ ) الكهف 58.
أحب طريق الله، لأنه الطريق الوحيد الي مستحيل ينسد بوجهنا، أحب هذا الإله الرائع لأنهُ ملجئ حقيقي، ملجئ يستقبلنا دائمًا مو بس هيج يفرح بكل مرة نستغفر وبكل مرة نروحله ونرفع ايدينه إله. الله هو الوحيد الي ما نهتم بكبريائنه من نكون يمه، هو الوحيد الي يكتم أسرارنه ويستر علينا، هو الوحيد الي يحبنه بدون غاية وبدون شرط، هو الوحيد الي يسمعنه دائمًا والي مؤمنين بلطفه ورحمته. (وَرَحْمَتِي وَسِعَتْ كُلَّ شَيْءٍ )
هنيال الي يخاف الله، هنيال الي يحب الله ويتبعه بقلبه مو رياء كدام الناس.
