الشاب العراقي عادي يسافر بره ويتزوج وحدة اجنبية نامت ويه غيره | فَكِّرْ
الشاب العراقي عادي يسافر بره ويتزوج وحدة اجنبية نامت ويه غيره قبل ماعندة مشكلة بهالموضوع بس مايتزوج عراقية مُطلقَه لان بداخله يشوفها مو بنية بعد، تتلخص مشكلته بالشخص مو بالفعل.
كلش عادي يضحك على وحده ويستغلها، بس مستحيل يتقبل وحده مسويه مثله ويه واحد قبل يقبل وحدة اجنبية تشرب وتسكر وتغلط عليه، هذا الشي عادي عنده، بس اذا عراقية صيحت بوجهه يضربها ويهينها بدافع العادات والتقاليد
عادي اذا يشوف واحد يشرب جكاير بس اذا بنية تدخن ميصير وعيب عليج يضر صحتج لأن النيكوتين مالته مليان فيتامينات. عنده الثواب والعقاب يتضاعف للبنية بمراحل اذا جان سهر لو غلط لو لبس، وخاصة ذولة المتدينين الشيوخ المصدعين راسنه وإذا تجي تقره القرآن ولا نص بي يجَّرم المرأة اكثر من الرجل، كلهم سواسية.
ليش ما نتعامل ويه المرأة على إعتبارها انسان يغلط ومنتعامل وياها على مبدأ هي بنية ليش المرأة بمجتمعنا جريمة لازم نبقى نعاقبها ونخليها تدفع ثمن عشر اضعاف الرجل ماطول بعدها عايشة؟
