کشتہ شنگرف کے فوائد - Cinnabar شنگرف کے دیگرنام :
عربی میں زنجفر گجراتی میں سنگرف مرہٹی میں ہنگول بنگلہ میں مہنگل اور انگریزی میں سناباریا سنابرس کہتے ہیں۔
ماہیت پہچان :مشہور معدنی چمک دار قلمیں ہیں،جو کہ نہایت سرخ رنگ کا قلمدار چمکیلا ہوتا ہے، جس کو شنگرف رومی کہتے ہیں، یہ عموما ًڈلیوں کی شکل میں ملتا ہے، چینی یا مٹی پر اس کی ڈلی کو رگڑا جائے، تو سرخ رنگ کی لکیریں پڑ جاتی ہیں، یہ پانی میں سے آٹھ گنا بھاری ہوتا ہے، اس میں 75 فیصد پارہ ہوتا ہے، دوسری قسم کا شنگرف مونگے جیسا یعنی کاٹھا اس کی چمک کم ہوتی ہے، اور ڈلی سخت قلمیں نہیں ہوتیں، یہ پارہ اور گندھک کا قدرتی مرکب ہے،اس کا ذائقہ بدمزہ ہوتا ہے۔
شنگرف کا مزاج :گرم خشک درجہ دوم
افعال:قابض، مجفف، محلل، کشتہ شنگرف، مقوی بدن، مقوی باہ، ممسک مقوی اعصاب دافع امراض بلغمی و حمیات کہنہ، اور مصفیٰ خون
شنگرف کا بیرونی استعمال : شنگرف کو قابض و مجفف ہونے کی وجہ سے مراہم میں شامل کر کے تحفیف قروح کے لئے اور قروح کے سیلان خون کو روکنے کے لئے استعمال کرتے ہیں، اورام باردہ کی تحلیل کیلئے ضماد کرتے ہیں، آتشک و قروح خبیشہ میں اس کی دھونی دیتے ہیں۔
کشتہ شنگرف کا استعمال : مقوی اعصاب و دافع امراض بلغمیہ ہونے کی وجہ سے نزلہ زکام کھانسی دمہ لقوہ فالج وجع المفاصل اور نقرس میں استعمال کرتے ہیں، مصفیٰ خون ،ونے کی وجہ سے آتشک جذ ام اور پرانے بخاروں میں استعمال کرتے ہیں۔
شنگرف کا نفع خاص :امراض اعصاب، مندمل زخم
مضر : کرب اور خفقان پیدا کرتا ہے۔
مصلح : گھی دودھ اور لعابیات
بدل : ساذنج مغسول
شنگرف کی مقدار خوراک : ایک چاول سے دو چاول تک
٭٭•┈••✦✿✦••┈•٭٭
Ꭻᴏɪɴ ➛ https://t.me/tibbimalumaat
٭٭•┈••✦✿✦••┈•٭٭
