2022-07-31 03:27:08
"عاد .. والليل هذا خابرٍ فاسه
كم حطب صدري اللي ملّ وأشعلته
كم سرا البال فيه وطال هوجاسه
لين نوّخ بـ سفح العين راحلته
فاق جرحٍ قديم ودقت أجراسه
موعدٍ سال فيني ماتحايلته
في قفار الحنايا تدبك أفراسه
وأتوارى عن الانظار بـ أسئلته
أنت ياسرمديٍ هب نسناسه
شاعرك كل ذكرى معك غافلته
سالت عيون ذاكرته بـ قرطاسه
لين صلّى على فرقاك نافلته
طرفك السادر اللي يشكي نعاسه
في مفازات نومي كم تهيلته ؟
يستحيل وضيوف البعد عساسّه
تسبر اللي عن الطيحات جللّته
قلبي اللي عليك مكذّب إحساسه
كن الاشباه في غفلته مِزعلته
فوق غصن الرجاوي طال مجلاسه
ليه عن مستريب الريح ماشلته ؟
موعدي مع عيونك مات بأوناسه
ياه ياهالظلام اللي تمرحلته !
جرحي من العيون معربٍ ساسه
لو تمادى على روحي تحملته
لا تحسب أن صدري طاوله ياسه
يانهارٍ بـ روحي .. ماتليلتّه
لو شكى صوتي الباهت من عماسه ؟
باقي في عيوني شيء ماقلته".
216 views᷂ـع ., 00:27
ق
