النهر گطعوا طريقه وحاجبك مال ورحت طميته خيال اعله خيال يساحگ ر | خادم الحسين محمـد الـربيعـي
النهر گطعوا طريقه وحاجبك مال
ورحت طميته خيال اعله خيال
يساحگ راس كلمن شالها العين
يالمسوي الجماجم بالطف اتلال
دخيله لو زعل وعيونه تشتعل نار
ياهو العلي نزل احسبه ماله تذكار
غير انت أبو الفضل يجايب روس الكبار
گمر گمر كاسر ضهرها كربله
گمر گمر حي الله سبع المرجله
مالِكُ نهرِ العلقمي قمر بني هاشم
أسدُ الحربِ الضيغمي قمر بني هاشم
________
بوجه آخر مقاتل بين الخوف
وامن الرجفه ثگلت حته السيوف
بيدك رحه صار الطف يعباس
يلمطرها روس الحومه وجفوف
حدر جدمه الزلم فوگ الشوارب يدوس
الشرد والما لحگ ركع بجدامك يبوس
لضمت عين الشمس بكثر ماشّمرت روس
گمر گمر الشال ايده جدامه ابتله
گمر گمر حي الله سبع المرجله
مالِكُ نهرِ العلقمي قمر بني هاشم
أسدُ الحربِ الضيغمي قمر بني هاشم
_____
يبلع حجييه ليخزره الگمر گام
وطوه الحومه عليهم طويت الخام
بوجه الجيش كله انساوه مرسوم
من گد ماسحگت ابوجه الزلام
خِسَف صدر الحرب من طب عليهم الحيد
وگفت فوگ النهر گلاله گالوا ابعيد
وزمخ مايه اوگف ركض حَبْ جوده والإيد
گمر گمر سبحانه يامن انزله
گمر گمر حي الله سبع المرجله
مالِكُ نهرِ العلقمي قمر بني هاشم
أسدُ الحربِ الضيغمي قمر بني هاشم
________
دخيله المايثني بواحد اصواب
ودخيل احرورة اجفوفه اعله لرگاب
بسابع گاع بيهم نزل عباس
يل أموكل الزلم من جدمك اتراب
مرد گلب الحرب بعيونه غييم اعناد
ورى جدامه سره اشارب ابشاربه انگاد
بيمنته الي يجي ينثره وي الهوى ارماد
گمر گمر ركضهم بعرض الفله
گمر گمر حي الله سبع المرجله
مالِكُ نهرِ العلقمي قمر بني هاشم
أسدُ الحربِ الضيغمي قمر بني هاشم
_______
رفت رايتك وحتاروا اشلون
وشرد حته الهوى ويه اليشردون
علي الجدامه ينزع ثوبه يعفيي
وانت إله الشوارب تنزل كون
هلا براعي العلم هلا يالكله نبراس
هلا بل ما وگف دخيل بضهره ونجاس
هلا يل كله عم دخيل امروته عباس
گمر گمر بدر الفواطم ياهله
گمر گمر حي الله سبع المرجله
مالِكُ نهرِ العلقمي قمر بني هاشم
أسدُ الحربِ الضيغمي قمر بني هاشم
