راح تموت يا كلبي ** انا الـــمالهه خـوه-- الـراح تـمــوت مــر | ابو ضامن محمد الزيدي (313)
راح تموت يا كلبي
**
انا الـــمالهه خـوه-- الـراح تـمــوت مــرتاحه
انا الذبحو اخوتهه -- وماشت ناس ذباحة
باجر من تشيعوني --- انسه الشام ورماحة
باجر عيد ميلادي بــاجر تنوخـذ روحــي
الف مبروك كلولي راح اخلص من جروحي
وتراب الكبر وياه ياخذ حسرتي ونوحي
*
جنه الماي تابوتي---- وصدري من العطش فاير
راح تموت ياكلبي---- وتخلص من ضمة العاشر
راح اتلاكة وي حسين --- واشتم دوست الحافر
اموت بعــز ولا اعيــشن بين الضيم والفشلة
اه يا ضهر المغيسل احسن من ضهر هزلة
اصــعد فوك الجــنازة ولا اصـعد علـى التلة
**
هــلا بـجنازتي الهـيبة ال مـن الدنيا تاخذني
الجفن لمن يغطيني يطيب خاطري ومتني
ثلــث تيــام فاتــحتي شــويه ومــايــكفنـي
جا شنهي الثلث تيام روحي الشام عاصرهه
الـعمر كـله جـوادر كـون عالمكسور خاطرهه
الركضت فوك ابنهه بليل زحمة يطيح جادرهه
*
هسة اتنفست ريتي ----وانا الجنت مختنكه
بعد محد يصيحلي --- الـمسبيه والـمحتركة
محلة الگبر من يصفن --- تكتل هوست الفركة
الكبر مايشمر حجاية ويلجمني ويأذيني
الكبر مو مثل شماتي ساكت ما يحاجيني
تطلع روحي خل تطلع خلي يخلصن سنيني
***
يالســجاد لا تبــجي ســكت گــلبك وهــمه
طلعت روحي الف مرة شنهي الموت ياعمة
طلعت من شفت عباس باكو صايته وهدمة
وطلعت من اجتنه الخيل والنسوان مشدوهه
وبنيـات ابــوك حســـين بــالديــوان مشـوهه
وخيمتنه الجبير بخيل عشر مرات سحكوهه
-ابو ضامن محمد الزيدي
