قصيدة علي الاعلى عـلـيـنـا الاعلـى مـولانـا عـلـي **** ياربا | ابو ضامن محمد الزيدي (313)
قصيدة علي الاعلى
عـلـيـنـا الاعلـى مـولانـا عـلـي
****
ياربات الله شحلاك… .وجهك نعبده وكفاك
عاشكينك والعشك ماشايف
يابو عين الكلهه شوگ… ..الله فوك وانته فوگ
رمش عينك دام ضله الوارف
صح مطر بس ما تطيح… تصعد معاكس الريح
حته من تكعد نشوفك واكف
كلنه نفتخر بيك
ياضوه السماوات
من يمرنه طاريك
نكوملك صلاوات
علي علي
ضوءآ مرسلي ..بسمانا… علي علي
سبحان الذي… ضوانا … علي علي
سبحان علي…… .واله… علي علي
*
مستحيل المستحيل… بيك شنسولف قليل
السوالف طلعت شيباتهن
الله من سوه النهار…… .جنه حط ويمهه نار
وانته واكف حايط ببيناتهن
اي وحقك يبو حسين… هاي عين وهاي عين
وانته كاعد بيهن اثنيناتهن
والله حكنه نحتار
بالحجي يمولاي
احنه كلش زغار
وانته كلش هواي
علي علي
موتي والحياة… ووجودي علي علي
صومي والصلاة ..وسجودي علي علي
حتى المعجزات…… .خالقها علي علي
*
قنبرك هنياله بيك… كون مثله نحب اديك
كون مثله ومثل گلبه الهايم
اشما يتعبنه هواك… ..حالفين نضل وراك
وحق زينب مانكلك دايم
اليحبك ياعظيم…….. عالسراط المستقيم
ركض يركض من تطيح الوادم
تعب يسوه وياك
والعشك يمحلاه
ربك النه سواك
واحنه صرنا وياه
علي علي
لا نرجو سوا.. لقياكا… علي علي
عشنا في الحيا… بحماكا… علي علي
والموت غدا… بثراكا… علي علي
***
بيك ناسك دايخين ………… حايرين وصافنين
والفكر من گد عضمتك شارد
دخيل حيلك يبو تراب… ماكو زلمه يكضله باب
يشيله من الكاع بصبع واحد
ماكو زلمه بسيفه نار….. حار ومخلفله حار
شمس كله ومايحب البارد
مابقت عدنه عيون
الك نتباوع بيش
علي فهمنه شلون
بصبع تكضلك جيش
علي علي
نار في لضى… ينهال … .علي علي
والسيفو شضى… مذ قال… علي علي
قد قضي القضى… لو صال… علي علي
-ابو ضامن محمد الزيدي
