قصيدة (قيامة الحرب) صلى الله على الساقي (1) قـامـت قيا | ابو ضامن محمد الزيدي (313)
قصيدة (قيامة الحرب)
صلى الله على الساقي
(1)
قـامـت قيامة الحرب
ضـايـع عليهم الـدرب
غاضب اجاهم الكمر حـيـل
هــيـبـة يمحله غيرته
زيـنــب تشدله جربته
نــــاوي يبدل الصبح لـيـل
ساقي العطاشى
عـينه كـوثـر جـفـه حيـدر
من يبارز درعه يحتر
سيـفه يـعرك خـصمه يغرك
بالحـرايـب ما تكـتر
إني انا العبــــــاس مـن كالاها
السمه طاحت فوگهه وشالاها
الجيش تاه وتــــيهو سبعينه
الميمنه على الميســره ذبـــاها
(2)
شـايل جربته عالضهر
حالـف يجــتف النهــر
عــازم يخلص الحرب هــاي
غـيـره حـليبه مـنتـرس
دخــن ورجفت الشمس
بـيـده يـحول العــطش مـــاي
ساقي العطاشى
كـض مـهـرته زم جـــربتـه
دك صدر لاخته وتشيم
يـــذكـر امــه مــن تــگـــلــه
يمه طيح على المخيم
غير امه ذيجه المالــحه البدويه
الحـــومه تركع من يـمــر طاريه
تبدي الحرب وتحير بيهه الوادم
ومن توصل لعــــــباسها مكـضيه
(3)
فارس دخيله لو حمل
إيــده ثگيله بـالـزعـل
صاحو. دخيلك ابن ابو تــراب
وارث صفاته مـــن ابو
قـــالع گــناطر الــعــدو
حيدر يشبهه من يكض بــاب
ساقي العطاشى
تبقـه تـبجي وفنـهه تحجـي
من يطب للعركه فاير
هـوه اهـلهه ومــا يحــلهــه
الا شــلاع الكنــاطـر
العركه تعرف نــاسه ووادمها
لمن يطبهه ابو الفضل يردمها
الصعبه تندل زودهه وخيالهه
وكربله لو كنطره هم يهــدمها
(4)
حاجب يـدلـل السـهـم
ريشه تفيي عالخيم
طوله ولا يــــشـــبهه انسان
يوسف جــمــاله ماوصل
شعره برمش ابو الفضل
شامه علــه خـده جنهـه قرآن
ساقي العطاشى
بي تجـسد الـسر الاوحد
ماكو مخلوق بصفاته
ماكو ميت مثـلـه يكعـد
مـن يفزعـنه خــواتــه
صاحته زينب والحرم ويـاها
ذب الرمح من راسه وتعــناها
زلمه ابو غيره ومايفشل زينب
ميـت عدل عـباس عد عيناها
-ابو ضامن محمد الزيدي
