2022-09-27 23:10:46
تعالو نتفق على حاجة
"
_ماف إنسان عارف الإنسان ال قدامو بنسبة مية في المية!."
طيب انت كإنسان عارف ربع القصه، بتتفلسف ليه؟!..
بعرف وحده ما شاء الله وضعهم مرتاح شديد
ممكن كل كم شهر يسافرو مكان
لبسها حلو و هيا زاتها حلوه.
القصه وين ؟!..
الإنسانة دي عندها صحبته بصورة حرفية مستقلاها لأبعد درجه، و نسبة لأنهم أصحاب ما بينهم ماديات ابداً
في النهايه انت محتاج لي ليه اقول ليك لا و انا عندي؟!..
في يوم فلانة ال وضعها مرتاح كانت زعلانة شديد و جات تفضفض ل منو؟!.. اكيد ل صحبته
بس كان أول رد من صحبته
"_ليه انتى درامية كده؟!.. زول عندو حياة زي حياتك يزعل بالطريقه ؟!.. قبل كم يوم جايه من لندن و قبل كم شهر في تركيا و حسي ماخذه وضعية ال زعلانه عشان اهلك يسفروك تاني و لا شنو ؟؟بالله اطلعي من الجو ده حياتك ارهب منها ماف و ارح بكره رأيك شنو طيب نطلع المطعم ال رسلتا ليك صورتو امبارح داك فتح جديد في شارع المشتل.. "
نقيف دقيقه هِنا
احنا أصحاب ؟!..
الحاجه الغريبة انو الانسانه ال بتسافر كل يوم دي ابوها مريض كانسر ليهُ سنتين و في إحتمالية يموت في اى لحظه و أمنية حياتو يعيش مع بناتو مبسوط قبل ربنا ياخذ الامانه
عشان كده بسافرو كتير و بحاول و ببذل مجهود انو يبقا كويس
عشانهم!..
امهم متزوجه راجل تاني و عايشه بعيد عنهم و امكن ليهم تلاته سنين ما شافوها
اختها عندها توحد و قاعدين يحاولو يعالجوها بس كل المحاولات صعبه.
حبيبها بعد أتقدم ليها اتوفى و لسه هيا عايشه في لحظه وصول الخبر داك
لسه هيا واقفه في " ربنا يعوضك يا بتي، البركه فيك.."
هيا قاعده و بتشوف كيف عيلته بتتفكك و كيف هيا ما قادره تعمل حاجه
انتِ بتجى تعايري حياتها ب قروش!!..
نتفق انو الصور في السوشل ميديا ما حقيقة
و نتفق كمان انو ماف انسان بجي و يوريكم كل مشاكلو
ماف انسان حا ينزل بوست و يحاول يوصف ليكم قدر شنو هو بتعذب في حياتو
كلنا بنحاول نطلع افضل نسخه مننا
احلى لحظات حياتنا..
طيب انت و انت بتشوف ده كلو
ما جا في بالك انو دي ربع الحقيقه!!
و أنو ما من حقك تحكم علي بالحاجات دي
و بعدين دقيقة
" هو الصاحب صاحب كيف لو ما قدر يقدر زعلي و يقيف معاي ؟!.."
الإنسان ال بتمشي تبكي عندو لو ما مسح دموعك و شاف حزنك مشكلة كونية خليهُ
لأنك في اللحظه دي اخترتا غلط.
" و ف النهايه دي ربع الحقيقه." #Nermeen_Th
813 viewsedited 20:10
خ
