حـًـ๔ــ☻ـڪــايـــ❉ـتي معـــ๕ــاڳ⚶✎♕

2018-08-11 19:07:53 (بارت 306)

بيت ابراهيم......
ابراهيم جالس يصتبح: وانا قد قلت ثلاثين الف ماتفعل لكن الحاصل عاده لو يدرا انهي مشهي لأيتام ان احنا بنشلها لايجنن
امل بنيزقه: لمه يجنن؟ هو مابه عليه مرتاح ياسعم مابيسرقش
ابراهيم: مدري المهم لا قد ملوا جيوبهم فارحين يراقبوا الناس ويتحاكوا على الناس
امل: ذلحين مابش شي هذه اليومتين في نفسي هذك البدله الذي قلت لك عليها
ابراهيم: قلت شويه علاسب لايشك عيقل زادين المعاملات والوساطات
امل قلبت عيونها: كان سوا
ابراهيم: قلت اشتري بها تكس واخلي واحد يأجره
امل: ايوه فكره
ابراهيم: عيدخل لنا زلط ومع الأيام شازيد القط من هانا ومن هانا

في الحبس......
اكرم بيكلم نفسه (صح حاكيت بنات خيرات لكن كلهن كنت احاكيهن فتره قصيره ولا واحده جلست معي سنين إلا شهد وكلهن كنت لما اهين واحده والا اوجعها حتى لو زعلت بترجع تدعمم وتعيش حياتها والا بيضبحين من اسلوبي ويبدأين يردين عليا ويتويقحين مابيسكتنش على حقهن وبعضهن اصلا كانين يحاكني مصلحه بس لأننا ابن فلان والا مجابره يتسلين ولو اننا نادم وازعل عليهن لكن مابش ولا واحده ساع شهد ولا انا مقهور صدق من داخلي ونادم إلا عليها كانت كلمتي واحده مااعيدهاش ولو اقول لها ماقلت ولا تطول لسانها واتحملتني سنين وهي داريه اننا حق بنات وداريه بكل شي لو ينفع ارجع الوقت لاارجعه بس علاسبها وحتى بعدما دريت بالذي حصل اتصلت علاسب تطمني وتطمن عليا ولما غلقت في وجهها رجعت تتصل وترسل وتقول لي حتى لو غلقت شرجع اتصل مشتيش تجلس وحدك علاسب ماتقتهرش وتحس انه مابش احد معك انا معك ولما قلت لها انتي معي بعد اللي بسرتيه مني كلللله؟ قالت مابسرتش منك إلا كل خير هي بتكذب وانا داري انهي بتكذب بس علاسب ماتزيدش الهم عليا والا ايحين بسرت مني خير لكن انا مااستاهلهاش......قاطع تفكيره صوت: هيا قوم صلي اذن ظهر
اكرم شافه
الرجال: مالك قوم نصلي
اكرم: مابين اصليش مشتيش أقوم اصلي مجامله علاسبك
الرجال: استغفر الله العظيم قوم يااخي اتعوذ من الشيطان واتوضا وصلي الدنيا فانيه ليش مش انت مسلم؟
اكرم بنظرة استغراب: الا مسلم كان مانا كافر؟
الرجال: المسلم يصلي
اكرم ساكت
الرجال ضحك: قوم قوم المسلم يصلي حتى لو قتل ولو سرق
اكرم ابتسم: يااخي كلامك حالي
الرجال: ليش
اكرم: المسلم يصلي حتى لو قتل ولو سرق
الرجال ضحككك: اصلا بسرتك لما قلت لك المسلم يصلي ساع الذي بتقول في نفسك المسلم يصلي مافايده وهو بيفعل ويفعل
اكرم ضحك: ايوه والله
الرجال: الله غفور رحيم قوم وبطل كسل لا تخليش الشيطان شاطر كل مره اوقع اشطر منه وبعدا لا تقولش مجامله محد يجامل....

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:52 (بارت 305)

(لاعاد تجي عمتك ذلحين)
محمد (تمام)(احبببببببببش )
رهف (وانا احبك احبك احبك ) تلفون خالد رررررن: الوووه (وفتح الكاميرا الخلفيه عشان احمد يشوف عمار ومايلغفج)
احمد هز راسه: اهلاااا
خالد: كيف انت
احمد: تمام وانتوا
خالد: احنا في نعمه
احمد: الحمدلله
خالد: الحمدلله
محمد اتوووووتر
احمد بيأشر لخالد (اشتي احاكيك)
خالد: اووف التلفون عيطفا اصبر (وقام)
محمد فااااهم
خالد في غرفته: ماهو فاق
احمد: ايوه الحمدلله اليوم فاق
خالد فرررح: الحمدلله طمنتني
احمد: باقي خبر
خالد: ماهو
احمد: رهف عتختطب
خالد فرح وانصدم: بمن
احمد: بالعزي
خالد: منووه
احمد: محمد يحيى مالك
خالد طننننن: محمد؟!
احمد: ايوه
خالد: كيفه؟
احمد: اليوم خالتي اتصلت لأمي وعنرد لهم خبر غطوه
خالد مصدوم: خير
احمد: مالك مافرحتش؟
خالد: الا فاااارح فارح قوي
احمد: بتتحاكا صدق والا لقانه
خالد: مابلا صدق
احمد: يلا كان خطيبتي بتتصل
خالد بدون نفس: تمام (وغلق)

خالد ررررجع للصاله: مبروك ياعزي
محمد نزلين بطونه: الله يبارك فيك
عمار استغرب: مبروك على مه مالكم بتتغلمموا
خالد: محمد عيخطب رهف اختي
عمار عرف انها رهففف لفت لمحمد: صدق
خالد بيشوفه: من هي حبيبتك وين هي!!
محمد: الله يستر عليها قد اختطبت
خالد: ايحين اختطبت؟ اوذا مابسرنكش زاعل عليها؟اللي يحب واحده وتسير لغيره يبان في عيونه
محمد سكت لقي رد ماكان عامل حسابه انه عيسمعه
عمار بيحاول يصلح الوضع: مالكم ذلحين (شاف لخالد) وانت مالك خلاص الله يستر عليها بارك له ماذلحين قدوه نسبك
محمد: شكل خالد مشو مقتنع بي صح؟
خالد بيتكلم من راس نخره: الا مقتنع قذا باركت لك
محمد اقتهر: الله يبارك فيك (وقام)
عمار: مالك عيب عليك خلاص قال لك اختطبت ماتشتيه ينتحر خلاص الله يفتح عليها
خالد بضبح: تمام
عمار بيتكلم بهدوء وعقل: اسمعني يااخي انا داري مابتفكر
خالد ماعجبه كلامه شاااافه بنظرات
عمار: لا تبسرنيش هكذا حتى لو هي اختك محمد رجال وكلنا نعرفه وانا وانت معه في الغربه وقدك بتبسر كيفوه يعني لا تخربش الدنيا المفروض تهني لهم وتفرح من هو محمد ومن هي رهف
خالد ضببببح وفي نفس الوقت بيفكر بكلام عمار
عمار: لاتطولهاش وهي قصيره
خالد مكابر دعممه وجالس يبعسس في تلفونه

اليوم الثاني الصبح بيت عبدالله......
الطاف بتكلم بلقيس: الله يوفقهم
بلقيس فااارحه: آمين يارب
الطاف: ايحين عتجوا؟
بلقيس: مدري اول احاكي نبيله علاسب لاتقل بنخطب ونفرح ومافكرناش فيها ولا احنا ذاكرات لها وابنها محبوس
الطاف: ايوه حتى انا بين اقول نحاكيها مهما كان عيحز في قلبها
بلقيس: شتصل لها واحاكيها

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:52 (بارت 304)

الليل ضميري بيأنبني لكن مابش حل انا داري بتقول داخلك سير اشتغل شكلي مبهذل صح مبهذل لكن المبهذل اللي قدامك معه شهاده جامعيه مش شهاده من حق عيال المسؤولين والأغنياء معي شهاده بتقدير امتياز
اكرم اتفاااجأ: امتياز؟
الرجال ضحك بقهر: ايوه امتياز قصدي شوقع وزير مشنا داري اننا شوقع سارق علاسب ااكل جهالي
اكرم: ماجربتش تدور عمل
الرجال: ماجربتش؟ دورت ولبحت لما قلت بس اتحملت نيس وبلك لما اتشططين ايدي بعت بطاط ملان الشوارع لكن مابش فايده
اكرم متأثررر قوي مش عارف ايش يقول
الرجال: قول لي قد جربت تجوع؟ ولما تجوع مابتاكل؟ ماهي سيارتك وكم معك تلفونات عندك هذا كله ولا شي عتقول مادراك ان معي سياره ومدري مه
اكرم: صح
الرجال: باين ابن العز يبان بين ابسرك كيف تتغاثا من البقعه ولما ناكل جمعه
اكرم عجممممم
الرجال: كم ناس حالتهم مثلي وناس مايعلم بحالهم إلا الله وراء كل باب مغلق هموم ومشاكل وجوع ومرض وكل الأشياء اللي بتبسروها بعيييده عنكم غيركم عايش معاها عمر
اكرم امتلين عيونه دموع: الله كريم
الرجال: الله كريم....... الله كريم

الليل الساعه 10:34......
الطاف جالسه في الديوان واحمد جالس فوق المدكا
عبدالله جالس يمشي ويحوس: قلت لي مشوه سابر؟
احمد: ايوه
عبدالله شابك ايديه وحاطهن وراء ظهره بيمشي: والله ان قصدي انه مابش مثله
احمد: اكيد من اين عتدرا
عبدالله: خلاص نقول لهم قديه لأبن خالتها
رهف ورغد بيسمعييين اتحاضنين
رهف فاااارحه بتتكلم بصوت واااااطي: سمعتي اللي سمعته
رغد: سمعت سمعت
داخل الديوان.....
عبدالله: لكن غريب الاثنين في نفس اليوم
احمد ركززز شاف امه: صدق
الطاف: اصلا ايوه يعني هي قد حاكتني بلقيس بلقيس اختي حاكتني لكن مع مشكله اكرم وخطوبة احمد قلت مش وقت
عبدالله: كنتي عتتحاكي هذا موضوع مايتأجلش الولد من البيت ماينفعش نتأخر عليهم هكذا عيقولوا ماهوش عاجبنا والا مدعممين مانشتيش مايقعش
الطاف: ايوه سوا يعني ارد لها نابي
عبدالله: ايوه هو ينفع تتصلي ذلحين والا قدوه شرق
الطاف: شتصل لها الصبح
عبدالله: تمام

غرفة رهف ورغد.......
رهف: اشتي ارسل ومفتجعه امي تجي
رغد: رسلي له وامسحي بسرعه
رهف: تمام وبتكتب (محمممممد)(ابي وافق)(وااااافق)
محمد قري وجنن (مااااهو)(والله ماتوصليه انتي لي انا)(شقتله يموت ويعدموني لا لي ولا له)
رهف شافته جاري الكتابه بتضحككك(وافق عليك أنت )
محمد مسسسسح الكلام اللي بيكتبه ورجع كتب (عليا؟)(قولي والله )
رهف (ايووووه عليك)(مالك افتجعت او غيرت رأيك )
محمد (ههههههههههههه مالش ياغيرت رأيي مشنا مصدق )(فااااارح)
رهف (وانا والله مشنا مصدقه)(بعدا شتصل لك فيديو)

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:52 (بارت 303)

الطاف قلبها انقبض: يوه كان حاكي ابوك لا يدي لهم نابي
احمد: رهف لمحمد محمد اولى بها من هذا مابش مجال للمقارنه بينهم محمد كبرنا احنا وهو سوا وداريين كيف هو وكيف تربيته
الطاف: ماهذا صدق
احمد: ابي خليه عليا عيس حين قولتي لي قبل ما يتسرع ابي
الطاف: ايوه ماابوك معجب به ياالله قد مدحه لما قال بس
احمد: ماااابش اكسر رجله لو يوصل باب بيتنا
الطاف اتنهدت: دنيا محد يدرا من يصدق ولا من السابر
احمد خرج شاف رهف: انتي هانا واحنا بنزوجش
رهف: بمن بتزوجني
احمد: بالسواق
رهف ضحكت: بس خباله
احمد كان من تشتي: خلاص بالحارس
رهف: حارس مه
احمد: حارس المرمى
رهف ضحكت: اخبل
احمد: شازوجش على ذوقي
رهف بتضحك: يعني عتخطب لي انت
احمد: ايوه اوذا بين ادور لش هيا اشتحطي للخباله البنت مصدقه
رهف بتشوفه بنظرات: انت اللي قلت ماهوش انا
احمد: ناهي خاطرش (ومشي)

بيت فيصل......
زكريا بيتكلم مع امه: المهم انه فاق هذا اللي كنا مفتجعين منه
نبيله: ايوه الحمدلله ماابوك قد جنني قال ليش رماه قلت له وانا مادراني
زكريا سكت
نبيله: فعلت لنا فعله وعتخلي الولد قاتل وتبهذل بنا على آخر العمر
زكريا زعل: لا تجلسيش ترجعي كل شي فوقها انتي داريه ان اكرم بيجابر بنات لا واحده ولا ثنتين يعني هذا رد دين الله عاقبه في اماني علاسب يتعلم وعلى الله يتعلم صدق وبعدا ماهيش اول ولا آخر واحده تغلط لا تكونوش تخلوا الواحد شيطان رجيم ذلحين انتي بتدافعي على اكرم على اساس هو ماغلطش ابدا ليش اكرم من ايحين كان يفهم واحنا اكثر ناس داريين كيفوه واماني بنتش ازعلي عليها سعما بتزعلي عليه
نبيله بتسمعه مكبوده: لكن هو ولد
زكريا: هذا اللي ضرنا واللي ضره انه ولد هو ولد لكن اللي بيحاكيهن بنات معاهن اخوه وهذا اهله عيقولوا هو ولد
نبيله بتشوف كيف بيدافع عليها ومستغربه: عاجبك اللي فعلته
زكريا: ماهوش عاجبلي لكن لو كنت في البيت والله مااخليه يلمس شعره فيها

في الحبس.....
اكرم جالس ضااابح مقهور
جا جلس جنبه واحد: شوعه صح؟
اكرم استغرب: ماهو؟
الرجال: المكان الذي احنا فيه
اكرم اتنهد: قوي اكثر من ما اتخيلت
الرجال: ااااح مافعلت؟
اكرم: رميت واحد
الرجال: ليش؟
اكرم: لحظه غضب والشيطان شاطر وانت؟
الرجال: انا على قولتك الشيطان شاطر والجوع كافر
اكرم مافهم: كيف يعني؟
الرجال: والله يااخي مانا داري كيف اقول لك الفقر هذا ضيعنا انا معي ثلاثه جهال لا يعرفوا يلبسوا جديد ولا عايشين سوا
اكرم اكتبببد
الرجال: والله انه لولا الحاجه ماامد يدي لكن ماافعل بين اسمع ابني والا بنتي يقول جاوع واحس في صدري خنجر (امتلين عيونه دموع) قصدك اننا بين اسرق وفارح والله مابين ارقد.....

للكاتبه: غدير عبدالخالق rwayat.sanaa باز کردن / نظر دهید

2018-08-11 19:07:52 (بارت 300)

الطاف جاوبت: حيا
بلقيس: كيف انتي
الطاف: تمام الحمدلله وانتي
بلقيس: الحمدلله على العافيه (وسكتت)
الطاف: مالش او به شي
بلقيس: ماشي غر قلت احاكيش في موضوع
الطاف: ماهو
بلقيس: اشتي رهف لمحمد ابني
الطاف طننننت: رهف بنتي
بلقيس: ايوه ليش به رهف ثانيه
الطاف ساكته
بلقيس: او مش انتي موافقه
الطاف: ماشي محمد ابني وانتي داريه لكن اتفاجأت واصلا بيني وبينش قد جوا لها ناس وابوها موافق
بلقيس: هذا شي راجع لكم لكن محمد قد انتوا داريين به وتعرفوه وهو يشتيها
الطاف جننت: خير ان شاء الله
بلقيس: اقنعي عبدالله قوا
الطاف: تمام شبسر
بلقيس: يلا كان مراعيه لنابي
الطاف: تمام مع السلامه

رغد ورهف في الغرفه جالسات على اعصابهن
الطاف غلقت وقااامت لاعندهن بتشوف رهف بنظرات: هذه خالتش بلقيس
رهف خااايفه: انا داريه
الطاف بقلبه: مادراش
رهف بتغالط: رغد قالت لي مالش
الطاف: هااا اشتي ادرا ايش معنى بعدما كملت احاكيش اتصلت شمت يدها؟!
رهف عجمممت
الطاف: بين اسألش جاوبي
رهف: مادراني
رغد خافت اختها تنكشف: هاااا
الطاف: ماهو
رغد بتضحك ضحكة مدرب: انا حاكيت ايمان شكلها حاكت خالتي وخالتي اتحمست
رهف لفتت تشوف رغد
الطاف: وليش تحاكيها؟
رغد بتتفلسف: مافيها ياسعم انهي معنسه عتحسدها والا ماهو وبعدا عادي حتى هي لما احد يجي لها بتقول لنا
الطاف لفتت لرهف: وانتي مارأيش ياقمر
رهف مركزه مع التلفون خايفه يرن: رأيي بمه
رغد فهمممت جلست وقلبت التلفون عشان لو رن امهن ماتشوف الشاشه مضويه
الطاف: رأيش بمحمدي
رهف خايفه ومتوتره جت لها ضحكه من أسلوب امها: محمدي؟
الطاف: ايوه محمدش
رهف قوت قلبها : انا الصدق موافقه على محمد اعرف من قبل مااعرف نفسي هذا لا اعرفه ولا اصرفه
الطاف: ماشاءالله وعاد انتي بتدي اشعار؟
رهف بهررت: اشعار مه!!
الطاف: اعرفه من قبل مااعرف نفسي

في المستشفى......
الممرضه راحت لاعند الدكتور دقت الباب ودخلت: المريض يوسف ال.... فتح عيونه شويه ورجع غمض
الدكتور قاام بسرعه وراح لاعنده

في الحبس....
اكرم جالس يشوف جدار الزنزانه بيتذكر كلام شهد (انا الصدق يجي لي ضيق من الأماكن المغلقه احس اننا اشتي هواء والا شختنق ماشقدرش اتحمل حتى لما ابسر الغواصين والا اي مكان ضيق يكتتم نفسي)
جلس فاتح عيونه ويرمش ببطئ وهو بيتذكر كلامها وصوتها ذكر مجابرتهم في يوم من الأيام (اكرم /ها/اقول لك شي؟/قولي/ تذكر لما كنت اجلس اقول لك اننا اكتتم من الأماكن الضيقه والمغلقه؟/ايوه؟/والله اننا اكتتم لما تبعد عني/ ليش؟/لأن الدنيا كلها تضيق عليا واحس نفسي في قفص مغلق لافيه ضوء ولا هواء)
بيكلم نفسه.......

للكاتبه: غدير عبدالخالق rwayat.sanaa باز کردن / نظر دهید

2018-08-11 18:53:39 (بارت 299)

بعد مرور ايااام......
كندا......
الشباب سامرين عادهم خلصوا يلعبوا بطه
عمار: اكرم اخي مدري وينوه غاطس آخر ظهور له قد له مدري كم وكل مااسألهم يقولوا خارج ماقد روحش ماهذا المره شكله اتزوج ياخبره (وبيضحك)
خالد ومحمد شافوا بعض
عمار: مالكم مطننين؟ تتوقعوا يفعلها!!
محمد بيخلي نفسه طبيعي: مش لاهذه الدرجه لكن قد انت داري بأكرم تخازين ولوا مايوقفش
خالد: ايوه حتى احمد قال لي بيخزن لا مدري ايحين قدوه اكبر مولعي
عمار ضحك: هو مولعي من يومه
الشباب بيسلكوا له ويضحكوا كذب

محمد اقوم اتصل لأمي ذكرتوني بهم: دخل الغرفه شاف مكالمات من رهف ورسايل (اشتيك ضروري)(وين انت)(اول ماتقرا رسايلي رد)
محمد قلللق اتصل: ماهو مابه او وقع بالولد شي
رهف: ماشي به ناس جوا يخطبوني وابي بيقول انهم ناس ياسلام
محمد اكتبد: يخطبوا من مالش؟
رهف بتبكي: يخطبوني امي قالت لي ابن صاحب ابي
محمد جنن: وانتي ماقلتي؟
رهف: ولا قلت شي سكت مااقول اشتي محمد؟
محمد بيتكلم بحرقه: سكتتي يعني عادي عندش تتزوجي بواحد ثاني؟
رهف اقتهرت: مالك افهم اول مااقول لهم مشنا موافقه اشتي اتزوج بمحمد
محمد بنبره حااده: خلاص اصه انتبهي يارهف انتبهي
رهف: ماافعل
محمد: ولا تفعلي شي انا شفعل
رهف: ماهو قول لي
محمد: مع السلامه شتصل لش بعدا

غلق بيتصل لأمه مابتجاوب
اتصل لأيمان: وين امي
ايمان: في المكان
محمد: ادعيها الآن
ايمان قلقت: مابه
محمد: ادعي اميييي افهمي عربي
ايمان: تمام
مكنت امها التلفون: هه جاوبي محمد
بلقيس: حيا كيف انت
محمد بضبح: مشنا بخير اسمعي
بلقيس استغربت: مالك خير
محمد: الآن تتصلي لخالتي الطاف وتقولي لها نشتي رهف لمحمد
بلقيس انصددددمت: ليش
محمد بضبح: ماهو ليش اشتيها
بلقيس: ناهي مالك ماصنف لك ذلحين وليش بتتحاكا هكذا
محمد: جوا ناس يخطبوها اطرحي لخالتي خبر وقولي لها رهف لمحمد والا ماعيبسروش خير
بلقيس: ماهو ماعيبسروش خير
محمد: قذا بين اقول لش الآن يعني الآن شتصل بعد شويه
بلقيس مش فاهمه شي: تمام بعدك
محمد: يلا شويه واتصلللل

صنعاء بيت يحيى.....
ايمان: ماله
بلقيس: والله مااديش علم مشنا فاهمه شي بيصيح اتصل لخالتش اقول لها نشتي رهف لمحمد
ايمان فرررررحت: صدق
بلقيس استغربت: مالش مزقرعه
ايمان ارتبكت: ولا شي استغربت
بلقيس: ادي تلفون البيت
ايمان: تمام

بيت عبدالله....
التلفون رررن
رهف خااافت لفتت لرغد: يوه
رغد: مالش
رهف: تقولي محمد؟
رغد بهررت: ماهو للجنان (وحملللت تجاوب)
الطاف: مالش بتطيري
رغد: خورت اجاوب
جاوبت: الوه
بلقيس: كيف انتي
رغد اتطمنت وخايفه في نفس الوقت: تمام الحمدلله
بلقيس: وين امش
رغد: ايذه (لفتت لامها) خالتي بلقيس

للكاتبه: غدير عبدالخالق rwayat.sanaa باز کردن / نظر دهید

2018-08-11 18:53:39 (بارت 301)

بيكلم نفسه (الله ياشهد كيف انتي حساسه حسيتي بهذا كله من قبل ماتجربي كم كنت اعمى كان قصدي ان الكلام اللي بتقوليه لي كلام عيشله الريح مع اننا كنت متأكد ان انتي تحبيني صدق لكن كنت اقول عيجي يوم وتضبحي من تصرفاتي عيجي يوم وتنساني طلعت غلطان غلطان قوي)

الدكتور وصل فااارح: يوسف فاق
اخوة يوسف فرحوووا ومش مصدقين: احلف
الدكتور ضحك: والله ازيد احلف؟
اخو يوسف: ينفع نبسره؟
الدكتور: عاده فاق وتاعب واحد بس يدخل لما تتحسن حالته
اخوة يوسف شافوا بعض واتكلموا في وقت واحد: انا شدخل
الدكتور: من عيدخل؟
اخو يوسف الكبير شاف اخوته: ادخل انا؟
اخوته احتراما له لأنه الكبير: تمام
الدكتور: خلاص جي
اخو يوسف متوووتر مشي مع الدكتور
صاحب يوسف وصل خااايف: مابه وين عيسيروا؟!
اخو يوسف: يوسف فاق
صاحبه اتفاااجأ بيضحككك فارح: صدق؟ منك صدق؟
اخوه: ايوه
صاحبه حضنه: الحمدلله يارب
بيت عبدالله......
الطاف جالسه مخزنه بتفكر
احمد دخل فارح: يوسف فاق
رهف ورغد سمعين ولفتين لبعض واتكلمين في نفس الوقت : سمعتي؟
رهف: ايوه يارب لك الحمد اشتي اقول لأماني
رغد: كيف تقولي لها؟ الحمدلله يعني ماعيعدموش اكرم
رهف: قشعر جسمي
رغد: وانا
رهف: جي نسير نسمع

في المكان الثاني......
الطاف بتبكي: يوه الحمدلله اتصل لخالتك
احمد فارح: اتصلي
الطاف رفعت السماعه بتتصل
نبيله جاوبت: الوه
الطاف بكيت: نبيييله
نبيله خااافت: ماااهو
الطاف: الولد فاق
نبيله بكيت: صدق
الطاف: والله
نبيله: من قال لش
الطاف: احمد ابني قال قيس بيسير يتطمن سار وقالوا له عاده فاق اتصل لأحمد على طول
نبيله فارحه: بشرش الله بالخير يعني ابني عيخرج
الطاف سكتت
نبيله: ماهو
الطاف: مدري كم عيحكموا عليه
نبيله: امانه ادعي له
الطاف: بندعي له كلنا
نبيله: كان غلقي اتصل لفيصل
الطاف: مع السلامه

بيت شهد......
شهد راقده تلفونها بيررررن نكزززت اخذت التلفون: الوه
علا: الولد فاق
شهد قااامت: ها؟
علا: فاااق فاااق
شهد بكيت: متأكده
علا: ايوووه متأكده
شهد: كيف دريتي

كندا....
محمد ضااابح رسل لرهف (اتصل؟)
عمار: مالك ضابح
محمد: ولا شي
عمار: من حين حاكيت خالتي وانت مدري مالك
خالد قلق بيأشر لمحمد بعيونه
محمد هز راسه: ولا شي
عمار: ماقالت لك
محمد: مالك يااخي قلت ولا شي
عمار: خلاص براحتك
محمد جالس بيفكر (ذلحين كيف شفعل لما يدرا خالد اننا اشتي رهف؟ عيقول وحبيبتك ماينفعش اقول له انهي هي مشهي سابره ويعلم الله ماعيحصل لو يدرا الله يلعنه يوم ما سمعني إلا وانا بين احاكيها يعني حلقت استغفر الله العظيم لازم القى حل قبل مايوصله الخبر....
خالد بيسسعل
محمد كان سارح نكز: مالك؟

للكاتبه: غدير عبدالخالق rwayat.sanaa باز کردن / نظر دهید

2018-08-11 18:53:39 (بارت 302)

خالد: ولا شي (وبهرر له بعيونه يقوم)
محمد خاف وقام
خالد قام بعده: ماحصل؟
محمد: ولا شي
خالد: مابش أخبار جديده
محمد: ماشي
خالد: قد قلقت قصدي ان به شي
محمد: اتطمن
خالد: خلاص جي نرجع لايشك
رجعوا للصاله محمد اخذ تلفونه شاف رساله من رهف راح للغرفه اتصل لأمه: هيا مه
بلقيس: قالت قد جوا لها ناس لكن عتحاكي خالك وترد لي نابي
محمد ضااابح: تمام
بلقيس: مادراك انهم جوا لها
محمد: ماهو
بلقيس: قلت مادراك
محمد: خالد حاكاني
بلقيس: ها وانت ليش ماتتحاكا من اول عاد انت ذكرت
محمد: انا قلت ازيد اكمل القرايه واخطب
بلقيس: كنت عتحاكيني اطرح لها خبر انا قد كنت بين أفكر فيها لك لكن قلت شكلك ماقد تشتيش
محمد فررح لأن امه كانت تشتيها: انا قلت ازيد اراعي ذلحين الولد هذا فاق؟ كيف حالته؟
بلقيس: ماشي والله ماقد فاقش لكن ان شاء الله خير
محمد: ان شاء الله إذا له شي حاكونا
بلقيس: تمام المهم عمار لا يدرا
محمد: قد بنحاول نخلي الوضع طبيعي كوده بيدوره وقد بيقول عيتصل لاعند صاحبه قلنا له مابش داعي ابرد لك منه ماعيشلوهش الجن هو بيبحشم مفتهن وانت بتلاحقه لكن بيقتهر قال ولا يسأل عليا ولا يقول عاد معي اخ ايحين عيعقل
بلقيس زعلت: جعلي مكسر عليه صدق
محمد: ياسين عليش قوا حاولي مع خالتي
بلقيس: تمام وانتوا انتبهوا لأنفسكم الله معاكم
محمد: اسلمي الله معش مع السلامه
غلق واتصل لرهف: الوه
رهف: ها
محمد: كيف الأوضاع ماقالت خالتي
رهف متوتره: اسكت قد جت تقزز فوقي قالت مادرا خالتي شمت يدها؟
محمد قلق: وانتي ماقلتي
رهف: رغد خارجتني قالت انهي حاكت ايمان
محمد: اوف الحمدلله اول مره رغد تفعل معروف
رهف ضحكت: حرام عليك والله انهي بتساعدني خيرات
محمد: المهم انتي حاولي تقنعيهم بأسلوب مش تفضحي نفسش
رهف: تمام لكن امي شكت قالت لي مارأيش بمحمدي
محمد بهرر: صدق
رهف: والله طلع لي الجاذب
محمد: خالتي خطيره لكن انتبهي تفضحي نفسش مانشتيش يحصل شي يضرنا
رهف: تمام

صنعاء.....
بيت عبدالله.....
الطاف: خالتك بلقيس اتصلت تشتي رهف لمحمد
احمد استغرب: رهف لمحمد
الطاف: ايوه لكن والله مانا داريه مااقول لأبوك
احمد: كيف ماتقولي له عادي موضوع مابش فيه شي
الطاف: عمك...... اتصل له وقال انه يشتيها لأبنه وابوك شكله موافق
احمد انصدم: ابنه من والله ماتدخله هذا سرسري ماله ابي؟ انا اعرفه
الطاف: ابوك بيقول انه ولد مابش مثله
احمد ضحك بأستهزاء: منوووه مادراه ابي هذا على مابيمدحه ابوه اكيد ماعيقولش ابني صعلوك كل واحد بيخلي عياله احسن ناس لكن انا اعرفه انا اللي بين القاه في التخازين والله مااقذا اناسبه اعقلوه

للكاتبه: غدير عبدالخالق rwayat.sanaa باز کردن / نظر دهید

2018-08-11 18:53:39 (بارت 298)

اماني مسحت عيونها: تمام
البنات بيحاولين يهدأين انفسهن
نبيله دخلت: جين عندنا
البنات شافين بعض: تمام
بعدما خرجت نبيله
رهف: صدقتني شكلها شكيه جت تقول نسير عندهن من ايحين بنجلس عندهن؟
رغد: اص اخطين قدنا مفتجعه
اماني لبست فنيليه مكممه عشان خوالاتها مايشوفين ايديها
ايمان: اهدأي تمام
اماني اتنهدت وامتلين عيونها: تمام
ايمان قربت مسحت عيونها: اششش خلاص
اماني: مابين اقدرش
البنات بيشوفنها

في المستشفى.....
اخوة يوسف بيتكلموا مع الدكتور
الدكتور: الولد حالته حرجه قوي مقدرش ادي لكم خبر لااطمنكم ولاافجعكم
اخوه: يعني ماهو ماعيفوقش؟
الدكتور: اااح هذا شي علمه عند الله مشنا داري
اخو يوسف الثاني: مالها محلقه علينا من كل بقعه ابي من جهه ويوسف من جهه
الدكتور: قول الحمدلله هذا قضاء الله وقدره لازم تكون مؤمن به
اخوه: ونعم بالله لكن تعبنا
الدكتور: خلوا املكم في الله كبير وان شاء الله ماعيقع إلا خير

بيت شهد.....
شهد بتتكلم مع علا: عندش اخبار اشتي اعرف اخباره اي شي عنه والله ماعادنا بحسي قد عيوني حارقات بكاء ولا بين اقدر افعل شي قد كنت راضيه بالبعد وساكته لكن مش وهو محبوس ماشي
علا: والله مانا داريه بشي اللي انا داريه به انه لو يموت الولد عيحكموا عليه اعدام ولو ما....شهد قاطعتها ببكاء وصياح: ماااع اص محد يقول اعدام مالش مابتفهميش انا متأكده انه مشو بالعاني والله ماهو بالعاني قولي لي ماقال لهم ليش رماه؟
علا: مارضيش يتحاكا بيقول انه مايحبهش وبينهم مشاكل ومضرابات وانه عارضه بالسياره وهو كان ضابح لحقه ورماه لكن محد بيصدقه وهو مابيرضاش يقول الصدق وحققوا مع صاحب الولد اللي كان معه وشاهد على اللي حصل وهو متردد ومايشتيش يتحاكا بس لما دري ان اكرم قال الكلام هذا رجع قال ايوه هو هذا السبب بس هو والكل محد صدقه بيقولوا به شي مخبا ولازم يتحاكوا ماهو علاسب يكملوا عملهم
شهد: تمام الولد كيفوه عيعيش؟
علا: مدري عاده في غيبوبه مافقش وبيقولوا حالته حرجه
شهد: يارب يقوم بخير يارب بين ادعي كل شويه وادعي لأكرم يخرج يتزوج يعيش يقرا المهم يخرج يعيش حياته ساع الشباب كلهم
سكتت شويه ورجعت تبكي: تقولي معه حبيبه؟ كيف حالتها لما دريت انه بين الحياه والموت كيف شعورها اكيد مصدومه
علا متأثره من كلامها:صدق مسكينه يارب قومه بالسلامه ويرجع لها ولأهله
شهد: ااح يااكرم مافعلت
علا: ادعي له اكيد نادم
شهد: بين ادعي له مابيوقفش لساني دعاء مشنا حاسه اننا عايشه ميته من يوم مادريت انه بين اربعه جدران كيف بيرقد مابياكل كيف حالته النفسيه اكرم مايتحملش

للكاتبه: غدير عبدالخالق rwayat.sanaa باز کردن / نظر دهید