2022-06-19 18:25:17
ازاى اتعامل مع ورقه الامتحان؟!! والوقت بيكون كافي؟! اتسألت كتير فيما يخص الامتحان فـ هوضح كل حاجه ان شاء الله،
1_ اول م تاخد الورقه هتسم الله وتقول الدعاء "
ربّ اشرح لى صدري، ويسّر لى أمري، واحلل عقدة من لسانى يفقه قولي، باسم الله الفتاح،" اللهم لا سهل إلا ما جعلته سهلا، فإنك إن شئت تجعل الصعب سهلا يا أرحم الراحمين" وتقرأ آيه الكرسي وتبتدي تكتب بياناتك وتنقل الكود اللى بيبقى ف ورقه الأسئله وده مراقب اللجنه هيقولك عليه... متقلقش.
2_ ينفع اكتب في ورقه الأسئله؟؟؟
=
اه عادي ينفع تكتب في ورقه الأسئله عادي.... بقلمك الرصاص وعدي ع كل سؤال ركز فيه اوى ولو افتكرت حاجه هتسهل عليك الحل اكتبها فوق السؤال بسرعه وفي الأسئله اللى بتكون اجاباتها كلها صح. وعايز افضل إجابه، اتبع نظام الاستبعاد( وده بنعمله حتى في الكليه حاليا)... اللى هو بيكون في إجابه لو ركزت فيها بتكون هيا أدق...وطبعاً مع تدريبك ع الحل بتكون عارف تميز
3_ الوقت معاك بيكون ع أد الأسئله وفي حوالى نص ساعه زياده للمراجعه وممكن يبقى معاك وقت أكبر أو أقل للمراجعه في الآخر ع حسب قدراتك وسرعه الحل، فـ حاول وانت بتحل تجاوب بتركيز وممكن
لو في حاجه مش متأكد منها...اعمل علامه جنبها بسيط... تعرفك إنك هترجع للسؤال تاني... علشان الوقت لو مكانش كافي تراجع الامتحان كله.. هتشوف الاسئله دي بس.
ولو انت شخص بتحل بسرعه ممكن تحل برصاص م البدايه وفـ وقت المراجعه تجاوبه بالجاف وتراجع.
4_ البابل شيت... وانت بتنقل فيه الاجابات الله يوفقك... هات مسطره وحطها عند كل سؤال وركز أوى بالله... لأن في ناس بتنسى نقطه وبيترتب عليها ان كل الاجابات تبقى غلط......
"انا بنبهك مش بوترك " لو نقلت اجابات كتير غلط اطلب من المراقب ورقه غيرها ( بس ركز علشان متوصلش للنقطه دي وتضيع وقتك)... وانت بتظلل الاجابات حاول تخليها في الدايره بسسس.. متخرجش بره
5_ لو في سؤال حليته وجيت ف الاخر عايز تغيره ومتأكد ان الاجابه اللى هتحلها هيا الصح اعمل ع الاجابه التانيه بشكل واضح.
6_ ورقه المفاهيم... هترجع ليها عند نقطتين تلاته وانت بتحل .. مش كل سؤال...(متعتمدش عليها اعتماد كلي) بس خلى مراجعتك ليله الامتحان منها علشان تبقى عارف مكان كل حاجه ويبقى سهل ترجع ليها.... ولو معاك وقت في الاخر ممكن تتأكد منها عادي... بس متستخدمهاش م الأول وتتأكد من كل سؤال... لأن ده بيسحب من وقتك.
7_ الطبيعي انه هيكون في أسئله صعبه...«مش كتيي» وممكن امتحانك يكون فيه الصعب ف الاول ( اول تلات اربع نقاط) بلاش ده يخليك تتوتر وتوقف حل!.. كمل وهتلاقي بعدها الاسئله الـ سهله.. وانت بتحل هتجيلك فكره النقاط اللى سبتها ان شاء الله....
خليك متَّزِن ومركز لآخر دقيقه. ـــــــــــــــــــــــــــــــــــــــــــــــــــــــــــــ
وانت بتحل شامل في العربي الأيام دي اظبط منبه وحدد وقت معين مثلا، ساعتين او ساعتين ونص ولو عرفت تحل امتحان في ساعه ونص تبقى ممتاز جدا... علشان ده هيخليك رايق في الامتحان ومتعود ع طريقه الحل ووقته فـ هيقلل التوتر.
وحلوا في مكان دوشه او شغلوا الفون ع اى صوت مزعج... علشان بس تشوف مدى تركيزك
الشباااااب بلاش مشاكل مع المراقبين لان ببساطه ده هياخد من وقتك..
لو حد اتعصب او افتكرك بتغش أو لقاك بتتحرك كتير وشد عليك... قول حاضر واسكت ومتجادلش كتير
متركزش مع المراقب اللى بيفضل يقول باقي ساعه باقي نص ساعه
انت المفروض معاك ساعه فـ ايدك وعارف وقت الحل بتاعك..... متوترش نفسك.
( تركيز+ عدم توتر + سرعه في الحل ع أد م تقدر)... هتطلع م الامتحان فرحان بإذن الله ان شاء الله هتكون اللجنه هاديه والأمور كويسه معاكم.. ..بس احنا بنفترض اسوء الافتراضات علشان متتفاجئش هناك وتتوتر....
اللهم افتح عليهم فتوح العارفين والعالمين والحافظين يارب العالمين .
اللهم كن لهم خير مُعين واحفظهم عن الشمال وعن اليمين واجعلهم من المتفوقين .
اللهم يسِّر الامتحانات عليهم .
اللهم كن معهم وقت النسيان فذكرهم وكن معهم وقت السؤال فاجبهم .
ربِّ اشرح صدورهم ويسِّر أمورهم واحلل عقدة من ألسنتهم .
اللهم اجعل الامتحانات بردًا وسلامًا وسهلًا على عقولهم وقلوبهم والهمهم الإجابة .
اللهم اكتب لهم النجاح والتوفيق في الدنيا والآخرة أنت ولي ذلك والقادر عليه .
اللهم فرح قلوب أهاليهم بهم وانزل عليهم السكينة والطمأنينة والرضا .
= آمين آمين
#بالتوفيق
#مهم
┏━━━ ━━┓
彡 @You_Can21
┗━━━ ━━
1.5K viewsRofida , edited 15:25
ا
