2022-03-02 09:28:09
تنصحينى بـ ايه الفتره دي؟؟!
النهارده 3\2
لو انت طالب مجتهد وبتذاكر من أول السنه، فـ حابه أقولك يا بطل، إنها هانت والله، ركزززز كده وكمل زي م انت ومتخليش كلام حد يأثر عليك، أو يوترك، كل يوم هيعدي عليك محسوب، فـ حاول تركز فـ المراجعه والحل.
الحل يا جماعه مهم مهم مهم والله جداً
في باب فـ الحديثه لما كنت ف تالته والله م ذاكرته يادوب قريته وحليت عليه كل الأسئله، وظبط معايا جداً والحمد لله حليت كويس فيه.
ده بس تنبيه ليكم ان الحل مهم، وبيثبت المعلومات ولازم تبدأوا فيه من دلوقتي.، كل باب يتراجع يتحل عليه كميه كويسه.
لو نظمتوا الوقت على أساس كل يوم.. تذاكروا الجديد + مراجعه نص باب وحليتوا عليه، هتخلصوا بإذن الله
واليوم الفاضي تراجعوا فيه باب.
ومن شهر 4 هتكونوا في مواد كتير الجديد خلص فيها اصلا.
فتزودوا مراجعة وحل..... وممكن متراجعوش وتحلوا علطول بردوا.
واتعود مراجعتك تكون سريعه، يعني الباب كله ياخد تلات ساعات بكتيره وتحل عليه ف ساعه.
المراجعه السريعه يعني بتقرى الباب وتذاكر المهم وتشوف الأسئله والملوحظات اللى كاتبها ف كشكول الماده من اول السنه.
وشهر 5 يبقي حل شامل.
يعني الموضوع سهل...
وفقكم الله وسدد خطاكم
#بالتوفيق
┏━━━ ━━┓
彡 @You_Can21
┗━━━ ━━
363 viewsRofida , edited 06:28