رئيسية/ ابا الفضل العباس عليه السلام 2022 وحگ ضلع الزجية نهـا | نشر قصائد حسينيه مع الاحان
رئيسية/ ابا الفضل العباس عليه السلام 2022
وحگ ضلع الزجية
نهـايتكـــــــم بديـة
على جرف النهر
اراويكـــم سَـقَـر
هاشمي هاشمي
.............
أنه العباس ابن حامي الحمية
أنه المتربـي بيــده الحيــدرية
شجاعة ومفخـره بيوم المنية
حضـر يوم الوعـد يا آل اميـة
خادم حسين واحرسه
ويـله ياويـله اليلمسـه
اشطره بذوالفقاري
لهب ما تطفـه ناري
ابـد ماكو مفـر
اراويكـــم سَقَر
هاشمي هاشمي
.............
أنه العباس ابو السطره الثگيله
أنه الكافل خـدر اختـي العقيله
يويـله اليـدنه لخيـامـي يويـله
مثل جيّة عـلي لمرحـب اجيله
راسه من جسمه اقلعه
اگطع انفاسه واصرعه
ادافع عن عضيدي
لَحد گطعة وريدي
اگطعكـــم وذر
اراويكـــم سَقَر
هاشمي هاشمي
.............
عطاشى اطفال اخوي وحشّموني
أنه السگـاي ابوالغيـــــره ونخوني
يأشبـــاه الزلـم فنكــــــم تجـوني
اجيت اترس جربتي شاهــدوني
واعدت اختي الحبيبه
لليتـامه المـاي اجيبــه
اليلاگينــــي اذلّه
احز راسه واقتله
اجيت بكل فخر
اراويكــــم سَقَـر
هاشمي هاشمي
.............
اخويه حسين ابواليمّـه وامامي
نطيتـه كلمــــه ما اخـلف كلامي
قسم ميّظل طفل بطفاله ضامي
غضب رب العرش صار انتقامي
اگطـع بسيفـي رگبكــم
ما تظل روس بجثثكم
لـ عبدالله ورقيّه
اهــز الغاضــريـه
ولا ابقـي اثــر
اراويكـم سَقَـر
هاشمي هاشمي
.............
گلتـها الكلمــه آنـه ونفّــــذتها
ملكت المشرعه بزود ادخلتها
مليت الجربه بالماي وشلتــها
لخوي حسين وطفاله جبتــها
نفّـــذت بيكــم فجيعه
ملحمه بجنب الشريعه
بقت بيكم علامه
لَحد يوم القيامه
على طول الدهر
اراويكـــم سَقَـر
هاشمي هاشمي
.............
يأتبــاع آل اميـة ما گـــدرتوا
تلاگـونـي بعساكـركم عجزتوا
غـدرتونـي بغـــدركم ما ثبتّوا
قسم لولا الغدر چا ما سلمتوا
لولا حكم الله وقضائه
ما سلم جنـدي بدمائه
لچن ربي اليريده
اضحّـي للعقيــده
رغم گطع النحر
اراويكـــم سَقَـر
هاشمي هاشمي
سيد زيد الفحام
________
