شويلي على المسجون مات بسجن هارون ـــــــــــــــــ | نشر قصائد حسينيه مع الاحان

شويلي على المسجون مات بسجن هارون
ـــــــــــــــــــــــــــــــــــ
جمر المصيبه بكل كلب هاليوم لهاب
نفس الجرح هذا الجرح وي عصرة الباب
موسى بن جعفر ياخلك هسه اعلن غياب
بكثر الدمع لمصيبته ما ضلت عيون
ــــــــــــــــــــــــــــــــــــ
ياويلي من سجن السجن ومجتفه الايد
وآلامه كل يوم التمر بالفاجعه اتزيد
ماندري هارون الرجس من الوالي شيريد
جن ما يعرف الكاظم النوره مله الكون
ـــــــــــــــــــــــــــــــــــــ
السندي بن شاهك تسـّر عل امامه
ما هاب ابوه المرتضى وسره ومقامه
صاحب السجده تكفي لو هاي العلامه
بغضا لبو الحمله علي الجفه يكيدون
ماهمته قيود العده حيـّر اعاديه
ليل ونهار وبالدمع ربه يناجيه
سجانه من كثر الصلا ه ضل منشغف بيه
مو حكه كلمن شاهده يضل بيه مجنون
موسى بن جعفر صاحب السجده الطويله
ياوسفه نعشه اعله الجسر محد يشيله
حك الدمع فوك الوجن لجله نسيله
سمم جبدة الكاظم السندي الملعون
ــــــــــــــــــــــــــــــــــــ
الشاعر محمد حسن ضيغم