الشاعر زين العابدين الشمري

2022-07-29 19:38:35 نستفتح فاتحة الحسين
أعظم الله اجوركم جميعا
برنامج محرم ١٤٤٤ هـ باز کردن / نظر دهید

2022-07-29 01:31:14 قصيدة مع مزج التراث

نستقبل محرم"


نستقبل محرم    نستقبل محرم   
بالدمع واللطم   وحرگة عالعطشان

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلي نستقبل محرم بالضماير
كون نعطش حتى نبجي اعله المناحر
ويحترك واحدنا لجل الخيمة باجر
ويسئل الدمعه وتصير اعيونه جابر

((جابر يجابر  مادريت بكربله شصار   من شبو النار
والحرم شاطت للمعارة تريد اهاليها))

ونطفي المخيم    
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اي سهم باجر يجي متيهلة ديرة
طير وكر وبصدر شيخ العشيرة
والجسم متگطع يحير الحصيرة
خلي نقرة بدمع لمصابه ومصيرة

((اه يحسين   وامصابه      لجل العين سجابة))

نسجبلة دمع دم      
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

گرب شهر الينگطع ياناس اصبعه
حسين كل حافر أخذ من جسمة قطعه
واجة حزن التوگف اعله التل تودعه
الغريبة بريح ظلت جنها شمعة

((زينب يا غريبة    الله شمصيبة))

يا غربتها والهم     يا غربتها والهم
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كرب ناعي الحزن ينعه اعله الهضيمة
من التراث ابيات بس كلش عظيمة
لو قرة حمزة الزغيرة على اليتيمة
من رجع ميمون يصهل بالظليمة

((گلي يالميمون    وين والينا    راح ابو السجاد لو يرد لينة))

لو جسمه تخذم   
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يلله يالخادم اتحزم اعله العزية
دمعك يطفي الجمر بالغاضرية
الطم وانذر لطمتك والقضية
تخفف السعدان المأذي رقية

((طفلة من يتامة العاضرية    بالشامات وافتها المنية
شبكت راس الحسين  ولزينب سبتها))

والچف التألم     
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يالتحب تستقبل حسين وطفوفة
انطة ويلاده واخيه انطه جفوفه
بالظمة ميت حبيبك لا تعوفه
أشتگلة لمن تردد حروفة

((كل گطرة دم بشرياني تهتف بسمك يا حسين
روحي شلون تضل بجسمي من اذكر جسمك ياحسين))

بحبك الله يعلم   
بالدمع واللطم   وحرگة عالعطشان


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر زين العابدين الشمري
محرم ١٤٤٤ هـ باز کردن / نظر دهید

2022-07-28 15:06:03 (وي سبعينك)
ـــــــــــــــــــــــــــــــــــــــــــــــــــــــــــــــــ

كل سنة ندور محبسك    وين خنصر جف يمينك

والسنة دور الحوافر           عايشين احنه بحنينك

ياحسين بدون حبك         ذرة مانسوة لسنينك

نلطم ونبجي ونواسي       نخفف اهات بونينك

من اعمار الخدام العمرك لو عايش
لوياك اناصر ونصرك ونقارش

أنزود شما صحناك اه يحسين
وي سبعينك والله نصير الفين

يا مولاي   يا مولاي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

احنة نحرسلك خيمك    من بعد أذن ابو فاضل

النار خلها تصير بينه        واختبرنا من ننازل

حسين غربيلك يلمنه     ما يطيح الما يجامل

لان بس انته الوسيله      ولليحبك انته كافل


والحبك من قلبة ومن روحه وبروحه
يزداد بدمعاته المسفوحه وبنوحه

خدامك ونضلك في كل حين
وي سبعينك والله نصير الفين

يا مولاي   يا مولاي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دور اقلوب التخدمك           اسمع بنبض اليحبك

جرب النطيتة مرة              من دعه حتى يجربك

شوف ياهو بقلبه حرگة       لكشي هم مر اعله قلبك

شوف ياهو النقض عهده    ومنو الضل يمشي اعله دربك

من يتذكر اسمك لو يعطش بالگطرة
وياهوه اعله امصابك من غبش بالعبرة

ياعبرة ويادمعة تبجي العين
وي سبعينك والله نصير الفين

يا مولاي   يا مولاي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الله خالقنا اعله مودك     كل وكت عدنه عزاءك

كل أرض يحسين تصبح   بالحزن من كربلائك

نموت لمن مانخدمك      عايشين احنه بدعائك

سيدي شگد مابجينه       ما وصلنا لحد بكاءك

لو نبجيك دمنه ما نوصل يم دمعك
يالضحيت بروحك حولا  وكل ربعك

لو عشنه وياك احنة وماشين
وي سبعينك والله نصير الفين

يا مولاي   يا مولاي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سيدي دارت سنتنه         وهم رجع بالدمعه عاشر

ورجعت ألاوجاع والها             تگعد اموت المگابر   

صوت من عظام صدرك     كسر من سحگ الحوافر

ورجع خدك اعله الترايب    والعطش يعمي النواظر


يالضامي وماواصل ماي لباب اشفافك
والحر يشرب لونك لمن حج وطافك

نتمتى احنه وياك وعطشانيين
وي سبعينك والله نصير الفين

يا مولاي   يا مولاي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زين العابدين الشمري باز کردن / نظر دهید

2022-07-27 19:43:02 باز کردن / نظر دهید

2022-07-27 19:42:57 باز کردن / نظر دهید

2022-07-27 11:08:22 شور لـ ابو الفضل العباس

فدوه لعيونك

مترده خطارك سهم الاجه بعينك
يبو فاضل يبو فاضل

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يحزام اخيك لا تروح    قلبي احسن مجروح
تفطر ديليلي بالنوح       ياوتد خيمتنه وبعد ماشوفك
شلال دمعي مسفوح     والنفس بعدك مذبوح
والنظر  يبقه مشبوح      يم الشريعه السهم خويه يطوفك
من عطرك يضل يفوح    قران انته ومفتوح
بحجيك وفعلك مملوح      وشلون بيه لو تطيح اجفوفك


هيبتك ياخويه       جن علي وعيونك
وابتسامت روحك    من بياض اسنونك

يابو الفضل هونك من فدوه لعيونك

يبو فاضل يبو فاضل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياخويه اسمع الراي          ياكافل انته وفاي
وعل الخيم انته الفياي      ياسبع حيدر يا عمود ورايه
ياقلبي تسمح وبهاي          خليك يمي انته وياي
عوف الشريعه والماي       عوف النهر ياخويه واترك مايه
لمن تروح وعناي               المن اسوالف بلواي
والمن ابثن شكواي            ياكافلي بعدك اسوي قرايه

خويه اسوي اقريه     واقره فگدك بيه
وانهضم بغيابك        اي وحك ارقيه

يابو الفضل هونك من فدوه لعيونك

يبو فاضل يبو فاضل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا زينب اني العباس       قايس الموقف مقياس
يمج نهر يحني الراس     مگيد اجيبه وسحب يم خيامج
ليصيب قلبج وهواس     تعرفني كل هاي الناس
لمن اطب اع الحراس      اركابهم انحرها تحت اجدامج
همه شجر واني الفاس     بيدي القنهم داس
واتوله شر الخناس          اني وجفوفي وسيفي الج خدامج

خويه خفي عتابج      روحي الج منذوره
ياحبيب روحي           ياضوا المعموره

يابو الفضل هونك من فدوه لعيونك

يبو فاضل يبو فاضل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ماقصر اني وتدرين         والكم اقدم جفين
هم الج وهم لحسين      شيسوه الاخو لو ما نذر لخوانه
ياخويه لا لا تبجين          والجيب لا لتشگين
لوطايح اني تسمعين       خليها حسره ادموعج العادانه
يازينب وهالسهمين        ياذنـي يانور العين
بس مو مثل سهم البين   بالجربه طاح وبده ماي الوانه

جربتي يضربوها        ومايها يبدونه
والله لو ضربوني         ولا اجو يجفوها

يابو الفضل هونك من فدوه لعيونك

يبو فاضل يبو فاضل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شكرا يخوي اعله الصار      خففت حملي والنار
جانت بقلبي تسعار        بس تنطفي لمن تجي وتحجيلي
يالماخذ من الكرار           من تهجم اعله الكفار
ياسبع وبعزمك ثار         بنص الحرب والطمئنه توديلي
يسولف شجاعه البتار         باليمنه جن ذو الفقار
من زغرك الهم تذكار        بالگنطره يعرفوك بعدي وحيلي

قبل وبعاشورك        همتك يعرفوها
من يزامط سيفك      وقوتك شافوها

يابو الفضل هونك من فدوه لعيونك

يبو فاضل يبو فاضل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زين العابدين الشمري باز کردن / نظر دهید

2022-07-26 22:51:55 العون والمدد من الزهراء
هيئة تعجيل الفرج
العراق - بابل - ناحية الشوملي باز کردن / نظر دهید

2022-07-26 20:53:30 https://t.me/kootofendanea باز کردن / نظر دهید