🎓فيزياء🎓تالتة ثانوي⚡zakir⚡

2021-08-29 15:29:51 الكليات المتاحة للمرحلة الثانية يا شباب باز کردن / نظر دهید

2021-08-29 15:17:19 موقع النتيجه اهو ياجماعة تقيل شوية.
https://tansik.egypt.gov.eg/Application/Default.aspx باز کردن / نظر دهید

2021-08-29 15:15:13 طلاب الثانوية العامة

- خلاصه موضوع الكليات " اى كلية مش فى الكليات دى نازلة مرحلة تانية دى الخلاصه "
1- كلية الطب
2- كلية الصيدلة
3- كلية طب الأسنان
4- كلية العلاج الطبيعى
5- كلية الفنون الجميلة " أدبى "
6- كلية الالسن " ادبى "
7- كلية الاعلام " ادبى "
8-علوم إعاقة وتأهيل"ادبي"
9- كلية الاثار " ادبى "
10- اقتصاد وعلوم سياسية " ادبى"

- حدود المرحلة التانية رسميا :-
الشعب العلمية " رياضة وعلوم " 62.07 %
الشعبة الأدبية 58.05 % باز کردن / نظر دهید

2021-08-29 15:11:25 باز کردن / نظر دهید

2021-08-27 14:59:29 التعليم العالي : إعلان نتائج المرحلة الأولى لتنسيق الجامعات الحكومية الأحد

يعلن مكتب التنسيق للجامعات الحكومية أن نتائج المرحلة الأولى للتنسيق ستعلن ظهر الأحد القادم ٢٩ أغسطس في مؤتمر صحفي للدكتور خالد عبدالغفار وزير التعليم العالي والبحث العلمي بحضور الأستاذ/ السيد عطا المشرف العام على مكتب التنسيق والدكتور عادل عبدالغفار المتحدث الرسمي للوزارة ومسئولي مكتب التنسيق ومشاركة لفيف من السيدات والسادة الإعلاميين بوسائل الإعلام المقروءة والمسموعة والمرئية والرقمية.
وستعلن النتائج للطلاب عقب انتهاء المؤتمر الصحفي على الموقع الإلكتروني للتنسيق.

المركز الإعلامي
لوزارة التعليم العالي والبحث العلمي
#منقول باز کردن / نظر دهید

2021-08-24 00:19:10 ما الفرق بين كلية حاسبات و معلومات و كلية هندسة(قسم حاسبات)؟.. سؤال يطرحه الآلاف من الحاصلين على الثانوية العامة

وتعتبر كلية حاسبات ومعلومات وكذلك كلية هندسة من كليات القمة بالنسبة لطلاب شعبة علمي رياضة.
وتتواجد كلية حاسبات ومعلومات وكلية هندسة في تنسيق المرحلة الأولى للقبول في التعليم الجامعي.

ما الفرق بين كلية حاسبات و معلومات و كلية هندسة؟
بالنسبة لكلية حاسبات ومعلومات، فهي تتيح لطلاب الدراسة في تخصصات الرياضيات والخوارزميات.

كما تتيح الكلية الدراسة في تخصصات الذكاء الصناعي، والحوسبة، وآمن الحواسيب، والسوفت وير، والمحاكاه.

كما يتم دراسة الهارد وير وإنشاء الحواسيب، ومعالجات التحكم.

بينما تتيح الدراسة في كلية هندسة دراسة الإلكترونيات وإنشاء الحواسيب، وتشكيل الهارد وير، كما تتيح كلية هندسة الخوارزميات.

وتشترك كليتي حاسبات و معلومات و كلية هندسة، في عدد من المواد والتي يصل عددها إلى 30 مادة.

ويعتمد قسم هندسة الإلكترونيات على الرياضة والفيزياء ونظم البرمجة، بينما تعتمد كلية حاسبات ومعلومات على الدراسة في علم الحواسيب والخوارزميات، والذكاء الصناعي.

وتتميز كلية حاسبات ومعلومات عن هندسة في مجال الإلكترونيات والحواسيب، لأنها تهتم أكثر بمواد الذكاء الصناعي.

وكذلك تتيح كلية حاسبات ومعلوما لطلابها الدراسة في الحواسيب ومعالجة الصور، والتبصير، والنمذجة الرياضية. باز کردن / نظر دهید

2021-08-23 19:38:04 كلية نظم معلومات الأعمال BIS
بما إن كله بيسألني عن كُليتي وبقت البريمو السنادي ف أنا مش هعرف أرد على واحد واحد ف هقولكم هنا شوية معلومات عنها هي مفيش معلومات كاملة عنها جوجل ولا يوتيوب لذلك أنا حاولت أجمع شوية معلومات عنها من ناس بالفعل اتخرجت واشتغلت
كلية bis أو business information system

عبارة عن ايه؟
عبارة عن ميكس كليتين مع بعض بيزنس وحاسبات ومعلومات
نظام الدراسة فيها ساعات معتمدة بندرس ١٤٤ ساعة ٧٢ ساعة مواد حاسبات و٧٢ ساعة مواد بيزنس
هل بندرس فيها كل مواد بيزنس ؟
الإجابة: لأ
هل بندرس كل مواد حاسبات؟
الإجابة: لأ برضو
احنا بندرس اللي بيفيدنا ف مجالنا بس
طب ايه بقى مجالنا
هل ف الآخر بنتخصص ف حاجة واحدة؟
-لأ الميزة ف الكلية انها مرنة بمعنى اننا مش بنتخصص ف شي معين، خريج bis متاح له يشتغل ف كل التخصصات وف الشئ اللي هو حابه وطور نفسه فيه
ازاي؟
-يعني مثلا انت اتخرجت خلاص خلال دراستك ف الجامعة حبيت شغل البرمجيات أكتر وطورت نفسك فيها بتشتغل ف شركات برمجة
حبيت شغل المحاسبة بتشتغل ف البنوك
حبيت شغل إدراة الأعمال بتشتغل ف شركات
طب شغلك ف البنوك بيكون عبارة عن ايه برضو على حسب الشئ اللي انت قدمت فيه بتتقبل بس الشغل الأساسي إنك بشتغل ك مبرمج ومحاسب ف نفس الوقت يعني بتعمل شغل الاتنين انت اللي بتصمم البرنامج وتمليه بالبيانات يعني شغل الاتنين انت هتعمله لوحدك!
طب معلش ايه هي المجالات دي؟
1-انشاء قواعد البيانات المتخصصه
2-انشاء وتصميم وبرمجة المواقع الالكترونية
3-التجارة و التسويق الالكتروني
4-إنشاء وتحليل وتصميم النظم الادارية بمختلف انشطتها ومجالاتها
5-شركات البرمجيات وتكنولوجيا المعلومات المختلفة
6-هيكلة وتصميم شبكات المعلومات لمنظمات الأعمال
7-المحاسبة الالكترونية المتخصصة
8-قطاع نظم المعلومات فى البنوك وشركات التأمين وغيرها من قطاعات الأعمال
ده بشكل عام ودول بما يحويهم يعني ايه
بشكل خاص ف انت ممكن تشتغل مهندس بيانات أو محلل بيانات أو تصميم برامج وتطبيقات أو محاسب أو مطور قواعد بيانات أو مطور تطبيقات ويب أو مهندس برمجيات أو مهندس دعم أو محلل أمني أو مهندس أمن شبكات أو مختبر اختراق نظم أو أخصائي أمن معلومات تقني أو حاجات تانية كتير زي ما قولنا على حسب بتطور نفسك ف المجال اللي انت حابة
طيب هل الدراسة ف الكلية كافية إني لما أتخرج أشتغل على طول؟
-أكيد لأ ،احنا ف الكلية بناخد أساسيات بس وانت وشطارتك بال self study تكمل وتطور من نفسك
آينعم محتاجة شغل جامد على نفسك بس الكلية عظيمة جداً ف مجالاتها حتى لو لسه مش اتعرفت أوي لإنها لسه جديدة ومش موجودة غير ف أربع أماكن ف مصر ده غير إن الشركات والبنوك سواء جوه مصر او برا بتطلب خريج bis بالاسم
موجودة فين ؟
-موجودة في حلوان وطنطا وقناة السويس وأسيوط
شروط القبول؟
-بتختلف من جامعة ل جامعة
بس السنين اللي فاتت كانت بتاخد من ٩٢% ودرجتك ف الانجلش تكون ٤٥ فيما فوق ف جامعة قناة السويس ومن ٤٠ فيما فوق ف الزمالك وطنطا
المصاريف كام؟
بتختلف برضو من جامعة لجامعة بس ف رينج من ١٨ ألف ل ٢٤ ألف طبعا ده على حسب السنين اللي فاتت، السنة دي لسه منزلوش الشروط ولا المصاريف
بتقدم ازاي؟
-لو جالك ف التنسيق أي كلية وانت عايز تروح bis بتعمل تحويل ورقي عادي وتروح تقدم ف الأماكن اللي الكلية فيها يعني مش لازم تكون ف نفس المحافظة
أو بتختار تجارة ف أى محافظة وبعد كده بتعمل تحويل ورقي ليها عادي جدا ف المكان الأقرب والأنسب ليك
طبعاً مش عايزة أدخل ف تفاصيل قد ايه بيعاملونا إننا مش ناس عادية وقسم مميز والمبنى نضيف جدا جدا وزي الكليات الخاص بالظبط بالرغم إننا حكومي عادي واهتمام جدا ودكاترة من كلية حاسبات وبيزنس ومن الآخر كده أى حد تشوفه رايق وشكله ابن ناس كده ف إعرف ع طول إنه ف bis
عايزة أقول إن أول ما دخلتها كله فضل يقولي يعني ايه بجا هيهيهيهي ده لإنها مكنتش معروفة نهائي وفعلا أنا مكنتش أعرفها قبل كده بس الحمدلله كل سنة بتتعرف أكتر وأكتر وقيمتها بتظهر أكتر وبس كده سيبك من أى حد يحبطك ويقولك لا محصلين تجارة ولا حاسبات لإن الكلام ده غلط وزمايلنا وصحابنا اللي اتخرجوا عرفونا الوضع والنظام بيكون ايه واشتغلوا فين وكل ده ف متركزش مع كلام الناس السلبية
#منقول باز کردن / نظر دهید

2021-08-22 00:08:47 الآن يمكنكم التقديم مجاناً على إعادة فحص أوراق إجابة امتحانات #الثانوية_العامة من خلال هذا الرابط الالكتروني:
https://tazalom.emis.gov.eg/

يستمر قبول الطلبات لمدة أسبوع ويتم ارسال نتائج الفحص حتى ١٣ سبتمبر القادم.

يتضمن الفحص التحقق من نسبة ورقة الإجابة لصاحبها + التأكد من تصحيح كل الاسئلة + التأكد من الرصد الصحيح للدرجات + التأكد من مطابقة نموذج الإجابة للورقة الامتحانية،كما يعاد تصحيحها يدوياً اذا تطلب الأمر.

سوف يتسلم الطالب نتيجة الفحص إلكترونيا موضحاً فيها سلامة الورقة ونسبتها اليه والدرجات الحاصل عليها وكذلك نسخة إلكترونية من ورقة اجابته المصححة ليطمئن بنفسه على سلامة التصحيح. كما أن قبول طلبات إعادة الفحص مجاناً هذا العام للتيسير على أبنائنا الطلاب.

سوف تنشر الوزارة نماذج الاجابات ونواتج للتعلم للمرحلة الثانوية مع مطلع العام الدراسي الجديد باذن الله.

#نتيجة_الثانوية_العامة
#الثانوية_العامة_٢٠٢١ باز کردن / نظر دهید

2021-08-21 01:32:51 طلاب الثانوية ركزوا كويس جدا فى الكلام علشان فى لبس فى الموضوع كبير عند ناس كتير

- أولا المرحلة الأولــــى فتحت كتابة رغبات مش نتيجة تنسيق نركز فى الكلام كتابة رغبات يعنى هتدخل تكتب 75 كلية من غير ماتعرف كل كلية واخده من كام بترتبهم حسب ميولك وحسب التوزيع الجغرافي هتلاقى فيديوهات كتير عن كتابة الرغبات على يوتيوب وانا منزل بوست برضوا فى شرح الخطوات

-ثانيا كتابة الرغبات هتستمر أيام معرفش كام يوم بصراحه بعدها الموقع هيقفل وبعدها بيومين أول تلاته هتلاقى الموقع مكتوب عليها نتيجة تنسيق المرحلة الأولى ساعتها بس هتدخل برقم الجلوس والسرى هتلاقى نفسك مقبول فى كلية

- ثالثا بعد مانتيجة تنسيق المرحلة الأولى تظهر مش هنعرف كل الكليات خدت من هنعرف بعض الكليات ليه ؟ الكليات اللى بتكتفى من المرحلة الأولى هنعرف خدت من كام زى الطب هنعرف اخد من كام لانه مبينزلش مرحلة تانية , لكن اى كلية هتنزل مرحلة تانية مش هنعرف خدت من كام لان النسبة اللى قبلت فيها فى الأولى غير التانية غير التالتة

- رابعا كل الكليات كلها مفتوحة فى المرحلة الأولى اى كلية متخيلها موجوده فى الأولى فى بعض الكليات بتكتفى فى الأولى ومبتزلش تانية والبعض بينزل تانية وتالته , يعنى نعرف ان كل الكليات موجوده الوقتى على موقع التنسيق

- خامسا مينفعش تقول لحد الوقتى الكليه خدت من كام احنا الوقتى بنكتب رغبات مش هنعرف نسب غير لما نتيجة المرحلة الأولى تظهر ساعتها نعرف الطب اخد من كام وكدا و كل دا مجرد توقعات يعني الدرجات دي ممكن تقل أو تزيد حاجات بسيطة

- سادسا دى المراحل اللى هتمر بيها فى فتره التسيق :-
1- كتابة رغبات المرحلة الأولى
2- نتيجة المرحلة الأولى
3- تقليل أغتراب وتحويل المرحلة الأولى " ممكن الخطوه دى متحصلش والوزاره تفتح تقليل اغتراب المراحلة الأولى مع التانية "
4- كتابة رغبات المرحلة التانية
5- نتيجة تنسيق المرحلة التانية
6- تقليل أغتراب وتحويل المرحلة التانية
7- كتابة رغبات المرحلة التالتة والدور التانى
5- نتيجة تنسيق المرحلة التالتة والدور التانى
6- تقليل أغتراب وتحويل المرحلة التالتة والدور التانى

سابعا :- الناس اللى بتسأل على ازى اجيب الرقم السرى المفروض من المدرسة يا شباب باز کردن / نظر دهید