2021-07-24 02:24:59
أبطال الثانوية
بكرة بإذن الله عاوزك تكون هادي وواثق من نفسك
انت تعبت جامد طول السنة والفترة دي وذاكرت بقدر إمكانك
ان شاء الله ربنا هيوفقك ويكرمك
شوية حاجات تعملها اول ماتستلم ورقة الاسئلة
١- تخبي كل الاسئلة وتشوف السؤال الاول بس .. وبعدين تمشي في الورقة سؤال سؤال ، متشتتش نفسك انك تبص على اكتر من سؤال في نفس الوقت
٢- السؤال حليته وعرفت فكرته تمام جدا خش على اللي بعده ، السؤال لسه هيطول معاك وهتفكر فيه .. سيبه وخش في اللي بعده و ارجعله في الاخر
٣ - علم في البابل شيت بالقلم الرصاص وانت بتحل في نفس الوقت علشان الوقت ميسرقكش وتكون لسه معلمتش في الاخر
٤ - اوعاااك تغش
٥ - خليك راسي وانت بتحل كدة وماتتسرعش
٦- اوعى لما تشوف سؤال عارفه أو شوفته أو حليته قبل كدة تروح تختار الإجابة اللي كنت عاملها قبل كدة ، لا
اهدى على حالك واقرأ السؤال كويس جدا وفكر فيه علشان تختاره وانت على يقين بالإجابة
٧ - السؤال اللي هياخد منك وقت سيــــــبه وخش في اللي بعده وارجعله في الاخر
٨ - ماتغشش ولا تعشش
٩ - خلصت امتحانك ؟ ماتراجعش ، روح على بيتكم ارتاحلك ساعتين تلاتة واصحى للمادة الجاية
فل اوي كدة
ركزوا يا شباب وانتوا قدها
ومهما حليتم انا فخور بيكم
بالتوفيق ليكم يارب
1.6K viewsAbdallah Ahmed, 23:24