🎓فيزياء🎓تالتة ثانوي⚡zakir⚡

2021-08-06 18:57:45 #سلسلة_تعريف_الكليات
#كلية_ألسن

- طبعا كلنا عارفين جوجل ترانزليشن
- بنثق فيه؟
- لا

الكليه ال بتحل محل جوجل ترانزيليشن وال كان اسمها كلية
اللغات والترجمة وبعد كده بقت 《الألسن》

الكلية موجودة في كذا جامعة في مصر هما عين شمس والمنيا وكفر الشيخ وأسوان وسوهاج وبني سويف واسماعيلية و الاقصر《جنوب الوادي》 و من الخطط إنها تفتح في اسكندرية بس امتى تحديدا ؟
- مفيش خبر أكيد

الكلية بتقبل من أدبي وعلوم علمي ورياضة....

الكلية دي هدفها الاساسي هو الترجمة يعني مش زي آداب .. مش مجرد بتدرس لغة بتعمق وخلاص .. يعني الجزء العملي فيها اكتر ومناهجها متطورة اكتر و متماشية مع متطلبات السوق في مجال اللغة .. هتعجبك جدا يعني ..

- الكلية اربع سنين وبعد الأربع سنين بتاخد ليسانس الألسن
نظامها إيه؟
- بعد ما بتدخل الكلية بيبقى في حاجة إسمها تنسيق داخلي ودي بتختلف من جامعة لجامعة ومن سنة للتانية فمنقدرش نحددها

إيه هو التنسيق الداخلي؟
- هو النظام ال بيحدد نسبة القبول في كل قسم من أقسام الكلية و بيختلف من سنة للتانية ومن جامعة للتانية مفيش مقدار ثابت فيه

هنتكلم بالتفصيل شوية عن ألسن عين شمس باعتبارها أكتر كلية فيها أقسام

اقسامها ايه بقي..
بص يا سيدي ..عندك..
اول قسم قسم عربي وده بيتقسم لجزئين
جزء للعرب اللي اصلا بيتكلموا عربي
وجزء للأجانب اللي لسه بيتعلموا عربي وبيدرسوا ازاي يتقنوا اللغه ومتبقاش مكسره عندهم

تاني قسم وهو انجليزي ..غني عن التعريف بس يلا مش مشكله.. ده هتدرس فيه اكيد انجليزي .. اه سبحان الله يعني مش محتاجة اهو ..

بعد كده قسم فرنساوي .. نفس الكلام يا باشا مفيش جديد

وعندك بعد كده قسم ايطالي والماني واسباني

وفيه قسم اللغات السُلافية .. ال ايه؟ استني انا هفهمك ده عباره عن شعبتين
شعبة الروسي و الشعبة التشيكية

تامن قسم قسم الصيني

وفيه كمان قسم اللغات الأفريقية ودي برضه بتتقسم لحاجتين:
اللغة السواحيلية ولغة الهوسا

وفيه قسم اللغات السامية اللي هي العبرية

وقسم اللغات الشرقية الإسلامية الي هو فارسي وتركي

واخر قسمين قسم الياباني .

وقسم الكوري .

- والاقسام ديه كلها هتلاقيها في السن عين شمس أما باقي المحافظات فبتختلف في عدد الأقسام وأنواعهم

والاقسام دي كلها في منها الصعب والسهل ..وال اكيد ان الصعب عند حد سهل عند غيره .. فالموضوع نسبي جدا .. وبيختلف من قدرات شخص للتاني .. فما علينا من حكاية سهل وصعب ديه وخلينا نقول ان الاغلب والمتفق عليه ان قسم الكورى واليابانى هما الاحسن كمنهج تعليمي وكنظام ومبيخلوش حد مصري يدخل في نظام القسمين دول.. وهما بردو اعلى اقسام من ناحيه التنسيق الداخلي..

وبعدهم هتلاقي قسم انجليزي وروسي ودول اقسام حلوة برده .. وصيني هتلاقي معاك في الجامعه طلبه صينين فهتمارس اللغه معاهم وتحس كأنك في الصين .. فديه ميزه حلوة في القسم ده وتتضاف لصالحه.. وممكن يعني قسم انجليزي هو الي تلاقي مثلا الطلبة بتعوه بيتعبوا فيه شويه

الكلية بتبقي عامله تنسيق تاني داخلي عشان على اساسه تحدد الناس الي هيدخلوا كل قسم .. فانت بتكتب رغباتك وانت عايزه تدخل قسم ايه
والكلية بتختار القسم الي يناسب مجموعك

طيب نيجي بقي للتنسيق الداخلي بالتفصيل .. وايه الشروط عشان تتقبل في اي قسم ..
وخلينا نتفق ان الشروط الي هنقولها ديه بتتغير من سنة للتانية يعني ممكن تزيد او تقل درجه..
وعموما وقبل ما تقدم في الكلية هتلاقي الكلية بتعلن عن شروط كل قسم

فنبدأ بقسم فرنساوي وبيقبل ال كان بياخد فرنساوي من ابتدائي يعني بمعنى أصح خريج مدارس فرنسية

اما قسم ايطالي فبيقبل اللي واخدينه كلغة تانية من غير اي حد أدنى، وبرضه بيقبل اللي واخدين الفرنساوي كلغة تانية بس علي الاقل يكونوا مش جايبين فيه اقل من 40 درجة《وممكن تقدم ألتماس لو عدد الطلبة في القسم والسنة مش كبير 》

الإسباني يا سيدي بقي بيقبل اللي واخدينه كلغة تانية من غير حد أدنى وال واخدين الفرنساوي كلغة تانية بس ميكونوش جايبن اقل من 40 وبردو《 ممكن تقدم التماس 》

قسم برتغالي
هو قسم لسه فاتح جديد السنة الفاتت كانت أول سنة ليه كان موجود قبل كده بس كلغة تانية بس ولكن حاليا بقى متاح كلغة أولى وتانية

وقسم الالماني بياخد اللي درسوه كلغة تانية بس يكونوا جايبين علي الاقل فيه 39 .. او ال درسوه كلغه اولي .. ولو كان فيه ناس كتير متقدمين للقسم ده فبيفضلوا طبعا الي واخدينه كلغه اولي وبعدين الي جاييبين اعلي درجات فيه كلغه تانيه في ثانوي

وقسم اللغات السلافية .. فالشعبة الروسية بتقبل بس الي كانوا واخدين الانجليزي لغة اولى وجايبين فيه على الاقل ٤٦ .. بس في المقابل شعبة لغة تشيكية مفيهاش الشرط ده

نيجي لقسم اللغات السامية 《ال هو العبري يعني》 باز کردن / نظر دهید

2021-08-06 18:54:24 #كلية_الصيدلة
خلال عمرك كله أكيد مرت عليك خناقة قوية جدا وهي هل الصيدلي بياع ولالا؟
- تعالوا نشوف يعني إيه صيدلي ويعني إيه كلية صيدلة وهنسيبلكم انتوا القرار يلا بينا
لو حابب تدرس تكوين الأدوية وازاي تقدر تتعامل مع كل حالة مرضية بنوع علاج مختلف يبقى ده مكانك
ناس كتير هتقولك إنت فاكر يعني إنك أنت ال هتخترع الدوا ده إنت يدوب بس بتعرف المكونات
- طب السؤال هنا حضرتك ما أنا لما هعرف المكونات وهعرف إيه ال بينفع مع كل حالة مش ممكن أطور دوا يزيد فعالية تأثيره؟
كلية صيدلة بتجمع بين 3 كليات في كلية واحدة لأنك فيها بتدرس مواد من علوم زي 《الكيميا العضوية والغير عضوية والتحليلية والفيزيا وغيرهم》
وبتدرس كمان مواد من طب زي 《أناتومي وهيستولوجي وفيسيولوجي》
ده غير مواد كلية صيدلة نفسها اصلا
كلية صيدلة في منها أنواع كتير بس المتعارف عليه في مصر هي الصيدلة ال general ومؤخرا ظهر قسم جديد في مصر هو ال clinical
طيّب إيه قسم clinical ده ؟
- كلينيكال :
يُعتبر قسم خاص في الكلية بيتدفعله مصاريف كل سنة والمصاريف بتختلف من جامعة لجامعة ومن سنة لسنة
- بالنسبة للدراسة فأنت في القسم ده بتدرس مواد قسم جينيرال عادي + مواد من طب متقسمة على 3 سنين لمواد جينيرال + 2 سنة مواد من طب
- أما الشغل بقى ففي الأغلب بيبقى في مستشفيات والصيدلي الكلينيكال كمان بيدخل غرفة العمليات مع الدكتور البشري بحيث إن الدكتور البشري يشخص الحالة والصيدلي الكلينيكال يكتب الدواء ويتابع حالة المريض ويحدد الجرعات كمان
- بتدخلها بمجموع صيدلة العادي وبعدها بتبدء تحدد إنك عايز قسم كلينيكال وده بردو بيتوقف على الجامعة هل ليها شروط ومعايير مختلفة في قبول طلاب القسم ده ولالا
《ده بتعرفه لما بتروح تقدم في الكلية نفسها》
مواد كلية صيدلة :
- أول سنتين بتدرس مواد عامة وأساسيات كمان بتدرس مواد ممكن تساعدك في إدارة صيدلية او شركة أدوية كمان لو فكرت تفتح بيزنيس خاص بيك بجانب أساسيات في الكيمياء وغيرها من المواد
- في سنة 3 بتبدء دراسة صيدلة حقيقي فبتبدء تجرب الأدوية والجرعات وفاعليتها على عينات حية وحقيقية زي الضفادع والفئران
طب نظام الدراسة بيبقى عامل إزاي؟!
- نظام الدراسة في صيدلة زي أغلب كليات مصر للاسف مش بتديك المعلومات الكافية ال تقدر تواجه بيها سوق العمل فيما بعد و طبعا بتنقسم لجانب عملي وجانب نظري والجانب النظري محتاج فهم أكيد بس محتاج حفظ بردو
- لذلك مَتتخيلش إنك هتدخل تستريح في صيدلة، الكلية من أكتر الكليات ال محتاجة مجهود .
- انتَ بتمتحن كتير على كل حاجة كويزات على النظري العملي وشيتات وشفوي وامتحانات بتستمر لغاية الفاينال، طول السنة امتحانات
- الفاينال هوَّ الأهم وعليه أكبر نسبة، إنما انتَ كل امتحان بتمتحنه بيكون عليه نسبة من التقدير الكلي.
صيدلة أساسها العملي لذلك هي كلية عملية من الدرجة الأولى، بتتعامل فيها مع معامل وعينات وأدوية ولازم تحضرهم عشان تقدر تفهم ده غير إن حضورك عليه درجات
كمان امتحانات الشفوي مهمة لأن الدكتور لازم يتأكد إنك بتعرف تتكلم وتتعامل مع الحالة لإن شغلك كله هيبقى مباشر مع المرضى
《عشان كده بنقولك ذاكر وأحضر السكاشن عشان تعرف تدينا دواء صح لما نتعب 》
المواد ال بتدرسها هتفيدك كأساسيات لشغلك بعد كده، لكن لوحدها مش كفاية زي ما قولنا فوق بنقولك تاني دور واقرأ وابحث عن مصادر بنفسك
بعد التخرج انتَ متاح ليك شغل كتير مش بس تقف في صيدلية لا انتَ ممكن كمان تشتغل في شركة أدوية سواء كان في الرقابة على الدواء أو كمندوب مبيعات للدواء و وممكن تشتغل في مصنع أدوية أو في مستشفى
- كمان الشغل في مجال التدريس في الجامعة متاح أكيد وأنت وشطارتك
- لو حبيت تشتغل شغل كلينيكال كمان تقدر تعمل دبلومة بعد التخرج
يُقال إنه ممكن من صيدلة تشتغل شغل بايوتيكنولوجي باعتبارهم في نفس محيط المجال بس الحقيقة إحنا معندناش معلومة أكيدة عن ده بس ممكن تبحث عنها لو حابب
ممكن أي حد يشتغل في صيدلية ويتعامل مع مرضى ويديك الدواء ال الدكتور بيكتبهولك في الروشتة بس مش أي حد يقدر يعرف الدوا ده بيشتغل جوا جسمك ازاي ولا ممكن تبقى خطورته وال side effects بتاعته إيه
وإيه الأدوية ال مينفعش تاخدهم في نفس الوقت كل دي معلومات ميعرفهاش غير الصيدلي
صيدلة كلية ليها أهميتها ومحدش يقدر يستهين بيها لو بتحبها ومقتنع بدراستها فهي بترحب بيك جدا وبتتمنالك التوفيق والتقدم
ها دلوقتي تقدر تقولنا الصيدلي بياع ولالا؟ باز کردن / نظر دهید

2021-08-06 18:53:46 #كلية_الهندسة
أصعب كلية في مصر معايا ؟
- أيوه اتفضل حضرتك
اعرف منين إذا كنت مناسب ليكي ولالا؟
- لو انت بتحب الرياضة والفيزيا فحط هندسة رغبة أولى
ولو بتحب التفكير و الإبداعي خصوصا بردو حط هندسة رغبة أولى أما بقى لو بتحب الفيزيا والرياضة والكيميا شوية فبردو تعمل ايه؟ تحط هندسة رغبة أولى
هندسة من الكليات ال بتتطلب مذاكرة ومجهود كبير لأنها بتعتمد على حل المشكلات
*نظام الدراسة:
5 سنين دراسية.. أول سنة إعدادي و 4 سنين تخصص.
في إعدادي بتدرس نفس مواد ثانوي مع بعض الإضافات طبعا في كل مرة ما أنت بقيت مهندس أد الدنيا
- هتدرس فيزيا وميكانيكا ورياضة ودول مواد أساسي معاك
- هتدرس رسم هندسي وهتتعلم إزاي تستخدم 《T》 في الأول هتحس إنه صعب لكن بالوقت بتتعود
- هتدرس مادة برمجة وهتتعرف فيها على حاجات جديدة زي السي ++ أو الماتلاب
- هتدرس مادة إنتاج ودي مادة نظري ولكن بتنزل فيها ورش وبتشوف ماكينات لأول مرة في حياتك
في آخر إعدادي بتحدد القسم ال نفسك تكمل فيه وطبعا تقديرك في إعدادي هو ال بيحدد إذا كنت هتقبل في القسم ده ولالا، ومش معنى أن القسم تقديره عالي يبقى هو صعب، لا خالص هو الإعتماد بيبقى على عدد ال عايزين يدخلوا القسم والعدد ال القسم بيستوعبه من الأساس
بعد كده التخصص بيبدأ من تاني سنة، وفي السنة التالتة بقى بيحصل عملية التشعيب وهى اختيار شعبة أو فرع جوا القسم ال أنت اختارته قبل كده
مثال : 《طالب هندسة إختار في سنة أولى قسم كهربا وفي سنة تانية قرر إنه هيدخل إتصالات وهي شعبة من كهربا 》
وفي جامعات بيكون التخصص في القسم في سنة اولى 《مثال أولي كهربا باور》 زي هندسة المنصورة.
طبعا تقسيمة الأقسام والشعب او التفريعات بتختلف من جامعة لجامعة بس إحنا بنتكلم هنا عن الأصل والأساس
*أقسام هندسة مش كلها موجودة في كل الجامعات
لكن فيه 4 أقسام مشتركين تقريبا بين كل الجامعات، وهما:
《عمارة- مدني- ميكانيكا- كهرباء.》
قسم مدني :
الهندسة المدنية قسم شهير من اوائل اقسام الهندسة، بيتشعب وبيتفرع ل :
هندسة طرق وكبارى، انشاءات وتشييد، خرسانة ،هندسة صحية، هندسة الرى المساحه، هندسة المواد.
المواد الاساسية《 الرسم الهندسى، ماده اسمها Structure》 ، ومن كل قسم بتدرس مادة ..لكن المواد الاساسية اللى هتكمل فى كل السنين تقريبا المادتين دول.
المهندس المدنى هو اللى بيقوم بتصميم وتنفيذ المنشآت، المهندس المدنى يقدر يشتغل حر او فى مكتب انشاءات او التوظيف فى شركات المقاولات.
قسم عمارة :
قسم بيربط بين الهندسة والفن
عمل المهندس المعمارى عملية إبداعيه ازاى تطوع كل القدرات الهندسية اللى عندك عشان تطلع نتيجة جميلة، هو مكمل لعمل المهندس المدنى، 《وناس كتير بيحصل عندها خلط بين الاتنين رغم إنهم مختلفين عن بعض جدا》كمان المهندسين المعماريين بيهتموا بترميم المبانى التراثية.
قسم كهربا :
بيعتمد على الفيزياء يعنى عشان تدخل كهربا لازم تكون متميز وبتحب الفيزياء والرياضيات لأنهم أساس الدراسة فى القسم.
فروع أو شعب الهندسة الكهربية :
1-الاتصالات .
2-التحكم.
3-القدرة.
4-حاسبات.
قسم ميكانيكيا :
يعتبر من أجمل الأقسام في هندسة الا انه من الأقسام اللي محتاجه جهد وجدية في العمل ومذكرة كتير أكتر من الأقسام التانية ومحتاج إن دماغك تبقى شغالة طول الوقت
- ميكانيكا فيها فروع: باور، إنتاج، سيارات، ميكاترونكس.
(ميكاترونكس يعتبر قسم خاص، والميكاترونيكس بيربط بين عدة علوم وتخصصات فى فرع واحد وهى الميكانيكا والكهربا والالكترونيات البرمجة وهندسة التحكم والتصميم) يعني 6×1
بعض الجامعات بتبقى الفروع دي أقسام منفصلة، يعني التخصص على طول بيبقي حاسبات، من غير كهرباء زي القاهرة مثلا زي ما قولنا قبل كده كل جامعة بتطبق نظامها الخاص بيها
فيه أقسام تانية مش موجودة في كل الجامعات زي:
تعدين وبترول《ليهم كلية لوحدهم ده غير إن ليهم قسم لوحدهم كمان 》
وكيمياء وأجهزة طبية وطيران وفضاء وغزل ونسيج.
- بعد إعدادي بتعرف كل التفاصيل عن الأقسام.
كلية هندسة كلية ممتعة جدا ل ال دماغه فيها، الكلية مش صعبة ومش سهلة.. الكلية محتاجة مجهود عالي، لو مش داخلها عن رغبة قوية منك هتتعب فيها جامد.
- بنسمع كتير ناس بتقول إنت بتدخل هندسة متعرفش هتخرج منها ولالا الكلام هيبقى حقيقي لو مذاكرتش ومنظمتش وقتك ومبذلتش المجهود ال الكلية تستحقه وعموما الكلية بتفيدك في حياتك بعد كده بتعرفك إزاي تنظم وقتك وحياتك وده كله هتكتشفه بالممارسة
وعلفكرة سهل تجيب فيها تقدير، وسهل تخلصها في خمس سنين بالظبط، وتتخرج منها سليم لكن الرغبة والإرداة ليهم عامل كبير في كده.
في النهاية دي أصعب كلية في مصر يا عم أنت بتقول إيه؟ باز کردن / نظر دهید

2021-08-06 17:43:23 النتيجة لازم قبلها مؤتمر صحفي (يعني سيبك من كلام السوشيال ميديا) باز کردن / نظر دهید

2021-08-06 17:37:56 دبلومة تربوي عشان تبقى معادل لخريج كلية تربية

السفر لبلد اجنبيه هيبقي سهل عشان معاك اللغه وتقدر تلاقي منحه كويسه ان شاء الله لو دورت كويس

الدراسه في قسم انجليزي لغويه وادبيه
- يعني ايه؟
- اللغوية يعني الاهتمام بالقواعد و صوتيات
- الأدبية بيهتم بكل جوانب الأدب من شعر و قصة و دراما و أدب عالمي
《 عشان كده بنقولك ادخله احسن عن حُب》

نيجي لباقي أقسام اللغات ودي ليها أكتر من مجال:

- تقدر بعد التخرج تشتغل مدرس في أي مادة فيهم حسب قسمك لو عايز تدرِّس

- التعيين في أغلب الأحيان بيحتاج دبلومة تربوي بعد الكلية لو حكومي، لكن لو خاص مش شرط.

- ممكن تتشغل في الترجمة، أو الترجمة الصحفية، أو الارشاد بعد دبلومة.

- تقدر تحترف تدريس اللغات للخريجين في مراكز الكورسات وده شغل كويس جداً

قسم علم النفس:

- تقدر تختار مجال شغلك كلينيكال وتشتغل في مستشفيات ومراكز 《للاسف قسم كلينيكال مش موجود غير في جامعتين بس وبمصروفات》

- تقدر تكمل دراستك في تخصص انت حابه بره مصر، وممكن تبدأ تقرأ وتسأل فين من اول سنة كلية، عشان علم النفس عموماً تخصصاته وشغله بره أكتر وأحسن ومتقدر كتير عن مصر، وساعتها تقدر تكون معالج نفسي هناك برضو بس مجالك أكتر تخصصاً عن هنا. لأنك هتتخصص في مجال واحد من مجالات علم النفس المتعددة

- تقدر تكمل دراسة زي طِب وتشتغل على نفسك وتجتهد وتعمل برّه مصر أو جواها master في counseling psychology، وتكون محلل واستشاري نفسي

- مجالات علم النفس محتاجة صبر عشان توصل، ومحتاجة إنك تجتهد من أول سنة في الكلية ومتكتفيش بدراستك في الكلية، تحاول تقرأ معلومات عامة وتزوّد من معرفتك بالمجال ده

- قسم زي آثار بيشتغل في الارشاد وشغل سياحة

- قسم جغرافيا بقي أ كتر قسم في اداب بيقي فيه عملي شويه

الدراسة فيه بتبقي علي مجموعات من المواد اللي بتخدم تخصص علم الجغرافيا زي :
- مجموعة الجغرافيا الطبيعية
- مجموعة الجغرافيا البشرية و المواد البيئية
- مجموعة المواد التطبيقية والخرايط والمساحة .

ومجالات الشغل كويسه وبتكون زي :
- ادارت التخطيط في المحافظات
- شركات التعدين والمقاولات العامة
- هيئات الموارد المائية والبيئية
- مصلحة الارصاد الجوية
- هيئات النقل والمواصلات
- الجهاز المركزي للتعبئة العامة والاحصا
- والتدريس طبعا

بالنسبه لقسم اعلام ف هو مش محتاج شرح حاجة غني عن التعريف :

- في آداب نقدر نقول كويس وخصوصا اداب عين شمس وفي كلام انه هيبقي قسم لوحده زي اعلام القاهره كده

- بتتخصص ف تالت سنه صحافه او اذاعه وتلفزيون او علاقات عامه مفيش فرق كبير بين قسم اعلام وإعلام ككلية غير إن جزء النظري شوية في آداب كتير وبيحاولوا يحسنوا مستواه ويقدر خريجه ياخد كورسات ويجتهد ويشتغل في الصحافة والاعلام عموماً

ممكن خريج أي قسم يشتغل في أي مجال بعد الكلية حتى لو بره القسم والتخصص ال درس فيه، لكن دراسته مثلاً لو لغة، هتفيده في الشغل وفرص السفر اكتر بكتير جداً من لما يكون درس في قسم تاني

وحط قدامك دايما انك لو مشتغلتش على نفسك كويس في سنين الكلية واخدت كورسات وتطورت من نفسك في مجالك هتندم كتير بعد ما تتخرج وتلاقي نفسك مطلعتش غير بشويه كلام نظري

باقي أقسام الكلية كتيرة، وكذلك مجالات شغلها احنا حصرنا بس المجالات المنتشرة والمعروفة ما بيننا، لكن ال يدوّر هيلاقي أكتر من كده

في النهاية أنت بطل الأبطال عشان قدرت توصل لآخر البوست منغير كلل أو ملل

بالتوفيق ليكم في حياتكم الجامعية والمهنية فيما بعد باز کردن / نظر دهید

2021-08-06 17:37:56 #سلسلة_تعريف_الكليات
#كلية_آداب

كلية من أهم كليات مصر لأنها شامله كل كليات مصر
- ازاي الكلام ده؟
- تعالى واحنا هنقولك ازاي

《كلية الآداب والعلوم الإنسانية 》

بتجمع بين حاجات كتير عندك مثلا لغات، وبين مواد تانية ادبية زي《 تاريخ وجغرافيا 》والفن زي 《الدراما المسرح وغيرهم كتير》 باختلاف الجامعات

- وغالباً بيكون تنسيقها مش عالي، عشان كده بترضي طلبة كتير وبيحبوا دراستها

كلية آداب للعلمي بشعبتيه، و للأدبي طبعا

الكلية ٤ سنين، من أول سنة بتحدد قسمك ال عايز تتخصص فيه بعد التقديم على طول وهنشرحلك بيكون ازاي، بس الأول نتكلم عن الأقسام المتاحة

عندك أقسام لغات زي:
《 عربي، انجليزي، فرنساوي، الماني، اسباني، ايطالي، صيني، ياباني ،فارسي، عبري، تركي، أردو *الاربع اقسام ال في الآخر دول اسمهم لغات شرقية*》

كمان عندك أقسام زي:
《علم نفس، علم اجتماع، فلسفة، تاريخ، جغرافيا، اعلام، آثار، ارشاد، دراما ونقد مسرحي ، مكتبات ومعلومات 》

- بتختلف الأقسام من جامعة لجامعة، بس دي غالباً كل الأقسام المتاحة في اغلب جامعات مصر الحكوميه.

بعد تنسيق الجامعات ما بيظهر وتترشح لكلية آداب وتقدم، بيكون عليك انك تكتب رغبات للأقسام ال نفسك تدخلها حسب أولوياتك. مثلاً تكتب أول رغبة آداب انجليزي، لو مجاتلكش تكون تاني رغبة فرنساوي، التالتة علم نفس وهكذا، حسب التنسيق الداخلي للكلية وحسب رغبتك

قبل كتابة الرغبات بينزل في الكلية شروط دخول كل قسم، بمعني مثلاً ييعملوا حد أدني لكل قسم بالنسبة لدرجات ثانوية عامة اللي هو مثلاً انجليزي بيعملوا شرط القبول ان درجتك في انجليزي ثانوي تكون أعلى من 48 《وده مجرد مثال》

- وفيه أقسام تانية بتعتمد على مجموع درجات اللغات زي اعلام مثلاً

- وفيه أقسام بتعتمد على المجموع الكلي في ثانوي

- وأقسام بتعتمد على المجموع الكلي بالاضافة لمجموع مواد معينة في ثانوي 《فيما يعرف بالمجموع الإعتباري》

الشروط بتختلف من قسم لقسم ومن سنة لسنة طبعا وبعد التقديم إن شاء الله هتقدر تعرف ايه الاقسام اللي تناسبك وتختار منها.

طيب نتكلم عن الدراسه ذات نفسها

《في أقسام اللغات》 :
بتدرس لغة، ومواد أدبية، وتاريخ، ومواد فرعية.

- نتكلم عن المواد الفرعية:
بتكون لغة جانبية من اللغات الاوروبية، لاتيني او فرنساوي او الماني بالاختيار *في بعض الجامعات* وعربي وحقوق إنسان.

- بعض المواد بيكمل معاك للآخر ومواد بتفضل معاك لحد سنة تانية بس زي اللغة الأوروبية

- التاريخ: على حسب لغتك بتدرس تاريخ اللغة وتاريخ الدولة بتاعتها، وحضارتها. مبيكونش جزء كبير، ومش في كل سنين الدراسة.

- المواد الأدبية: أدب، دراما، ورواية ومسرحية و مفاهيم الأدب وتاريخ الأدب《 بعض المواد دي بتفضل معاك برضو لحد الآخر》

- اللغة:
بتدرس فيها اللغة في حد ذاتها من حيث:
الصوتيات الفوناتكس
واللغويات
والترجمة
والحاجات اللي تعلّي مستوى اللغة كلغة متعارف عليها زي المقال مثلاً

دي كل المواد الدراسية تقريباً، أول سنة بتدرس فيها الاساسيات اللي قولنا عليها دي كلها، بعد كده في مواد بتستمر معاك ومواد بتنتهي في سنة1 أو 2 أو غيرها

الدراسة في أقسام تانية زي علم نفس وفلسفة وتاريخ وجغرافيا وكل الاقسام الباقية بيكون فيهم برضو مواد فرعية زي لغة بالاضافة لمواد عامة بيدرسوها عن القسم ومواد متخصصة في القسم نفسه..

من الحاجات الحلوة في الدراسة في الكلية دي انها مبتقفش على الحفظ والصم زي ما معروف عنها، بالعكس، الدراسة فيها بتكون زي معلومات عامة انت حابب تعرفها عن القسم اللي حبيت تدخله، وبيتطلب منك أبحاث ونشاطات تزوّد من ثقافتك ومعلوماتك ودرجاتك طبعا

الدراسة مش صعبة ولا سهلة هي علي حسب القسم، بس عموما هي ممتعة جداً لو انت حابب المجال وده هيهوّن عليك اوي

نظام دراسة الأقسام صعب نشرحها كلها لأنها بتختلف من جامعة للتاني بس ممكن تدخل علي موقع الجامعه اللي انت حابب تدخلها وتشوف تفاصيل القسم ال أنت عايزه

نيجي بقي الكلام اللي مستنيينه
مستقبلك وشغلك
- هطلع من الجامعه اقعد فالبيت؟
ان شاء الله لأ

نبدأ بقسم الانجليزي
يعتبر قسم اللغة الانجليزية من الأقسام ذات الأهمية الكبيره و ده لارتباطه الكبير بسوق العمل

- لو انت ناوي تدخله تعرف انه لازم يكون عن حُب!
اصل انت هتدرس تاريخ اللغه نفسها ف انت فعلا لو داخله وانت حابه وشاطر فيه تقدر تضمن مستقبل باهر
ولو دخلت وحبيته بعدين مش مشكله تقدر تضمن بردو ان شاء الله لو اجتهدت علي نفسك حبتين .

- لازم تشتغل على نفسك وتحسن نطقك والجرامر بتاعك عشان تضمن شغل كويس فيما بعد و الكورسيز كتير وفي كل مكان وهتلاقي كتير على مواقع زي كورسيرا ويوديمي

الشغل :
- خريج آداب انجليزى ممكن يشتغل 《مترجم》
- ممكن مترجم ف مؤسسات صحفيه واعلاميه ودي مفيش اكتر منها ف مصر والشركات ال تعاملها مع اجانب هتحتاجك
- كمان التدريس ممكن باز کردن / نظر دهید

2021-08-06 16:33:15 كلية ومجال مختلف ومميز
- كانت قسم في علوم وزراعة وحاسبات *ولسه موجوده كقسم* ولأهميتها تم فصلها واعتبارها كلية لوحدها

《كلية التكنولوجبا الحيوية / biotechnology 》

هي كلية بتدرس فيها الهندسة الوراثية وعلم الوراثة والجينات وبتدرس مجالات مختلفة زي :

《1》- Pharmaceutical biotechnology
المجال الطبي الدوائي
《2》- Agriculture biotechnology
المجال الزراعي
《3》- Marine biotechnology
فيما يخص علوم البحار
《4》- Industrial biotechnology
المجال الصناعي
《5》- Bioinformatics
مجال المعلوماتية الحيوية

إيه الأماكن ال موجودة فيها ككلية وإيه كقسم عشان منتوهش ؟

- موجوده ككلية في جامعتي MUST و MSA و BUC و النيل
- في بينهم فرق واحد بس هو إن في MUST مفيش تخصص وبتدرس كل المجالات وتشتغل في كل المجالات فيما بعد

أما بقى بايوتيكنولوجي كأقسام موجوده في :

- كقسم في كلية زراعة في جامعة القاهرة
- قسم في كلية العلوم
- قسم في صيدلة الجامعة الألمانية GUC

بالنسبة للأقسام دي كلها فإيه مجالاتها ومختلفين عن بعض إزاي ؟

《1》- Industrial biotechnology
《المجال الصناعي》

- خريج الكلية بيشتغل ف مصانع الكيماويات
- بيشتغل في مصانع ادوات التجميل وال makeup
- بيشتغل في مصانع الادوات المنزلية زي مثلا مساحيق الغسيل وانزيماتها
- بيشتغل ف مصانع الغذاء اي مصنع اغذية زي شيبسي او بيبسي بتشتغل مراقب جودة بتشوف المنتج ده مطابق للمواصفات ولا لا وبالتالي الانتاج كله بيتوقف عليك
- بيتشغل ف ال Biomaterials و ال nanotechnology
بتشتغل ف صناعات الوقود الحفري

《2》- pharmaceutical biotechnology
《المجال الطبي الدوائي》

- بتشتغل ف شركات الادوية وصناعة الادوية زي المضادات الحيوية
- بتشتغل في معامل ومراكز البحوث لاكتشاف ادوية للقضاء على الامراض
- بتدرس العلاج بالجينات
- بتدرس الخلايا الجذعية وبتشتغل ف مراكز الابحاث او مراكز ومستشفيات العلاج بالخلايا الجذعية ف مصر والخارج
- بتشتغل ف الحقن المجهري واطفال الانابيب
- بتشتغل ف معامل DNA
- بتفتح معامل تحاليل طبية وتشتغل في معامل التحاليل
- بتشتغل ف الطب الشرعي والبحث الجنائي

《3》- Marine biotechnology
《علوم البحار》

بتدرس المجال ده ف الكلية بحيث تكون مؤهل لاستكشاف البحار واستخراج المواد الفعالة للمجال الطبي الدوائي

《4》- Agriculture biotechnology
《المجال الزراعي》

- بتدرس كل ما يخص الهندسة الوراثية الزراعية والجينات
بنشتغل في تحسين المحاصيل الزراعية كجعلها مضادة للفيروسات او مياه البحار عشان تتسقي بمياه البحار
- كمان بتدرس المدة المتاحة ال ممكن تسيب فيها مثلا المحاصيل الزراعية في الشمس منغير ما يحصلها حاجة
- بتشتغل ف مراكز البحوث الزراعية

كده إحنا شرحنا مجالات وتخصصات كل فرع من فروع البايوتيكنولوجي

بتتخرج من جامعة MSA و MUST و BUC و النيل حاصل على بكالريوس تكنولوجيا حيوية

قسم بايوتك كلية زراعة عين شمس حاصل على بكاليريوس زراعة

قسم بايوتك علوم حاصل على بكالريوس علوم

قسم بايوتيكنولوجي صيدلة حاصل على بكاليريوس صيدلة

بالنسبة للتنسيق فهو لسه لحد دلوقتي مفيش حاجة واضحة عنه بالنسبة للجامعات الحكومية أما بالنسبة للجامعات الخاصة فهو بيتحدد على حسب كل جامعة وحسب نسبة إقبال الطلبة وإستيعاب الجامعة

- بالنسبة للمصروفات فهي بتختلف من سنة لسنة ومن جامعة لجامعة بس نقدر نقول إن المتوسط من 40 ألف ل 60 ألف

جامعة MSA هي أعلى واحده يعني المتوسط بردو ما بين 90 ألف ل 100 ألف

خريجين الكلية دي تابعين لنقابة العلميين وكان في أخبار إن في

نقابة للبايوتيكنولوجيست قريب بس منعرفش إذا كان الخبر ده حقيقي أو لا

الكلية مش صعبة ومش سهلة بس بتحتاج مذاكرة لأن تخصصاتها كتير وعلمية بحتة لذلك لازم تذاكر وتجتهد عشان توصل لكل أحلامك
منقول باز کردن / نظر دهید

2021-08-05 14:26:01 يا هلا بـ طلاب أولى جامعة ‌ ⁩
بما إن كليتنا العزيزة " كلية علوم الإعاقة والتأهيل " لسه جديده وناس كتيير بتسأل عليها وعن تخصصاتها فهنتكلم عنها فى البوست ده بإذن الله ...
يلا بينا
- مبدئيا كده الكلية موجوده فى جامعتين فى مصر " بني سويف والزقازيق" ومفيش فرق كبير يعنى بينهم ولكن احنا هنتكلم عن جامعة الزقازيق ، وهى تعتبر من الكليات الفريدة فى الشرق الأوسط وتم إنشاءها منذ 4 أعوام و مصنفة ضمن الكليات الطبية .

- تحتوى على قسمين مختلفين :-
‌ ⁩ أولا البرنامج الأخصائى :-
وهو برنامج يضم ست تخصصات،يخرج هذا القسم اخصائيين يعملوا في مجالين ؛ اما ان يلتحقوا في المستشفيات او المراكز الطبيه المتخصصة او انهم يلتحقوا ف المدارس ويوجهوا خدماتهم للتلاميذ خاصه في المرحله ماقبل المدرسه لكي ينموا لديهم القدرات والمهارات عند الاطفال ذوي الاعاقه فيما يعرف ببرامج التدخل المبكر لديهم.
وهذا البرنامج مميز وفريد لانه لا يوجد لدي اى من الكليات المناظره .
*التخصصات المتضمنه في هذا المجال :(الاعاقه الفكريه ،الاعاقه السمعيه ،الاعاقه البصريه ،اضطراب التوحد،اضطرابات اللغه والتواصل ،صعوبات التعلم ).
يعني انت لو حابب الشغل ف مجال المستشفيات ادخل اخصائى .

‌ ⁩ ثانيا البرنامج التربوي :-
هو برنامج يضم اربع تخصصات ويخرج معلمي للتربيه الخاصه في مدارس الدمج او مدارس التربيه الفكريه ؛ والطلاب خريجي هذا القسم يتخصصوا في ماده من المواد مثل (اللغه العربيه، اللغه الانجليزيه، العلوم، الرياضيات ،الدرسات )
*وهذا البرنامج ايضا مميز وفريد في انه يخرج معلم تخصص في ماده من المواد مثل (معلم اعاقه عقليه لغه عربيه ) وبيكون مطلوب جدا فى الخارج .
*التخصصات المتضمنه في هذا المجال :(الاعاقه السمعيه ،الاعاقه البصريه ،الاعاقه الفكريه،صعوبات تعلم ).
بالمعني لو تحب تشتغل ف مجال المعلم وتكون مدرس بمدرسه خاصه بنوع اعاقتك هتدخل التربوي .

ده باختصار كلامنا عن الكلية وأقسامها ودى بعض الأسئلة الشائعة
#1 الكلية بتاخد من علمى ولا ادبى وتنسيقها كام ؟
ج/الكلية بتاخد من علمى وأدبي يعنى هتكون دكتور من ادبي او المسمي العلمي بتاعك "اخصائي تربية خاصة" اخدت السادبقبل اللي فاتت ادبى 93,7% وعلمى 94,6% والسنة اللي فاتت اخدت من
أخصائي (بالشعبة العلمية 389درجة )
أخصائي (بالشعبة الأدبية 389.5درجة )
برنامج التربوي
يتم الالتزام بالرغبات التي تم تسجيلها من الطلاب
شعبة لغة عربية (لمن حصل علي درجة 74 درجة فأكثر )
شعبة لغة انجليزية (لمن حصل علي درجة 44 فأكثر )
وفى بنى سويف بتاخد أقل وممكن تدخل بنى سويف وتعمل تقليل اغتراب "تحويل" .

#2 هل التربوي ينفع يكون اخصائى ؟
ج/بالنسبة للتدريب العملي ف الكلية فالاخصائي بيتدرب ف مركز والتربوي ف مدارس ذزي القدرات الخاصة ولكن التدريب الخاص بتتدرب ف المكان اللي تحبه وكمان المراكز بتشغل كله مبتفرقش بين اخصائي وتربوي وتقدر تعمل دبلومة بعد ما تتخرج لو حابب.

#3 ايه الأحسن أخصائي ولا تربوى ؟
ج/ مافيش حاجه اسمها الأحسن كل قسم وليه مميزات وانت بتختار ال تحبه وع الاغلب الاتنين واحد ف الشغل والدراسة الفرق ف مواد التخصص بس

#4 الدراسة والمناهج ؟
الدراسة عامة باللغة العربية والمناهج عبارة عن مقررات تربوية وطبية وعلاج طبيعي وعلم نفس .
اول سنتين تعتبر نفس المناهج لأخصائي وتربوي ماعدا ماده او اتنين بعد كده بتختلف على حسب تخصصه .

#5 نظام الدراسة هو نظام الساعات المعتمدة يعني فيه سمر كورس
## الكلية جديدة وليك فرصه حلوة تكون معيد لانهم بياخدوا العشرة الأوائل
#اتحاد الطلاب
فيديو توضيحي للكلية بالتفاصيل



باز کردن / نظر دهید

2021-08-04 20:25:14 انهارده معادنا مع كليه (علوم الفضاء)
استعدوا الان لدخول عالم الفضاء وتعلمه في المكان الوحيد في الشرق الأوسط داخل مصر...
لاي شخص سألنا وحابب المجال النادر علوم الفضاء وحابب الدراسة والبحث والسعى وراء العلم الجميل ده.
- كلية علوم الفضاء و الملاحة بتاخد من علمى علوم و رياضة بتنسيق عالي, كلية واحدة في الشرق الأوسط موجودة فى بني سويف, لسه بادئه من ٣ سنين أقسامها : الملاحة والأرصاد وعلم الفضاء و شغلها فى المطارات والأرصاد والدفاع المدنى, ووكالة ناسا بتشرف عليها, وبينتدب فيها دكاتره أجانب.
• واليكم المعلومات عنها لكل من سألنا ويريد الدراسة.

9 معلومات عن كلية علوم الملاحة وتكنولوجيا الفضاء بجامعة بنى سويف.
9 معلومات جديدة عن كلية علوم الملاحة وتكنولوجيا الفضاء بجامعة بني سويف لأبنائها الطلاب والتي تبدأ الدراسة بالكلية لأول مرة خلال عام 2018 2019 ببرنامج علوم الملاحة الفضائية "مشروع التخرج تصميم وتصنيع قمر صناعى جامعى".

* أول كلية مصرية وعربية متخصصة فى مجالات الملاحة الفضائية وتطبيقات وتكنولوجيا الفضاء.

* تعد كلية من القمة الجديدة والتى تعمل من خلال لائحة متميزة ومبتكره تهدف إلى مواكبة التطور الذى يشهده العالم فى علوم تكنولوجيات الفضاء.

*مدة الدراسة بالكلية 5 سنوات بنظام الساعات المعتمدة وتعد دمج لدراسة العلوم الأساسية والعلوم الهندسية الخاصة بتكنولوجيا الفضاء والصناعات المرتبطة بها.

* تهدف الكلية إلى تخرج كوادر عليمة قادره على العمل بمنظومة الفضاء العربى والافريقيى والدولى ولتشكيل حجر الأساس الذى تستند عليه برامج الفضاء المصرية والعربية والافريقية وأجهزتها المختلفة.

* تمنح جامعة بنى سويف بناءا على توصية مجلس الكلية درجة البكالوريوس فى علوم الملاحة وتكنولوجيا الفضاء.

* قامت الكلية بتوقيع عدد من الاتفاقيات وبروتوكولات التعاون الداخلية والخارجية مع عدد من الجهات الاكاديمية والبحثية فى مجال التدريب العلمى والأكاديمى للطلاب والتعاون والتعاون البحثى فى المشروعات العلمية.

* يقوم بالتدريس بالكلية نخبة من الأساتذه المتخصصين فى مجال علوم الملاحة الفضائية واتصالات وديناميكا الفضاء، وانتداب عدد من الأساتذة المتخصصين فى مجال الفضاء من روسيا وألمانيا ووكالة الفضاء الأمريكية(ناسا).

* يوجد بالكلية عدد من الأقسام والبرامج ومنها "قسم الملاحة الفضائية، قسم علوم الفضاء، قسم اتصالات الفضاء، برنامج علوم الملاحة الفضائية، برنامج علوم الفضاء والملاحة "برنامج خاص ومتميز بمصروفات".

*وتتيح الكلية العمل للخرجين فى عدد من المجالات ومنها "هيئات الاستشعار والأرصاد وعلوم الفضاء ووكالات الفضاء، هيئات الملاحة البحرية والجوية والطيران المدنى والمطارات، وزارات الاتصالات والكهرباء والطاقة والانتاج الحربى والبترول، الجامعات ومعاهد الطيران ومراكز البحوث العلمى، المحطات الأرضية للأقمار الصناعية (تحكم، استقبال، تتبع)، مصانع الالكترونيات والمستشعرات والمهمات الفضائية، شركات الهاتف المحمولة والاتصالات والصناعات المغذية لها، تدريس العلوم الاساسية وعلوم الفضاء بالمؤسسات التعليمية المختلفة.
منشن لاي حد مهتم وعلق بكلمه متابع ليصلكم باقي تفاصيل
https://www.facebook.com/zakir3sec/ باز کردن / نظر دهید