2022-07-21 15:10:03
مبدئياً لازم نعرف أنه كُل حرق يختلف عن الثاني من حيث العمق
شلون ؟
- هذا لأنه الجلد مالتنا يتكون من 3 طبقات :
١ البشرة اللي نشوفها
٢ الأدمة تحت البشرة
٣ طبقات النسيج أو الطبقات الدهنية
* والحروق مو فقط من النار!
بل ألها مسببات غيرها
قد تكون حروق كهربائية ، كيميائية ، إشعاعية بالإضافة للحروق الحرارية
فـ وفقاً لطبقات الجلد لذلك الأطباء والأخصائيين يستخدمون عبارات مُعينة لحتى يوصفون بيها التلف الحاصل بالنسيج :
( حرق من الدرجة الأولى )
وهذا معناه أنه الحرق راح يصيب فقط الطبقة الخارجية أي البشرة وقد يكون سببة أما ماء أو زيت مغلي أو إحتكاك بشي ساخن .
و أعراضة تكمن بأنه جلد المصاب راح يحمّر و يورّم شويه و ألم خفيف
وراح يطيب حتماً بعد أسبوع .
شنو أسوي ؟
¶ لااازم أبرد مكان الحرق ويفضّل بماء جاري على مكان الأصابة بحدود عشر دقائق .
¶ اضمدة بغلاف الطعام البلاستكي
أهم شي يكون مو لاصق ، ويفضّل بالطول مو بالعرض وأثبتها بواسطة لاستيك أو مثبت معين ،
وبعد ما يبرد الحرق أحط مرطب و مرهم يبرّد المكان ويكون بدون مواااد كيمياوية .
( حرق من الدرجة الثانية )
معناه أنه الحرق راح يعبر من البشرة وصولاً لطبقة الجلد الداخلية
و أعراضة تكمن بأنه تظهر بثور وكذلك فقاعات مملوءة بسائل و المصاب راح يشعر بألم شددديدد بسبب تلف الأوعية الدموية الي موجوده بالأدمة .
شنو أسوي ؟
¶ أيضاً أبرد مكان الحرق بماء جاري على مكان الأصابة لكن بمُدة أطول تكون بحدود 40 دقيقة أو أكثر .
¶ أخليلة مرهم طبي حتى يقتل كل البكتريا وميخليها تسيطر .
¶ أضمد المكان بضمادة جافة أهممم شي غير لاصقة حتى أضمن نظافة المكان و بعدها أسعفة للمستشفى .
( حرق من الدرجة الثالثة )
هذا النوع من الحرق راح يتغلغل لكل طبقات الجلد ويوصل حتى للعضلات و الدهون
أعراضة تكمن بكون المنطقة المصابة لونها يصير يشبه الفحم و جافة ميوصلها أي سائل و المُلفت بالموضوع أنه المصاب مراح يشعر بأي ألم لكون الأعصاب أتدمرت وماتت
شنو أسوي ؟
¶أسويلة CPR إذا چانت عندة مشاكل بالتنفس .
¶ أضمد الحرق بضمادة معقمة و جافة وغير لاااصقة و أحاول أرفع أيد و رجل المصاب للأعلى حتى يمشي الدم خلال الدورة الدموية بجسمة
¶ أنطي كميات كبيرة من الماء تجنباً من أنه يشعر بغثيان و حتى يترطب جسمة من الخارج و الداخل وميصير عندة جفاف و أكيد بعدها أودي للمستشفى.
#pharmacist
258 viewsedited 12:10
P
