تری ذات سب سے عظیم ہے تری شان جل جلالہٗ تو ہر اک سے بڑھ کے کر | زِنــدَگی گُلـــــزَار ہَے

تری ذات سب سے عظیم ہے تری شان جل جلالہٗ

تو ہر اک سے بڑھ کے کریم ہے تری شان جل جلالہٗ

تو قدیر ہے تو بصیر ہے، تو نصیر ہے تو کبیر ہے

تو خبیر بھی تو علیم ہے تری شان جل جلالہٗ

تو غفور بھی تو شکور بھی، تو ہی نور بھی تو صبور بھی

تو حفیظ ہے تو حلیم ہے تری شان جل جلالہٗ

تو ہے منتقم تو وکیل بھی، تو ہے مقتدر تو کفیل بھی

تو ہی نعمتوں کا قسیم ہے تری شان جل جلالہٗ

مِلا حمد و نعت کا شوق جو، یہ مُشاہدِؔ عصیاں شعار کو

یہ ترا ہی فضلِ عمیم ہے تریہ شان جل جلالہٗ