قصائد حسينية مكتوبه

2023-08-29 20:45:05 للاربعين جديد
الـيــوم أجـــت كــل الــحــــــرم ... عــاالـكَــبــر تـبـجــــي بــألـــــم
تـصـيـــح بــاالــونّـــه الــشـجــيّـــــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الـيــوم أجـت مـن الـسـبــي وعـلـى كَـبــر أبــن الـنـبــي
كـلـّـهــن أنــجـمـعـــن بـنـــات الــهــــــادي
تـبـجــي بـاالـون والـقـهــــر تـشـكــي مـن ظـيـم الـسـفـر
بــجـــمـــــــرة آلام الـعــــذاب تــنــــــــادي

ويـن حــمّــاي الـحـمــــــه ... والــدمــع صـــب أبّــدمـــه
هــاالـوصــــل ضــعـــن الـــزجــيّـــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شــوف يـبـن الـمـرتـضــى بـاالـكَـلـب سـهّـمـك مـضــه
مـن غـيـابـك هـاالـحــرم هـضّـمـــوهــــــا
شـافــت هـمــوم وبــلــــــه يـا فـحــل مـن كــربــلــــــه
لـديــــرة الـغــربــــه بـهـظـــــم ودّوهــــــا

تـمـشــي وسّـيـاط الـشـمـــر ... ورّمــت مـتـــن الـخِـــــــــدر
وأنـت عــاالـغــبــــــره رمـــيّـــــــــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم
عــافــتـــك فــــوكَ الــتـــرب أمـخـضّـب ودمّـــك يــصـــب
وراســك بــراس الــرمـــح ويّــــاهـــــــه
مـن بـلــد تـمّـشــي لـبـلــــد أنـشـل كَـلـبـهــه وأنّـمـــــرد
جـيــش أمـيّــه بــس هــظـــم راواهـــــــه

شـوف باالـشـام أشـحـصـل ... والـظـعــن لـمّـن وصـــــــل

مـن دخــــــل لـبـــن الـــدعــيّـــــــــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شـافــت أيــزيـــد أللّـعـيـــــن بـيـده راســك يــا حُـسـيـــــن
بـالـعـصـا يـضّـرب يـحـيـف أشّـفــافـــــه
صـاحـت بـصــوت ودمــــــع عـسـى جـفـّـــك تـنّــكَـطـــــع
شــوف أوّصــــاف الـنـبــي أوّصــافـــــه

شـيــل أيــدك يـا نـــــذل ... هـذاأبـن خـيــر الـعـمـــل

ريــتـــه حــي بـهـــــل الـمــســيّـــــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـيـوم أجـن مــن الـغــرب يـا فـحـل مـدّمـي الـكَـلــــب
جـابــن الــــرووس وأجـــن شــجّـــايـــــه
بـأرّبـعـيـنــك مــن أجــــــن بـاالـقـهــر والـهـم لــفـــــن
عـاالـكَـبــــر صـاحــن يــحـامـي الـثــايـــــه

يـاالـعـفـتّـنـه بـهـاالـمـحــن ... كَــوم ردّنــــه لـلــــوطــــن

شــفــنــه بـاالـشـــام الــمــنــيّــــــــــه
ويـــن حــمّـــــــاي الــحــمــــيّــــــــــه
يــاحُــسـيــن - يــا حُــسـيــن - يــا مـظــلــــــوم

الشاعر السيد علاء الحيدري


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-29 00:40:04 راح اشيل الراية واعتني مشايه
=====================
اليوم اعلن خلي تسمعني المله
كون كَبر حسين ماشي اوصله
ضعن زينب انه اريد استقبله
تجي لزيارة اخوها ابكربلا

النيه صارت هايه واعتني مشايه
====================
ما منعني الخوف ما هماني
بجنة احسين السَنة تلكَاني
لو تعبت من المشي وأذاني
هناك ابو السجاد يتلكَاني

هدف عندي وغايه واعتني مشايه
=====================
اكَصد حسين العهد خطيته
العالم ابكبره أنه اتحديته
لون انطي العمر ما وفيته
احسين نص كَلبي انه خليته

مال اعوفه احجايه واعتني مشايه
====================
روحي لحسين اشكثر مشتاكَه
غالي حيل وصعب والله افراكَه
نار هجره ابكل وكت حراكَه
الناس كلها ابكربله تتلاكَه

كعبته مسمايه واعتني مشايه
====================
نِحسب ايام السنه ضلينه
الاربعينيه اشوكت تلفينه
للمشي متلهفه رجلينه
للزياره وحق علي اشتاكَينه

الها احِن اهوايه واعتني مشايه
====================
اندعي كل يوم رب العالمين
كون ازور حسين يوم الاربعين
ارفع الرايه واصيحن ياحسين
نزور ابو اليمه نظل امعاهدين

لكربلا عنايه واعتني مشايه

===================

الشاعر حسن بشير السوداني


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-28 13:30:09 قصيدة // موشح لمشاية أربعينية الإمام الحسين عليه السلام


يلي بالطف ماحضرت اويه الحسين
گوم وإتعــــناه بيــــوم الأربَعــــــين
——-
يلي تتألـــم ليومــه إبكـربلــــه
وحيـل موجر بيك سبي العايله
لَحَد هـذا اليوم ابن خير المله
ينادي لنصاره أَلا هل من معين
-___

ينادي بعده ومستمر يبقى إبنداه
باقي ما باطل وحگ إبهل الحيــاه
يِسْلَــــم امن الذبح لو سِرنه وراه
ولو خذلنه الحق ابو اليمه طَعين

——

نُصـــره للحق وفَخَــر هذا الزحف
بيه عروش الجور تهـوى وتنخسف
كل جرح لحسين من تمشي تِشِف
وتسعد الزهـــراء أم گلب الحزين

——

هوايه تِسعِـــد فاطمـــه لو شافتـك
تمشـــي موزون وخَلـــوق بمشيتك
لو درت طالِــــــع تواســـي غايتــك
إيخف هظمها الحملته لفگد البَنين

——

بهالمَشـــي لا تعتقد هينه الخُطَه
إيبان مغزاها بعُظُـــم أجر الخِطَه
لـو قليلت نفــــع ربــــــك ما نُطه
الأَجر عالخطوه وِهِي بهذي تِبين

——
إتبيّن اتريــدك وَقِـــــر أم الحَسَــــن
تريد قدوه الحُـــــره للنسوه المشن
مشيتك إحسبها تمشي اويه الضعن
مرافگ آل النبي الصَفْـــوه الطيّبين

——-

لو خَطَــــأ مِنّك يزاير بالمشــي
بهالخَطَــأ گُرة عيـــون الناصبي
لو تَهاوِن صــار وي لِبْس العِبي
ناذي زينب لشمر نُصبَح نِعِين

—-
الشاعر : أبو زينب علي الظالمي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-27 19:57:23 موشح عودت السيده زينب عليها السلام إلى كربلاء يوم الاربعين



اليــوم زينـــب ردت لـــوليــــانــهـــا
لكــربله قبـــلـــة جميـــع احـزانــــها

*

اليــــوم ردت زينــب بنـــوح وانـــين
لبواليـمـــه حســـين يــوم الاربعـــين
نـــادت السجـــاد گبـــر حسين ويــن
ويـــن كــــافـــل زينـــب وعـنـــوانها

*

هــذا گبــر حســـين نــاداهـــا بــألم
وذاك گبــر الكـــافـل وراعي العـــلم
اطيور چنها أتجمعت كــــل الحــرم
وناحــت أيفـــت الگلــــب اشجـانها

*

هـوّت مثــل الطيــر زينــب عالـگبـر
خويه بعدك بس مصايب هل العمـر
خويــه يـا ضلــع السـلم مـا منكسـر
يـــوم فوگگ لــوّوّ خــويه أعنــانـها

*

خويــه عشـــر خيــول داسنـك لمّــه
بضغــا بجـــدك وابـــوك و فــاطمــه
وجثتك اعلى الگـاع متغسله أبدمـه
والچفــن وسفـــه صبـــح تــــربانهـا

*

تعنـــت لكــافلــها والمــدمــع ذروف
صدگ نادت خويه مگطوع الچفوف
ريت تگعد خــويه وعيــونك تشوف
زينب مـــن الشـــام شنهـي الـــوانها

*

خويه مچتوفين رحنه أعلى الهزيـل
ينضـرب بالسوط كــل واحــد يميـل
خــويه محتاره بحرم تــدري وعلـيل
بســوگ بالشـــام وتصــد عـدوانــها

*

خــويه صعبــه مــن اگلـك يالگمــر
واگفــه ابديــوان والشــامت نظـر
ويــن صاح الكافل وگلبــي انكسـر
وبيّه شمـتت كـل بنـــي سفيـــانها


*
الشاعر
موسى البديري


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-27 16:29:13 لزيارة الاربعين

يحسين مولاي  يا بن فاطمه
يحسين مولاي  يا بن فاطمه
★★★★★
مشاية لجلك  نستعد
عن  منهجك   مانبتعد
من المهد  حد  اللحد
زوار نعجز   لو نعد
بگد النجوم البلسمه
يحسين  مولاي  يا بن فاطمه
★★★★★
لبيك ياراعي الشيم
لبيك  ياباني  القيم
شكراً على هذا الكرم
عَلَّيتَنَه فوگ القمم
أي وحگ حماي الحمه
يحسين مولاي يا بن فاطمه
★★★★★
منهجنه حبك تَوَجَّه
طول الوكت انت الرجه
وانت الصراط ومنهجه
ماخاب من يمك أجه
تجلي الشدد بالموزمه
يحسين مولاي  يابن فاطمه
★★★★★
مرفوع راسك علرمح
وي الطاغي مايقبل صلح
هيهات  ينطق كل جرح
غير الكرامه  ماتصح
الحرية تنخط بالدمه
يحسين مولاي يابن فاطمه
★★★★★
بحبك تجاوزنه المحن
ولاوينه لوعات الزمن
للضايع دروبك وطن
ونهجك هداية من الفتن
واشرف طريق وخاتمه
يحسين مولاي يا بن فاطمه
★★★★★
للباري ياما قدمت
هيهات للذله گلت
منهجنه بالدنيا صرت
مولاي أبد ماقصرت
حياك راعي الغانمه
يحسين مولاي يا بن فاطمه
★★★★★
افواج بطريقك نلتزم
شَدَّينَه  مولاي  العزم
عَلَّمْنَه نهجك  نقتحم
سوح الصعاب بكل حزم
ونطوي الليالي المظلمه
يحسين مولاي يا بن فاطمه

الشاعر حسن لعيبي الحريشاوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-26 17:04:26 اليوم زينب عودت بحزانها
وجايبه وياهه روس اخوانها
**
اليوم ردت لچن مكسورة ضهر
مفارگه الخوان اكثر من شهر
گوه تمشي من التعب ومن السهر
حيل هاضمها فگد وليانها
**
رجع موكبها ورجعته الكربله
فوگ هزل باالصحاري القاحله
گبل ماكو هله باالزاير هله
وماكو.وادم فتحت بيبانها
**
اجت تمشي مشيت الگاصد وطن
وباالدرب ما ودها يرتاح الضعن
حيل مابيها على الفرگه لئن
ذكر اخوتها اعله طرف السانها
**
وعله روس اخوانها المدمع يهل
وياهه چم طفله التنوح وچم طفل
تدري ما يلتم بعد ذاك الشمل
والبيوت ولايرد بنيانها
**
الحد اخوها هوت تشتم العطر
مثل دگت باب دگت عاالگبر
تگله انه اختك اجيت من اليسر
اگعد اسمع رحلتي واشجانها
**
يم گبر كافلها راحت نادته
وصله جابت للگمر من رايته
بلكي ينهض للأخت لو حاچته
اشگد مصايبها صعب نسيانها
**
الشاعر سعد العبودي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-26 15:43:56 كـوم يا عـباس شيـل الـراية
زينب اختك هل اجت مشاية
........
كـوم وتلكاها اختـك هل اجت انت طايح عالنهر لمن مشت
حركو الخيمة عليها وانسبت متونها انواع السياط تحملت
تدري يالكـافـلها هسه تكفلت
فراكك أيألمها تدري هواية
.......
هواي المها البعد عـنكم تره من مشت منكم تراها مجبره
مربطـة بحبـال ويلي ميسرة يبو فـاضـل شوفـهـا متغيرة
انت راح تكلها يختي معذرة
ما وصل جودي وتبده ماية
.........
رجعتلكم شايلة جروح الزمن منها يتعلم حزن حتى الحزن
باقيه بيها المصايب والمحن يحجي عن سياطها اه المتن
يشكي وياها اليتامى ما اجن
و يا رقـية الما اجـت ويايه
...........
هذا راسك خـوية جبته بالـرمح يمشي ضل وياي من يوم الذبح
ينور دروبي مثل شمس الصبح بعين شاف سياط متني والجرح
شـاف شمر شلون بمتـوني يلح
خوية جبت الراس هذا ويايه
...........
هذا راسك جان شاهد عالحصل من سبوني وصعـدوني عالهزل
وحين شاف مربط ابأيدي الحبل والله ما يحمل غيور شكد زعل
غضب راسك الرمح منه اشتعل
الما قـبل راسـك عـليه حجـايه
.........
الشاعر
اياد الفرح التميمي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-26 10:30:12 خل ترف الرايه ،، ونعتني مشايه

١-
تمشي لحسين ،، ملاين ،، تطوف بكربله
ينادي عباس ،، عله الناس ،، هله ومية هله
بلطم الصدور ،، نجي نزور ،، نحارب حرمله
بعين العداء ،، تعرف لاء ،، مشيتك زلزله

بس نكمل اقرايه ،، ونعتني مشايه

٢-
لزاير حسين ،، غطه العين ،، يجينه ونخدمه
سدو البيوت ،، نزل صوت ،، أمر من السمه
تمشي الزغار ،، والكبار ،، لبن حامي الحمه
بسفرتك هاي ،، يمشاي ،، تعينك فاطمه

نضحي لجله هوايه ،، ونعتني مشايه

٣-

احنه ميتين ،، والحسين ،، حيانه بخدمته
وصحنه هيهات ،، بالصوات ،، نعوف زيارته
بواحسيناه ،، وويلاه ،، نطب الحضرته
صعبه ننساه ،، ولكيناه ،، الشفاء بتربته

وكربلاء الغايه ،، ونعتني مشايه

٤-
بكل الدروب ،، يمحبوب ،، مواكب تنصب
تلكه خدام ،، والإعلام ،، ترف بكل درب
شدو احزام ،، هليام ،، تحس عدهم حرب
كبل الجدام ،، شفت كام ،، ركض يمشي الكلب

تخدم الوفايه ،، وتعتني مشايه

٥-
بكد النجوم ،، اله اليوم ،، تعنت شيعته
طول السنين ،، والحسين ،، ترفرف رايته
بكربله طاح ،، لجن راح ،، نشيل عمامته
سيدي الكون ،، بالعيون ،، الملائك خدمته

باجر النه حجايه ،، ونعتني مشايه
____
حسين عبد الجليل المالكي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-25 22:31:30 موشح ..

جـيـنـه نـنـشـد كـربلـه بـالاربـعـين
زينب اشلون التـگـت وي الحسين

جينه وادموع الحزن عالخـد تـصب
نـريـد نـتـلـگـه الاجـت مـن الـغـرب
شلـون زينب كـربـلـه راحـت تـطـب
المنـها طلعت عالهزل مچـتوفه ادين


شلـون طبـت كربـلـه عگب السبي
تمشي چانت لو اجت تحبي حبي
شلون شافـت گـبر اخوها الطالبي
وشبگـت اتـرابه العقيله بـيا حنين


بـيـا وضع زينب اجـت يـم الگـبر
بـيا مصيـبـه لا گـتـه وبـيـا عـسر
وعدله ضلت لو خلص منها العمر
شسولفت وي الاخـو ذاك الحِنين


شسولفت ويـاه عن ذيـچ الجـروح
عن سبيـها وعن هضمـها الما يروح
وعجبه يم حسين ما طلعت الروح
حيـن تشكـيله ويـرد صوتـه بونين


شسولفـتـله او ونـته بحـسره عـلت
شسولفـتـله وتـربـتـه ادموع انبـعت
ولـيـش ذاهـت روحـهـا لمـن بـچـت
الله يدري شسولـفـت واقـع حـزيـن


يجـوز گـالتله انسبيت اعله الهـزل
واحـمـلت ضيـم الـذي مـا ينحـمل
خويه عالنـاگـه ويوگـعـنـي الـنـذل
يضـَحـك اعليه يخـويـه الشامتين


يجـوز گـالتله مشت زينب ابسوگ
وطرت بنـص الخلـگ بـيـنه النـوگ
وگـمـنه نسمع حچي النه ما يلـوگ
يشـتـمـون امـنـه وأمير المؤمـنين


بـذيــچ الولايــات نـاگـتـنـه تــدور
وتالي زينب بت علي طبت اقصور
وبطشت راسـك شفـت بالدم يفـور
حيـن يشتـمـني يزيـد ابن اللـعـيـن


خويه شحچيلك بعد شروي وشقص
والسـوالف چــن عـظم بيـهـن اغـص
طفـلـه مـن رديـتـلـك عـنـدي نـقـص
خاف تـنشدني وتـگـلي ارقـيه ويـن


الشاعر عقيل الحسناوي..
.

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-25 20:30:10 ضعـــــن زينب عـــــاود الطف كربله
بهِمه ياعـــــباس گــــــــــوم استقبله
***
تســـــرع ابخطواتهه وتطوي الدرب
امحَمل ابآلام وهــــموم الــــگــــــلـب
اتريد يـــــمكم تنفض اتراب الــغـرب
وكـــل غـــــريب ايحن يعباس الـهله
***
لوردت تعــــرفهه وصـــــلت نينوى
ريحة الخـــــوه تشمهه اويه الهوه
او لودليلك من محنّـــــــــتهه ارتوه
گــــــول ردت زينــــــبك بـــالعايله
***

موغــــريبه اعليهه مــن ردت تـون
من كسرضلـع امهه عاشرهه الحزن
ردت ولـــــيامكم صـــــارت تحــــــن
وينــــــه جسام ويــــگــــلهه ياهله
***
چـــــانت بظلكـــم وظلكـــــم لم يزل
مـــن تـــــــفزعكم تفــزعون ابعجل
لاچــــــن اشبيده الأخذ روحه الأجل
كل عمرهه بجالكم مـــــــــدلــــلــه
***

ردتلكم والــــسوالـــــف بالـــــدمع
ابگبرك ومن تحچي زينب تستمع
بالأمس لختك چـــنت سيف ودرع
ومن يميل المحمــــــل انته اتعدله
***
مــــاتــــسولفــــلـك تعرفك تنهظم
چـــــــم رزيه شافت وشافت ظلم
وگـــــــــفت الديوان دگت بالعظم
وصــــبرت وبِــيزيد نَزلت زلزله
***
راس اخــوهه بالطشت من شافته
من دمه المنحر خضــــــيبه شيبته
مابچــــت بـــــس الگلــــبهه بچته
يـــــمك اتعــــنت دمــــــعهه تهمله
***
ردت ابلايه رقــــــــــــيه ياگـــــــمر
طفله ياعــــباس مـــــــــوتهه القهر
مــــاتت وبحجـــابهــــــه دم النــحر
دم ابوهه ابدمعه صعبــــــه اتغسله
***
تمت بفضل الله وتوفيقه والحمدلله رب العالمين
اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي


https://telegram.me/aabas78
قصائد لكل ايام محرم اشترك بالقناة باز کردن / نظر دهید