2021-06-05 00:14:40
#البارت 390
فارس: لو كنت رسميا في الفريق من ضمن المسوقين للفكره في الاجتماع ممكن اشارك واقترح غير ذلك اعذرني
يشتي يخرج
المدير: موافق ارجع ها نتفق
فارس رجع ووقف
المدير: بعد عشر دقايق معنا اجتماع مبدأي تجهز واطرح اقتراحاتك لو عجبتهم الفكره عنعتمدك رسميا معنا
فارس : تمام
خرج وهو فارح حس شويه انه رجع هيبته
جالسه في غرفتها..
اسيل كملت تكلم أمها وخرجت للصاله : اين عتسيرو ياعمه
جميله لابسه وتفتح الباب تخرج: اشتي اطلع لاعندها ابسر ماتشتي مننا
اسيل: طيب اجي معاكم
جميله: ماشي مابش داعي ادخلين المطبخ
اسيل: تمام ع راحتكم..
جميله خرجت وشافت نسوان في الدرج بيطلعين قررت تأجل كلامها معها ..وخرجت.
خيريه للسكرتيره: تسلمي تعبتش بالورق لهنا بس اليوم تاعبه ماقدرت اجي
السكرتيره: سلامتش هذه التسعيره الجديده والاستمارات الي تحتاج توقيعش..
خيريه : طيب اقراهن اول ..
في المكتب في الاجتماع. .
فارس واقق بيشرح لهم الخطه التسويقيه وواحد ضابط واقق مع واحد من الموظفين: فارس جاوب
فارس استغرب: انا؟ من؟
الضابط: اقطب جي معنا معك شكوى ضد ابن عمك
فارس : شكلك غلطان ايش من شكوى مابش بيننا شي
الضابط : محاوله قتل. . امشي معنا للقسم
صاحب فارس ( المدير ) محرج من الموقف : شكله في سوء فهم
فارس: كملوا انتو اسير اشوف ايش القصه وارجع
كلهم مستغربين بيتفرجوا المدير
المدير ضابح ومتوتر من فارس
في القسم...
بعد ما اتصل فارس لخاله يكلمه..
في البيت..
اسيل شافت عمتها تأخرت قلقت
جاوبت التلفون وبلغها خال فارس الي حصل وقلها توصل رساله لعمتها انه ضبح من عيالها ومشاكلهم ماعيتدخل هذه المره..
طلعت بسرعه تدور عمتها..
خيريه سمعت الباب بضبح: مالهن مايتمين عملهن مره واحده اوف ..فتحت الباب بضبح: قد قلت. ..
اسيل استغربت من ردها: العفو بس عمتي وين هي!
خيريه فلتت الباب ودخلت: ادخلي
اسيل فكرتها داخل دخلت : وين هي
خيريه : اهلا وسهلا اخيرا حد تنازل يطلع يسلم علينا و يزورنا
اسيل ابتسمت بإحراج : عمتي ماطلعوش ؟
خيريه ضحكككت: عمتش تطلع هنا! في الأحلام عمتش تشتي كل الناس يطلعولها
اسيل متوتره وحسها عند فارس وقفت : العفو منكم بس الموضوع مهم قوي وطارئ شاسير ادورها لو هي خارج
خيريه: مش هنا شاخبيها او كيف بعدا لو طارئ براحتش لكن توعديني تعوضي الزياره هذه ولا اقلش اشتي اعرف ماهو الضروري؟
اسيل بخوف وعجله نسيت تحذيرات عمتها وبتدور اي حد يساعدها : تمام.. فارس في القسم
خيريه استغربت: فارس او وليد؟
اسيل: فارس وصل البلاغ ضد فارس مدري ليش
@afeshomody3
621 views21:14