فزاعية ورسالة لكل خدام الحسين ع هاي توفيق المجالس والله بارك بيها والشعائر دوم تبقة عل عدل نحييها يلي تخدم خل امامك بين عينك ضحه بعياله وروحه لجل دينك رفع راية نبي الأمه حسينك خاطر اتعيش ابكرامة الناس اليحاميها عل صلاة كونك اتواضب هوه هيج يريدك والحرام ابتعد عنه ولا تقربه الأيدك التزم بالدين تربح دنيتك متفيدك واعمل اليوم القيامة هناك تربح بيها اخذ من حسين عبره قبل لتهل دمعتك انت يلي ابعازه الهم موش همه ابعازتك فاطمة الزهراء تحضر صفي نيتك رادتك وداعتك كل حاجه عندك هيه الك تكظيها حسين عبره حسين فكره صار للعالم درس حسين حارب لجل دينه قاوم الآخر نفس حسين وضحها الرسالة اصبحت چن عين الشمس اقره مضمون الرسالة واعرف اشما بيها صفي نيتك يا موالي واطلب امرادك وشوف وانخه راهب بني هاشم ذاك مگطوع الچفوف حلفه بالزهرة الزچيه وبالعليل وبالطفوف هوه عطاي المراد وعلتك يشفيها #كلمات_الخادم مرتضى الغراوي 79 viewsاَحــمد الـَفـاطـ.ـمي°, 21:44
