لطمية لكل من فقد والدته اسأل الله أن يرحم جميع الأموات ويحفظ الأحياء يمه انكسر ضهري اعليج حاجيني يا روحي وحياتي ويا بعد عيني صدك عني ترحلين. وبعد متشوفج العين اتمنه جنت بيدج تدفنيني يمه وداعتج مابيه حيل افراگ لو تدرين بيه شكد الج مشتاگ ابچي اعليج آنه والدمع حراگ ما استوعب الصار ضلمه اخلافج الدار. متعلم عليچ شلون عفتيني يمه انكسر ضهري عليج حاجيني متعلم اشوفج من اطب البيت واتكليلي ها يمه اشوكت جيت اموت واندفن وياج ياريت شلي ابدنيتي هاي. اخلافج ضلمه دنياي مشيتي بسرعه ليش وما خذيتيني يمه انكسر ضهر عليج حاجيني صدك يايمه بالتابوت. حطوج عمت عيني عليج شلون خلوج بنص البيت يمه اكبالي شالوج مكانج خالي عافو. ونعشج يمه شالو اصيح اعليج يمه وما تسمعيني يمه انكسر ضهر عليج حاجيني وسعلي الگبر ارجوك يادفان وبهيده لون تدفنها بالتربان علينه اتحملت اشكال والوان جوه اقدامها الجنه عليها احنه تعلمنه بعد ياهو اليلوليلي ويغطيني يمه انكسر ضهري عليج حاجيني خطارك يحيدر هاي جبناها ياحيدر علي ابگاعك دفناها تفزع لمي كون وتوكف وياها مولاي انته تحميها. وبأيدك تنجيها اريد الصبر منك كون تنطيني يمه انكسر ضهري اعليج حاجيني #كلمات_الخادم مرتضى الغراوي 85 viewsاَحــمد الـَفـاطـ.ـمي°, 21:44
