♡الملتقي الجنة♡

2022-08-01 10:03:51 حد شاف بني إسرائيل يا جمااااااعة !!!

= هما راحوا فين صحيح

بقالهم كدة 80 سنه مختفيين !! لا حس ولا خبر ..

80 سنة !!! ازاي

سيدنا داود حكم كام سنة !؟
40 سنة ..!

حلو وسيدنا سليمان كام سنة !؟
= كام !؟
40 سنة برضو ،، وبرضو دة كان من ضمن ورث سيدنا داود لسيدنا سليمان ..

طيب كان فين بقي بني إسرائيل الوقت دة
= كانوا موجودين زي ما هما ،، لكن ال80 سنة دول هما احسن سنين عاشوا فيها في استقرار ..
من غير لماضة وسوء أدب مع الانبياء ومع الله ..

واشمعني يعني النبيين دول اللي عاشوا وقتهم في استقرار !!؟

لأن بني إسرائيل كانوا بيحبوا سيدنا داود جداااا وكان ملك عادل

وكان سيدنا سليمان ملك عادل وكمان كان ملك قوي
ربنا سخّر له كل حاجة ،، أنس وجن وطير وووو..
فمين مستغني عن عمره عشان يقف في وش ملك زي سيدنا سليمان

وإيه بقى إللي حصل بعد موت سيدنا سليمان !؟

بعد ما مات سيدنا سليمان ، الجن بدأت تدور تحت عرش سليمان عن الكتب التي كان بيكتبها كاتب سليمان،،

مين كاتب سيدنا سليمان دة !!!!؟
يُقال إن الكاتب ده كان اسمه "آصف"،
وكان بيكتب كل حاجه عن سيدنا سليمان ،،
بيكتب عن الملك وعن الشريعة والوقائع والأحداث.. كان بيكتب كل حاجه ..

فلما الشياطين خرجت الكتب دي،،
بدأوا يكتبوا ما بين السطور كلمات السحر والكفر ودعاء غير الله،،

وخرجوا بقي علي بني إسرائيل، وقالولهم إن دي كتب سليمان،،

وإن سيدنا سليمان كان مسخّر الجن والطير والريح بالسحر ده،،!!!!

بني إسرائيل مسكوا الكتب دي وقروها..!
فلقوا فيها فعلا كلمات السحر والكفر بالله ودعاء غير الله ، فصدقوا للأسف،،!!!

"وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ"

وطبعا بني إسرائيل بيموتوا في الفضايح
ففضلوا يقولوا إن سيدنا سليمان كان بيتعامل بالسحر وكان كافر بالله

فربنا بعت ملكين ..
الملكين دول كانوا في صورة رجلين صالحين

ربنا بعتهم فين
في مدينة بابل .. في العراق،،،

الملكين دول مهمتهم إنهم يدافعوا عن سيدنا سليمان من الكلام إللي بيتقال عنه إنه ساحر،،

ومين الملكين دول !؟
= هاروت وماروت ...!

هاروت وماروت !!!!!! أية دة يعني هما مش أنبياء
= لأ .. مش أنبياء ..
هاروت وماروت دول ملايكة

هاروت وماروت كانوا بيعلموا الناس السحر ،،
ويوضحولهم إن في فرق بين السحر وبين النبوة،،

وإن السحر ده ممكن أي حد يتعلمه،،
أما النبوة فهي اختيار من ربنا عز وجل ومش حاجة مُكتسبة،،

الملكين فضلوا يدافعوا علي سيدنا سليمان وقالوا لبني إسرائيل إن سيدنا سليمان ماكفرش !!،، وأنه مش ساحر ..
وإن الشياطين هم إللي كفروا وهما اللي بيعلموكم السحر،

"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ"

وقالولهم إن السحر ممكن تتعلموه من أي حد وألاعيبه بتبقى كده و بنوريها لكم من باب إنكم تتعلموا الشر وتخافوا أن تقعوا فيه،،
وعشان تعرفوا الفرق بين النبوة وبين السحر،،

لكن لازم تكونوا فاهمين إن السحر ده كُفر بالله،،
و احنا فتنة واختبار وابتلاء من ربنا ليكم باللي بنعلمهولكم ده،،
فخدوا بالكم هتضيعوا نفسكم لو مسمعتوش تحذيرنا ليكم واستخدمتم السحر إللي احنا علمناهولكم ده

"وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ"

و بني إسرائيل عملوا إيه !؟

للأسف كالعادة !!!
مسمعوش الكلام وبقوا بيتلقوا العلم ده ويطبقوه، وبقوا يتعلموا من السحر الأمور إللي يفرقوا بيها بين الراجل ومراته ويخلوهم في كرب وشقاق وابتلاءات ،،

"فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ"

لكن ربنا ذكر حاجه مهمة جدا،

أية هي !؟

ربنا قالنا إن مفيش ضرر بيتم عن طريق السحر ومس الجن إلا بإذن الله،
يعني مش هيحصل أي أذى غير لما ربنا يأذن بكده..

"وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ"

#أنبياء_الله
المصادر:
تفسير ابن كثير
والطبري
والقرطبي
وابن إسحاق باز کردن / نظر دهید

2022-07-30 16:30:27 في مثل هذا اليوم توفي واحد من كبار الصحابة ، من السابقين في الاسلام ، قيل أنه رابع أو خامس من دخل في الاسلام ، و من أوائل من جهروا بالإسلام قبل الهجرة ، كان رأسا في الزهد والصدق، والعلم والعمل، قوالا بالحق، لا تأخذه في الله لومة لائم ..
انه الصحابي الجليل أبو ذر الغفاري رضي الله عنه.

عندما كان المسلمون في غزوة تبوك ، تحسس المسلمون المتخلفين عن الغزوة لـيخبروا الرسول فيقولون: "يا رسول الله تخلّف فلان" ، فيقول دعوه "إن يكن فيه خير فسيلحقكم وإن يكن غير ذلك فقد أراحكم الله منه" ، حتى قيل "يا رسول الله تخلف أبو ذر! "، و بعد قليل نظر ناظر فقال إن هذا لـرجل يمشي على الطريق، فقال رسول الله «كن أبا ذر»، فلما تأمله القوم قالوا هو والله أبو ذر ، وكان بعير أبي ذر قد أبطأ به فقرر أن يأخذ متاعه على ظهره وخرج يمشي وراء الجيش ليلحق بهم ؛ رغم شدة الحرارة ! ، فقال رسول الله: "رحم الله أبا ذر يمشي وحده و يموت وحده و يبعث وحده".

و بعد وفاة الرسول عليه الصلاة والسلام شارك أبو ذر في الفتح الإسلامي للشام وشهد فتح بيت المقدس مع عمر بن الخطاب وبعد الفتح أقام في الشام يفتي الناس ويعلمهم أمور دينهم ويأمرهم بالمعروف وينهاهم عن المنكر ، و لكن كان فيه حدة تسببت في انتقاله إلى الربذة .

توفي أبو ذر الغفاري في آخر ذي الحجة سنة 32 هـ في الربذة و كان أبو ذر لما حضرته الوفاة قد أوصى امرأته إذا مات أن يغسل و يكفن و يوضع على الطريق حتى يأتي أول ركب يمرون، فقولي هذا أبو ذر ، فلما مات فعلت به ذلك فإذا بـركب من أهل الكوفة فيهم عبد الله بن مسعود فـسأل: ما هذا قيل جنازة أبي ذر، فبكى ابن مسعود وتذكر قول النبي: "رحم الله أبا ذر، يمشي وحده، ويموت وحده، ويبعث وحده" فصلى عليه و دفنه بنفسه.

رضي الله عنك يا أبا ذر ، فقد كنت من أعظم صحابة الرسول ، كيف لا و انت الذي قال فيك رسول الله: "من سره أن ينظر إلى تواضع عيسى بن مريم، فلينظر إلى أبي ذر"
و قال فيه علي بن ابي طالب: «لم يبق أحد لا يبالي في الله لومة لائم، غير أبي ذر»، ثم ضرب بيده على صدره وقال ولا نفسي . باز کردن / نظر دهید

2022-07-30 16:30:08 باز کردن / نظر دهید

2022-07-24 10:02:59 هي حاجة واحدة مالهاش تاني،

يا إمَّا دُنيا وترضي عقلك وقلبك وجسدك ، يا إمَّا جنَّة وتخالف هواك.
بس وانتَ بتختار تذكَّر

[ عصفورٌ في الجنَّة خير مِن ألف عصفور في الدُّنيا ].

-د.محمد الغليظ باز کردن / نظر دهید

2022-07-20 15:06:21 قام شاب بنشر صورة لمجموعة طالبات بينهن المتحجبة بالحجاب الشرعي، والمتبرجة، ووضع هذا التعليق :

” لا تعلم من منهن إلى الله أقرب ! فلربما تكون المتبرجة إلى الله أقرب“.

فرد عليه د.سعيد إبراهيم دويكات و د.منتصر أسمر ردًّا شرعيًا مؤصلًا ..فكتب الدكتور سعيد:

-هذا كلام خلط الصحيح والخطأ معًا.. الإيمان إعتقاد وقول وعمل .. لا توجد آية واحدة تقول الذين آمنوا فقط .. كل الآيات تقول الذين آمنوا وعملوا الصالحات .. والعمل يعني الإلتزام بما أمر الله، وأن يظهر أثر ذلك الإلتزام على العامل، والإلتزام بالحجاب أحد هذه المظاهر .. أحد أشكال الإهتمام بالعمل؛ الحضور للشركة والدوام وأداء المهام ، ولا يقبل من أحد أن يقول: صحيح أنني لا أحضر للعمل، ولكني أحب الشركة أكثر من كل من يحضرون ويعملون ؟! أركان الإسلام كلها مظاهر عملية .. صلاة وصيام وزكاة وحج ..وهي تعبير عن إيمان مقره القلب؛ (ولذلك فالإيمان قول وعمل)، ويصبح إيمانًا كسيحًا ذلك الإيمان القلبي الذي لا عمل ولا مظهر يدل عليه !

و كتب الدكتور منتصر :

إن أخطر قولٍ ترديد المقصّرين في العمل بالدين والالتزام به:

"الإيمان في القلب وليس مهم المظهر .... ! "

لو سألنا سؤال :- من أكثر معرفة بالله ؛ أنتم و " ونحن " أم إبليس ؟!!
السؤال طبعا غريب .. والجواب أكثر غرابة ..... وهو: إبليس أكثر معرفة به وإيمانًا؛ لأننا نؤمن بالله والملائكة والجنة والنار ولم نر منها شيئًا، ولكن إبليس كان يرى الملائكة، ورأى الجنة، وكلمه الله تعالى
..= فإيمان إبليس بوجود الله قطعي لا يخالطه شك، ولكنه لم ينفعه . لماذا ؟! لأنه عصى أمر الله تعالى ..! فاتركوا مقولة (لا ندري أيهم أقرب إلى الله !!!) ، المجاهِر بالمعصية (تبرج أو غيره) ؛ لا تكون معصيته دلالة على القرب من الله تعالى أبدًا، بل الطاعة هي علامة على القرب من الله تعالى ..
أما القلوب فليست مقياسًا في عُرفِنا نحن البشر؛ لأن أمرها يعود إلى خالقها .. ونحن نتعامل مع الظاهر .. ومع أن بعض من يكتب هذا الكلام يكون هدفه طيبًا، وقد نلتمس له العذر أحيانًا ..؛ إلا أن هذا الكلام يهوّن من أمر المعصية ، ولا يقيم وزنًا للطاعة ..
وكأنه يقول :- ادّعي الإيمان ولا تلتزم به فقد تكون أقرب إلى الله تعالى ..! وهذا تدليس على النفس وعلى الناس ...! فعلامة صدق الإيمان الإلتزام بما يأمر به من محافظة على الصلاة وعلى الحجاب الذي أمر به الله وغيرها من العبادات.
لصاحبه

منقول باز کردن / نظر دهید

2022-07-18 22:02:56 كل إنسان فينا عنده صندوق مقفول

مايحبش حد يفتحه أو يقتحمه

ممكن فيه ذكريات سيئة ، أخطاء ، حالات ضعف ، ذنوب ، طموحات

حاجة كدا زى سر مافيش حد يعرفه غيره ، خصوصية شديدة

لما حد بيحاول يقرب منه بيحس بشعور سيئ وسلبى ويفقد الأمان

علشان كدا ربنا سبحانه وتعالى حرم التجسس وجعل ليه عقوبة معجلة في الدنيا وهو الفضيحة إلا بقى لو تاب وربنا غفر له وستره

فى فكرة كدا متخلفة منتشرة إسمها رصيد الستر خلص ، وهى فكرة ضد الدين وضد صفات الله واسمائه لأن الله حيي ستير سبحانه وتعالى

والشخص اللى بيتفضح بيتفضح لحكمة ربنا يعلمها قد يكون اراد الله له الرجوع أو عقاب على مافعله

إنما لو حد هو اللى افتعل دا وفتش ودور وتجسس دا مش معناه إن ربنا أراد ذلك حاشا لله

وإلا ماكنش عاقب الشخص دا على تجرؤه على حرمة غيره

حتى الرسول صلى الله عليه وسلم في مواقف كتير جدا كان يقدم الستر على العقوبة

فبلاش تقتحم خصوصيات حد أو تتجسس عليه أو ترغمه يحكى تفاصيل هو لايرد أن يحكيها

لأ تتأله على البشر لأن دا عقوبته شديدة والله ما أنت إلا مسكين مستور ولو أراد الله غير ذلك لكنت من الضائعين باز کردن / نظر دهید

2022-07-18 21:54:37 عارفين إيه أول مداخل الشيطان على الإنسان ؟

النِعم..... يخليك تشوف النعمة بشكل وحش

تشوف أولادك اشقية ومُتعِبين فتنسى تشكر ربنا على نعمة وجودهم فى حياتك.
تشوف اهلك مُتحكمين او عصبيين وتنسى تشكرربنا على حبهم واهتمامهم.
تشوف البيت بتاعك ناقص حاجة او ضيق وتنسى تشكر ربنا على نعمة السكن .
تشوفى زوجك مُتعب وتنسى تشكري ربنا على نعمة الحب و السند.
تشوف مراتك نكدية وتنسى تشكره على المودة والرحمة.
تشوف شغل البيت متعب وتنسى تشكري ربنا على نعمه صحة ولادك اللى بيكركبوا البيت.
حياتك ممكن تبقى حلم لغيرك.
مايبقاش اختبارك في( الشكر) وتعيش حياتك ابتلاء و (صبر)
الحمد والشكر ليك يارب بسبب كل النعم اللي في حياتنا.... باز کردن / نظر دهید

2022-07-18 18:30:50 معرفش إزاي البنات بيهون عليهم يدفعوا أزواجهم بالـ 7000 للميك اب أرتست يوم الفرح إزاي؟!

معلش يعني الـ 7000 متقدريش تجيبي بـ ألفين منهم ماتريال كويسه وتحطي لنفسك من غير جو التشطيب والنقاشه ده، ده غير إن الموضوع مبقاش صعب فيديوهات تعليم الميك اب خطوة بخطوة مالية اليوتيوب والفيس زائد إن الماتريل اللي هتجيبيها مش هتكفيكي ليوم الفرح بس دا تكفيكي سنين قدام.

واكتشفت من كام يوم ميك أب ارتيست حجزها فقط 10.000ج وواحده حجزها بـ 12.000 ولفة الطرحه 2000ج!

أنا بقيت أسمع أرقام مهولة في تأجير الفساتين 9000 ،15.000 ليه دا كله؟!
ده إيجار ساعتين وهتوديه تاني؟!
ده غير لسه السيشن وفلوس الفوتوجرافر.

هو في إيه أنتم اللي مأڤورين ولا أنا اللي مش فاهمة والمفروض أشوف إنه عادي يندفع 13 ألف ميك اب وفستان و 15 ألف وساعات 30الف! و 50الف.

ولا أنا شكلي بخيلة ومبحبش الفرح، ولا بشجع العريس هو اللي يطلب كده لأن ساعات بيكون بخيل فعلاً.

ومحدش يبخل ع نفسه طبعا، والموضوع مش بخل علي النفس علشان الواحد نزيه مع نفسه الحمد لله.

يعني اصرفوا الفلوس دي بس على استفاده حقيقيه، اعملوا اطعام بنية بركة الزواج، احجزوا لعمرة، اعملوا وليمة، سافروا بيهم.
تكلفة الفرح بالهيصه تسافروا بلد اجنبي سياحه، وهو تبقوا عملتوا حاجه تقريبا مكنتوش عمركم هتعملوها وهتتبسطوا جدًا.

جماعه بجد مش متخيله احجز ميك اب وليلة تدخل في 50 ألف وساعات اكتر ومش ببالغ.. واجي في نهاية اليوم أغسل وشي والاقي ده بيقع في الحوض، يا نهاري بجد!!

- أقلهنّ مؤونة أكثرهنّ برَكة- .

مقتبس باز کردن / نظر دهید

2022-07-17 10:00:01 الصورة دي اللي اتلقطت اليومين دول بتوضح شكل النجم من ٢٠٠٠ سنة التقطها التليسكوب الجديد بتاع ناسا .. جيمس ويب
طيب هو شكله إيه دلوقتي .. منعرفش
ليه .. لإن ببساطة الضوء محتاج يسافر لمدة ٢٠٠٠ سنة عشان يقطع المسافة بينا وبينه
يعني هنعرف وضعه دلوقتي إيه بالظبط بعد ٢٠٠٠ سنة (لو عشنا يعني :D)

يمكن الكلام لحد دلوقتي مفهوم فزيائيا بس خلينا نعكس الموضوع .. وخلينا نتخيل إن مش إحنا اللي بنتفرج على السما .. لا دي السما هي اللي بتتفرج علينا .. يعني ايه ؟!

تخيل لو انت واقف على القمر ومعاك تليسكوب وقادر تشوف اللي بيحصل على الأرض هتقدر تشوفه بعد ما يحصل بأجزاء من الثانية .. لإن المسافة قريبة
طيب لو انت واقف على الشمس (بغض النظر عن الحر وهتلسع وكده .. ركز بس :D) هتشوف اللي حصل على الأرض بعد مدة أطول
وكل ما تبعد هتشوف اللي بيحصل بعدها بمدة أطول ..
بمعنى إن دلوقتي وإنت بتقرأ البوست ده في مكان بعيد جدا في السما لسه واصله حالا صورة قابيل وهو بيقتل هابيل !!
ومكان أقرب منه فيه صور الأهرامات وهي بتتبني
ومكان أقرب فيه صور ميلاد المسيح
ومكان أقرب فيه صور سيدنا محمد وهو بيخطب خطبة الوداع
ومكان أقرب في صورتك امبارح وانت بتعمل عمل صالح يرضى ربنا (أو ... )

كل ده مسافر في السما .. كل طبقة فيها صور من زمن فات
وكإن السما سجل مفتوح مليان صفحات ويوم ما ينطوى السجل ده هتلاقي فيه تاريخ الكون كله من يوم ما بدأ .. وده وعد ربنا

بسم الله الرحمن الرحيم
(يَوْمَ نَطْوِي السَّمَاء كَطَيِّ السِّجِلِّ لِلْكُتُبِ كَمَا بَدَأْنَا أَوَّلَ خَلْقٍ نُّعِيدُهُ وَعْدًا عَلَيْنَا إِنَّا كُنَّا فَاعِلِينَ)
صدق الله العظيم

محمد الديب باز کردن / نظر دهید

2022-07-17 09:59:57 باز کردن / نظر دهید