#روايات و#قصص #عراقيه #واقعيه

2023-07-22 21:16:35 2
سهيلة: فترة وايام صعبة وينكضن ،ماكو شي يبقى على حاله
ومريتك تعبانه والصار وياها خله رويحتها تفرفح من البارحه لليوم
شدعي عليج يفلك يبت فطيمة
عساااااج بنار الها اول مالها تالي تاكل بروحج اكل ،مثل ما حركتي كلوب وليداتي
ولك يمه انا كلما اتذكر خويلد وروحه المفرفحة بحضني على مريته وانا تشب روحي من القهر والحسرة
26
سودة عليه ييمه راح وهو روحه شايطه على مريته وعلى ابوه وكله طلع منها ومن سواياتها ،،
هذال: حجتها وكامت تبجي وتنعي واني روحي فرفحت
يااا اللله فدوه لاسمك مو هيج والله مو هيج شهالعذاب مو رواحنا اتكعطعت
اجه جواد يمها كعد يم رجلها وكام يبوس بيدها ويسكت بيها وانا ما اتحملت بعد عفتهم وطلعت صعدت فوك
جانت باب غرفتي مفتوحه نصها شفت فردوس وحنان وحوراء كاعدات يمها وهي متمدده ما مبين اذا كاعده لو نايمة
جريت حسرة مو نفس ،وكملت دربي ورحت لغرفتها القديمه
سديت الباب عليه وطفيت الضوه اريد اطلع من هالدنيا
جانت ساعة ٣ الضهر ،خليت راسي عالمخده ورجعت جريتها وخليتها على وجهي وكمت ادور ريحتها بيها
اعرف صارلها شهور ما نايمه عليها بس تبقى هاي مخدتها ،،وبقيت هيج لحد ما ثكلت عيوني وغفيت ،،،
.
.
سرى: فتحت من البنج وبديت احس بالوجع وفرفحت اصيح وابجي
عمتي وعمي فوك راسي وصاحو الدكتورة اجت ضربتني ابره مسكنه
واني ابجي و ادور على بشار الساعة كبالي بالغرفة جانت ب٤ ونص الفجر لان اني من الليل اطلك وتالي ماعرف ورا شكد فوتوني للعملية وهسه فتحت ،،حجيت بالكوة
عمة وين بشار ؟!!
جنات :جاي والله بالطريق سودة عليه اتخبل بس خابرناه محاجي الامر مالته و طلع مناك هسه على جية ليضل بالج
سرى: رجعت حرت بوجعي حتى نسيت اسأل على بنتي من الوجع لحد ما حسيت المسكن جاب نتيجة،وراح الوجع
الغرفة جانت سنطة وبارده وعمي وعمتي جانو يصلون واني رجعت غفيت
حسيت وره ماعرف شكد
على صوت بشار يمي يحجي بهدوء وباسني من راسي ومنا بطني نغزتني
فتحت عيوني لكيته كبالي اول ما شافني ابتسم ورجع باسني بلهفة من راسي
2
بشار : الحمد لله عالسلامة يا عشگي
سرى: جانت الغرفة فارغة مديت ايدي لوجهه اتلمسته واني مبتسمه
شوكت اجيت ،؟
بشار: صار نص ساعة هنا انا وطردت اهلي بره وجاي اكعد بيج وانتي ماكو احساس تكول تاير ومبنچر ،،
17
سرى: مخلي راسه على راسي واني لازمة وجهه
رفعت وجهي بصعوبه وبسته من خده ،وحجيت
ماحسيت والله يمكن الابرة بيها منوم ،البارحة انشلع گلبي عليك ردتك يمي ،
بشار: انا الطريق كله الوب تكولين انا الجاي اجيب مو انتي ،بس هم الله يحبج ويحبني وخلاني بعيد من جبتي
انا لو هنا چا فتت وياج للصاله من لوبه روحي ،،
35
سرى: اووف بشار لا تضحكني بطني توجعني ،
بشار: هسه انا ابوسها ويروح الوجع
سرى: ههه اي مو انا جاهله وتقشمرني بهالحجايه ،
ولك شگو بطني سبع طبقات من وراك
2
بشار: لا بالله !!! چا بس انا رايد الخلفة مو؟ اذا هيج بعد لتخلفين ابد
سرى: حجاها ورافع حاجبه
ضحكت ورجعت بسته وكلت ،لا اتشاقة وياك انا اجيبلك بعد دستة وما افك حلكي
بشار : فدوة لهذا الحلك وهاي الشفة شو خل ابوس
سرى: اتقرب راد يبوسني وصحت بالجذب
ااااخ بطني
وهو فز بسرعة مخروع وما يدري جاي اجذب عليه ،
بقى حاير بيه ها اجيبلج دوه اصيح الدكتورة اعدل نومتج
واني صافنه عليه ولازمة ضحكتي بالكوة ،شويه ورجعت سالته على اهلي
حبيبي ما سمعتو شي على هذال وجيلان
باوعلي بصدمة وكال
بشار : ليش شبيهم ؟!!!
سرى: بليل حنان كالت هذال بالمركز وجيلان متخربطة
فدوه خابرهم شوف شصار وياهم
بشار: وج لا تخبليني غير افتهم شصاير وياهم
سرى: ماعرف والله بشار ما افتهمت منها تكول واحد طابلهم للبيت بالسلاح ومتلازم ويا هذال وبعد من الوجع مالتي ما افتهمت شي ،،
بشار: اوكفي خل اخابرهم
سرى: جانت ساعة ٦ الصبح دك على هذال ماكو تلفونه مغلق
وراها دك على جواد طلع نايم وكعد عالتلفون
حجى وياه وحجاله كلشي وكاله الضهر اروح انا وعمي سلام نطلعة
بس ما حجى كلشي بالتفصيل بالتلفون وكل العرفناه منه ان واحد سكران طابلهم للبيت ،،
بقينا بالمستشفى ،عمي وسيف رجعو للبيت وبشار وعمتي يمي
جابولي بنيتي لحضني حتى ارضعها وبشار مكابلنه وكاعد مفرفح عليها ،
صارت ساعة ٩ الصبح واجونا عمي برهان وعمة اخلاص يتطمنون عليه
وحجولنا كلشي صار
بلحظة حسيت روحي ما مهتمه ولا مقهورة ولا مصدومة من سواية الي اسمها امي
بس گلبي احترك واني اتخيل جيلان شصار بيها هسه وهي تعرف الصار ويا امها
الدمعة وكفت بعيني واحس عيونهم عليه ،مسحت دمعتي وحجيت بغصة
1
ليش تباوعولي ؟!! ترى انا مقهوره عالصار ويا ام جيلان وحالة جيلان هسه
ما مقهورة من السوة السالفة لان ما يربطني بي كلشي باز کردن / نظر دهید

2023-07-22 21:16:35 فردوس: الحمد لله على كل حال
الدكتورة: يرادلها راحه وخل تاكل اكل يزيد الدم حتى تعوض الدم الي فقدته ورجال ممنوع حتى لو نظفت لازم تبقى فترة لحد ما الرحم يرجع يرتاح ،،
13
جيلان: اخذت عمة منها الراجيته و طلعنا
وعمة حاضنتني تريد تهون عليه وهي متعرف الجاي احس بي والنار المشتعله بيه
منا خبر امي وموتتها الغدر ومنا طفلي الجان بنفسي من اول يوم صرت لهذال واني اتمنى احبل وافرحه لان ادري بي كضى وضيع سنين من عمره ورايه ونسى روحه لحد هالعمر ماعنده طفل ،
13
ردت اني اعوضه واترس حضنه وحياته بجاهل يعوضه سنين التعب كلهن
ومن صار هالطفل ضاع حتى قبل لنفرح بي ،
ومنو ضيعه؟!!! فلك ؟!!بعد شراح تاخذين مني ؟
10
اااخ نار نااااار مشتعلة بيه لا دموع ولا صراخ ونوح يطفيها ،
بقيت بس ساكته واحس النار تطلع من انفاسي ودموعي لو بيدي ولو اكدر اسيطر عليها جان هم منعتها وما خليتها تنزل لان ما منها فايده ولا جاي تطفي شي من ناري
طلعنا ولكيناه ينتظرنا اجه بسرعة ولهفة علينه وسال
وحجتله عمة الصار بتعب وقهر ،.
جانت عيوني مو عليهم ولا عقلي يمهم كل الي احس بي اني موجوعة حيييل
اريد اموت اريد انام وما اكعد اريد بس احط راسي على مخدتي وافصل من هالدنيا كلها
1
اسمعه جاي يحاجيني واني مو يمه بس اشوفه كبالي لازم ايدي وعيونه حمر
جاي اشوفه واسمعه بس ما جاي افهم كلامه احس كلشي مغوش وبالي مو يمه ابد
فردوس: اباوعله شلون روحه محروكه وواكف يسأل بيها ويتوسل بس حتى يسمع صوتها ومنا الخبر الي سمعه خله روحه تلوب ،حجيت بقهر
هذال امشي يا عيني خل ناخذها ترتاح ،
وكافي انت تسحن بروحك هيج هسه من ترتاح ترجع تحاجيك
هذال: بلعت ريك وياه حسرة وكفت بصدري وانا گلبي مفرفح عليها وعلى حالتها
اتمنى اشيلها واحطها بكلبي وما اطلعها ولا اخلي بشر يجيسها
احاجي روحي بعتب وتعب
وين اضمها وييين ؟!! وين اخذها واخلصها من شر هالدنيا
اااخ ربي والحسيييين الشريف ماكو احد شايل هم مثل الشايله انا
ماكو احد يحصل كل هالسجاجين بضهره من امه مو من غريب
واليقهر واليحرك اكثر ،ان ما اكدر اكتلها ما اكدر اذبحها احركها اسكطها واطفي النار الشعلتني انا ورويحتي بيها
18
اخذتهن ورجعنا للبيت وانا گلبي وعيوني وكلشي بيه صافن بكل حركة منها ،بمشيتها المتعوبه بملامح وجها الموجوعة بعيونها الغركانة دمع
صافنه عيوني بيها وكلبي يتطشر اشلاء كلما اشوفها متأذية
انا هموم الدنيا كلها ما تأذيني بس هي تكسر ضهري وكلبي وتفرفح روحي عليها
صعدتها بيدي للغرفة وهي تمشي بتعب وتعبتني عيونها الما جاي تباوعلي واحس گلبي يصيح ويصرخ ويكلها مو انااااا و الله مو انا السببب،،
اجوي البنات بسرعة يمها للغرفة وهي مددت بسرعة عالجرباية عفتها وطلعت نزلت بسرعة واحس الدنيا كلها مو بعيني اريد اشرب من دمها اريد ابرد كلبي بيها بس شسوي ما اعرف ،،
صارو بوجهي ابوي وجواد من شافوني طالع بسرعه جلبو بيه حيل
جواد وكف بوجهي يدفعني
جواد: وييين رايح شبييك !!!
4
هذال: وخرررر جواد ،ارد اشوف حل ويا امممك المشعووولة
وحق علييييي الكراااار اذا ما اهججها منا ما اطلع من ضهر ابوووووي
صرخ ابوي بوجهي ،
عباس: اوووكف ،انا رايحلهم وانا اعرف شراح اسوي ،ماااااالك دخل انت
26
هذال: شلووون شلون مالي دخل وانا اكثر واحد بيكم اشتعللللت صفحته وضاك الضيم وشابت روحه من القهر ولكم سنيييين ضيعت من عمري وانا روحي تطلع مني بكل يوم وكلبي يشتعل وطلعت هي السبب
ولكمممم لحد البارحة هي داست روسنا بأكبر وحلللل واليوم اخسر الجاهل البعدني حتى ما لحكت افرح بييييي وكله من وراها شلووون مالي دخخخل ؟!!!
صرخت واجه جواد عليه رجع جرني
جواد: كافي هذال كااافي انعل الساعة السودة الصرنا بيها خلفتها
عوفه هو يدبرها وياها كلللله مننننه وخل هو يروح يحلهااااا
هذال: حجى جواد بصياح وهو يباوع على ابوي ومحمله الذنب كله
عافنه ابوي وطلع واخذني جواد ورحنا للصالة احس راسي جاي يفور
كاعد عالقنفة ايدي على راسي طلعت جكارة احسها بجرة نفس وحده تخلص
بقيت اجر وحده وره الخ وجواد كاعد كبالي يباوعلي وساكت اجت جديتي تمشي بتعب وكعدت يمي
وانا كاعد رافع تك رجل عالقنفة وايدي عليها والرجل الثانية بالكاع ومرتجي على ضهر القنفة ،
خلت ايدها على ايدي الي مرجيها برجلي وحجت
سهيلة: الله يعوضك يابعد روحي انت
لا تقهر روحك، مريتك صغيرة وبأول عمرها وانت رجال والرجال مهما كبر ما ينعاب والعمر كدامك وتجيبون بمكان الراح عشرة
13
هذال: جريت نفس ومديت ايدي فركت جانب وجهي والجكاره بين اصابعي جانت
ورديتلها بتعب
ما رايد الخلفة انا ،،رايد ارتااح والحسيين رايد ارتاااح ،وراحتي بيها بضحكتها بفرحتها وهي رايحه ومنتهيه كبال عيني ،شلون ترديني ما انقهر ! باز کردن / نظر دهید

2023-07-22 21:16:35 طلعت من يمي بسرعه واني وكعت بالكاع وايدي على وجهي امسح بدموعي واشهك حتى وجعي نسيته
ربي ردت افرح بهيج خبر مو انفججججع ،،والله بنفسي الجاهل اريد افرح هذااال بيييي،
سمعت صوت عمة وهي تصيح هذال بعلو حسها ،واجتني بسرعه وبيدها ملابس ومنشفه
وكفتني بالكوة رادت تاخذني للدوش تسبحني ،حجيت من بين دموعي
اني اسبح والبس روحي عمة ،،
فردوس: خاف ما تكدرين !!
جيلان: لا اكدر
فردوس: بسرعه لا تتاخرين حتى نروح للمستشفى ،
عفتها وطلعت لكيت هذال كبالي يلهث مبين صاعد بكل سرعته ونظراته عليه بخوف
هذال: شكووو شبييييج؟!!
حجيت وانا اتلفت لباب الغرفة ولفردوس الطالعة من الحمام
فردوس: رديتله بحركة
مرتك يمكنها حامل وما تدري بروحها وهاي امك الچلببببة دفرتها ابطنها وهسه دمايتها بطولها
وجاي تملخ بروحها جوة
6

هذال: احس احد مد ايده لگلبي وجره حيل والنار اشتعلت بيه
صرخت حيل
لا تكولييييين اممممممك لا احرك الدنيا على راااسج وراسهاااا
رجعت بلهفة ووجع اسال عليها
وينهااا وينها هسه؟؟
،احجي وكلبي جاي ينثرررم مو بس يتكطع
جاي اتخيل حالها وانا كبل نص ساعه جنت يمها وهي تنازع بيدي چا شلونه حالها هسه؟!!
3
فردوس: هسه جاي تلبس بالحمام ،
بقينا ننتظرها دقايق وطلعت تمشي بالكوة من الحمام احسها تريد شي تستند عليه
بس شافها هذال وركض عليها مثل الجاهل جلب بيدها ولف ايده على خصرها وهي منتهيه بالكوة تمشي ،ولازمتها البارده
احس عيونه تريد تاكلها اكل من خوفه عليها ،باوعلي وصاح
هذال: جيبيلها العبايه بسررررعه ،
جيلان: وجع خفيف ببطني وضهري بس جسمي كله نحلان حيل وبردانه ومنظر الدم وفضاعته مجاي تروح من بالي
وكله بجفه واذا صدك حامل وهذا طفلي الراح ،وبسبب منو ؟!!
بسبب فلك ؟! بس مجرد اتخيل هذا الشي واني هسه انتهيت اذا طلع صدك شراح يصير بيه ماعرف ،،
7
محاوطني بيده وساندني على جسمه ،عيونه عليه بخوف وانفاسه السريعة والخايفة يم راسي تضرب ،،
حجيت بتعب
هذاال برر دانه
هذال: جنت محاوطها بيدي وانتضر فردوس تجيب ملابسها وهي كالت الحجاية وسمعت حسها التعبان ،
احسها شكت كلبي بنبرة صوتها
شلتها لحضني لميتها وخليت راسي بركبتها وانا اجر الحسرة والنفس منها
وحجيت بصوت مكتوم وانا مغمض عيوني
1
يموت البرد كون انا ادفيج بروحي ،اهدي يا رويحة هذال انتي بحضني هسه اهدي وكافي دموع اروحن فدوه لعيونج ،كافي تحركين بروحي حركك
بعدني احجي وياها واجت فردوس بسرعه
فردوس: نزلها خل البسها ،
وكفها بالكاع ولبستها صايتها وشالها
وهو رجع شالها ونزل بيها بسرعه وانا وراه نزلت لغرفة امي بسرعة لبست حجابي وصايتي
واسمعه يصيح لجواد يكله افتحلي باب البره بسرعة
وصوت امي وحنان وحوراء وهن يسألن بخوف عنها
وهو ساكت ادري بي مايعرف شيجاوبهن ومنا جواد واكف
طلعت بسرعة للمطبخ
لكيت جواد طالع للكراج وهو وراه طلع بسرعه وهو شايلها
عيني وراه بقلق شفته كعدها بالسياره ليورا والبنات يمي يسألن شبيها ؟!! هم اتخربطت ؟؟
5
فردوس: رديتلهن بسرعة وانا طالعة
جاي تنزف من الضربه الاكلتها من فلك الكح...
11
عفتهن وطلعت صعدت يمها ليوره جانت كاعده ولافه ايدها على بطنها وخلت راسها عالجامة الجانبيه
هذال شغل السيارة بسرعة جواد كله خل اجي وياكم وهو ما قبل ،،
جيلان : بقيت بس لازمه بطني وروحي هدئت حيل بس بعدني ابجي بهدوء والدمعة تنزل بلا صوت ،كاعده عالكشن الوراه وراسي مره اخلي عالكشن ليوره ومره عالجامة الي بصفي
واشوف عيونه الخايفه والرجفه الي بملامح وجهه كلما اشوفه بالمرايه الجانبيه
حسيت بأيد عمة الي تخلت على ايدي
فردوس: متأذية يمه ؟! شنو يوجعج گليلي !!
1
جيلان: هزيتلها براسي بمعنى لا ورجعت راسي ليوره
لحد ما وصلنه للمستشفى جانت مستشفى اهليه
عمة فردوس كالتله عليها لان بيها دكتورة تعرفها وخابرتها اول ما طلعنه وكالتلها جيبوها للمستشفى
،نفسها الي تراجع يمها سرى وبنات عمامي
1
نزلنا ودخلنا بس اني وعمة وهو بقى يم الاستعلامات
اتلكتنا الدكتوره واخذتني للفحص وعمة حجتلها وكالتلها انضربت ابطنها وصارت نزيف وما نعرف اذا حامل او لا ،
فحصتني الدكتورة وسألتني عن اخر موعد للشهرية وبقت تسأل
لحد ما كملت فحص
وطلعنا يم عمة وكالت الدكتورة
الدكتورة: ماما انتي من اخر موعد لشهريتج وانتي شايله،واليوم من الضربه صار عندج اسقاط بحيث هسه من فحصتج ما باقي اثر للطفل كله ذابته وحتى كورتاج ما يحتاجلج
و راح اكتبلج ابر وحبوب هي تنظف الرحم
99
جيلان: احس گلبي انمرد والدموع كامت تجري من عيني الغوشت كلما امسح دمعه ترجع الثانية تترس عيني ،،
وعمة كبالي القهر مبين عليها رجعت الدكتورة كملت حجي
الدكتورة: لتبجين ماما بعدج صغيرة وتعوضي ،
وحمدو ربكم ما صاير شي برحمها لان الضربه الخلت طفل هيج ينمرد ويوكع جان المفروض اتأثر برحمها هم بس بقدرة الله وصلت بس لهالحد ، باز کردن / نظر دهید

2023-07-22 21:16:35   تصفح

جرب البريميوم
تسجيل الدخول سجّل اشتراكك

صغيرة ال حمدان
من قبل roshan9797




الجزء الاول من البارت الاخير
106K 6.7K 1.9K

بواسطة roshan9797
اعذروني حبايبي عالتاخير انوب والله النت يمي ضعيف بس هذا احلى بارت لعيونكم
2
بعدني ممعدلة البارت
(صغيرة ال حمدان)
للكاتبة روشان
البارت الرابع والخمسون والاخير
4
ريحة ليل تندهني وأسولف بيك..
وأتوسد حلم ملگاك وأغفه بحسبة متانيك..
وأفز محتاج لشلونك..
تهت والعافيه عيونك..
أفز محتاج والگه الشوگ ريحة ليل تتوضه بنبع طاريك..
أفز محتاج وألگه رويحتي تناغيك..
أشوف صباي حسرة ليش مو يمك؟؟
تهزني الروح حسرة ليش ماشمك؟؟
يفّـي عمري.. وملاذي وشوغتي وستري..
خذتني الناس واهس وانته ماتدري.
خذتني الناس سلوة وانثلم عمري.
خذوني هواي منك سالفة وعبرة وبواچي فياي وانته موالف ويه الليل لبصدري..
لاتذبح احلامي ونذور لضنونك
تهت والعافيه عيونك....
(هذال)
5
شنسى منهن!
‏حدة الصوت و سمارك ،
‏طولك ، و نبرة ضحكتك
‏و الحچايات الحنينه
‏الـ منهآ صرت اعشگ لهجتك
‏شنسى منهن؟
(جيلان)
17
آنة جريتك نفس
گوة اعله ريتي
وهسه حيرة
منين ما اهدك اموت ...
(بشار)
4
أخذنـي أحتـاجلـك منفى!
أخذنـي الوطَـن مو كلـشـي
أذا مو شابـگـك و أغفـى !
(سرى)
.
.
.
جيلان: كعدت بالكاع بعد ما اتحمل الوجع لميت روحي
وجسمي يرجف واحس روحي اشتعلت نار،
بقيت هيج لامه رجلي على بطني لحد ما تعبت من الالم و ارتخيت ومديت رجلي وارتجيت عالباب الجنت كاعدة يمها
1
صارت عيني على حضني لو كل جسمي رجف وانفضت من مكاني واني اشوف الدم تارس ملابسي من جوه
فزيت من مكاني ووكفت بتعب ،كمت اكلب بالدشداشة
والكاها كلها دم من وره والكاع مكان كعدتي صاير طكعة دم ،،المنظر يخوف واني الرجفة لازمتني ،فتحت الباب بسرعة وطلعت بخطوات سريعه للحمام وقفلت الباب عليه ،
رغم حراره الجو بس كمت اطك سن بسن،ذبيت ملابسي واشوف الدم من بين رجليه ،وماعرف السبب !!
ردت اصرخ من الخوفة والرهبة الحسيت بيها بس كتمت صرخاتي بيدي
وبقت دمعتي تنزل وكفت جوة الدوش وفتحت المي الدافي احس جسمي جاي يچوي وما اتحمل يطخه المي البارد ،
والدم بعده ينزل بغزاره سديت الدوش وكعدت عالتختة مال حمام بخوف ولامة جسمي
الوجع اخف بس الخوف والموقف الي جنت بي خلاني اتخبل ،وكل جسمي كام يرجف
فزيت على صوت الباب اندك بقوة وصوت عمة فردوس الجاي تصيح
فردوس: نزلت هذال جوة وبقيت اهدي بي لحد ما اقتنع يبقى جوه حتى يعوفها ترتاح ،
ورديت انا صعدت الها ارد اشوف حالتها وابرد گلبي المحترك عليها ،،
وصلت للغرفة جانت الباب مفتوحه واثار دم مطبوعه عالكاع والغرفة فارغة
شهكت من شفته ،وبالكوة جريت النفس انداريت بسرعة ارد ادورها وينها !! لكيت باب الحمام مقفوله وعرفت هي هنا
احس رجولي بالكوة حاملتني والف شغله صارت براسي ،وخفت لا مأذيه روحها
بس الدم جان مثل الممسوح من الكاع
مو مال دم جرح ونزف ،.
دكيت الباب عليها بلهفة وخوف وصرخت

جيلاااان يمه انتي هنااا،،رديلي لا تحركين گلبي عليج
شبيييج شنوووو هالدم ؟!!!
فتحي الباب شوووو،،
جيلان: كمت وكفت برجفة ريد افتح الباب واني ما لابسه شي ولا جايبه ويايه ملابس ولا منشفه
جريت دشداشتي الجنت لابستها وبس لفيت جسمي بيها لان ادري بعمه راح تتخبل من تشوف وضعي وتجفت عليه للحمام
فتحت الباب شويه واني جسمي يرجف ماعرف من الصدمة لو من البرد الجاي احس بي
وحجيت بالكوة واني اطك سن بسن
عمة.... جاي انزززف
اني كلتلها هيج وهي دفعت الباب عليه بخوف ودخلت يمي بسرعه
من شافت منظر الدم بالكاع لطمت على صدرها بقوة وشهكت
واني لافه جسمي بالدشداشة ومحاوطه روحي بيدي بس جتافي ورجلي طالعه كلها من جوه ،
ارتجيت عالحايط بتعب
فردوس: عززززه العزاااني يمه عزززه
وج شصااايرلج جيلاااان ،شنو هالدماااية ،
فدواتك ربي انا بدون شي اشوف الدم روحي تروح انوب هاي كبالي جاي تنزف وانا راسي افتر
كل الي اجه براسي ،كلت اخاف من الضربه مال الساقطة فلك صاير شي برحمها
ورجع اجه ببالي اخاف حبله وماتدري بروحها!!!!
سالتها بسرعة وبخوف ،،جيلان عمه باعيلي
حجيت ولزمتها من وجها وانا كمت ارجف ويا رجفتها
عمة انتي حبلة؟؟ فايتتج ؟؟!!
2
جيلان: بقيت فاكة عيوني عليها بصدمه ،،واتذكرت صدك فايتتني صار هواي واني مادري بروحي ،
يعني حااااامل ؟!! كلتها ويا روحي ورجعت دموعي تنزل واني النار اشتعلت بيه من جوه
صرخت بوجه عمة بوججججع وتوسل
2
لا عفيييييه ،عمممة ليرووح الجاهل اريده واللللله اريده
فدوه عمة اذا حامل ليروووح منيييي فدوووه ،،،
اخذوووني للدكتورة خل تنطيني دووووه ،صيحي هذاااااال خل ياخذنننني
14
زادت رجفتي وكمت اصيح بدون وعي وطاكة بجي وعمه تسكت بيه وتبجي ويايه باز کردن / نظر دهید

2023-07-22 21:13:44 لكيت الباب مالتهم مفتوحة والصوت واصل ليبره،
دخلنا نركض مثل المخابيل عالصوت
ولكيت فردوس جاي تكتل بفلك ومن شافتنه وخرت منها بسرعه وراح جواد سندها وكومها منها وهو النار تطلع من عينه ويريد ياكل فلك بسنونه
وهي بعدها تسب وتفشر
فلك: ولكم كوا.... انا اخلف واتعب وتالي تشمروني وهاي الساقطة تضربني كدامكم وما تحجووون
انا لو مربيه جهال من الشارع هم چا گلبهم حن علي،
16
جواد: هسسسس حسسج ما اهيييسه لا والخللللق الاسلام اذبببحج بيدددي،وج انتيييي ام انتتتتي
وج هو احنا لو نغوووووله لو من الشارع هم اشرف ما تكونين انتي امنا
وج انتي عااااار علينا وعلى خلفتناااا انتي انكس بشر خلقه الللله ،
1
هذال: صيح صياح بحركة احس اذني انزرفت وهي اخرست بعد ما طلع حسها
عيوني صارت على جيلان ،شفتها واكعه بالكاع ودموعها تجري ،لو روحي طلعت ،فردوس يمها تكوم بيها وهي متكدر توكف
جاي تتاذه وانا كلبي اتشكك عليها وماعرف البيها ،، وصلت يمها وصاحت فردوس
فردوس: هذال شيلها ما جاي تكدر توكف ،
هذال: دنكت عليها بسرعه وشلتها بحضني وهي تصرخ بصوت مكتوم
جيلان: شالني واني روحي جاي تتكطع منا الوجع الي بكلبي ومنا وجع بطني احس اكو شي جاي يتكطع ببطني ،وحتى هو ماريده من الجاي احس بي
50
اخذني وطلع واني الوب بيده وصلنا للبيت وصرخت برجفه
وديني للغرفه ...
باوع بعيني بخوف وحجى برجفه وهو عينه عليه احسها تريد تضمني جوه جفونها
هذال: شبيج حبيبي ،شنو يوجعج ؟!
جيلان: اجوي ورانه كلهم واني صرخت بخبال احس روحي فقدت
وديني للغررررررفة...
هذال: هسسس هذا هو
جيلان: حجاها وصعدني بسرعه للغرفه
اول ما دخلنه كلتله
نزلننني وروووح بسرعة
نزلني وبقى يباوعلي بقلق واني وكفت بمكاني بالكوة والوجع جاي يعصرني عصر ،
حجيت من بين دموعي بتوسل،
اطلع هذااال
اجت عمه فردوس ورانه بسرعه ،واني صحت
عوفووووني عووفوني فدوووه
احجي ولازمه بطني وكل جسمي يرجف ،جرته عمه بالكوة طلعته من الغرفة وهي تتوسل بي تكله خل ترتاح وتعال شوفها ،
بس طلعو واني سديت الباب وراهم بعدني ما لحكت اقفلها ولزمني مغص ببطني قوي وحسيت احشائي جاي تتكطع
وضهري هم ،،كعدت بالكاع بعد ما اتحمل الوجع لميت روحي
وجسمي يرجف واحس روحي اشتعلت نار،
بقيت هيج لاكه رجلي على بطني لحد ما تعبت من الالم و ارتخيت ومديت رجلي وارتجيت عالباب الجنت كاعدة يمها
7
صارت عيني على حضني لو كل جسمي رجف وانفضت من مكاني واني اشوف الدم تارس ملابسي من جوه ،،،،

...يتبع باز کردن / نظر دهید

2023-07-22 21:13:43 حجت بصوت مفهوم وهي مبتسمه
5
فلك: حركت گلب ابوووج الكو... مثل ما حرك گلبي على خيتي الماتت بعز شبابها
لوعته وحرمته الراحه بايامه العاشهن كلهن ،
انا ما اخاف من احد حتى اكول مو انا الردت موتتها
،
انا خسرت كلشي
وماعندي شي بعد اخسره
ردت احرك كلب ابوج وحركته وهسه انا ارتاحيت وانا اشوفج انتي هم محروكة عليها
75
جيلان: احس كل مكان بجسمي كام يرجف واني اسمعها وروحي فرفحت وهي رجعت كملت حجيها
فلك:اييييي انا الدزيت عليها ،وانا البقيت شهووور ادور مكانهم حتى بس احصلها
وما اترددت بموتتها اببد
بس انا اغلططت لن لو ادري بيها مخلفه
چا خليته يكتلج وياها بنفس اليوم
ولا تكبرين وتوكفين بوجهي وتاخذين ابنننني ،واخسر كلشي من ورااااج
3
وهسه ابقي احتركي واشتعلي بنار گلبج عليها وخليني انا ارتاح وافرفح وانا اشوفج تتعذبين ،مثل ما فرفحت من شفت ابوج يتگله عليها
27
جيلان: هي كالت اخر كلمه واني هجمت عليها ماعرف وين اضربها
اول ما لزمتها وروحي مفرفحة جريتها من شعرها ووكعتها من القنفة للكاع وصرت فوكاها وبديت اكطع بيها
ملختها من راسها
واجن مرت محد وبتها بسرعة يردن يجرني منها واني فاقده والي تطخني بيهن ادفعها
وماعرف منين اجتني كل هالقوة ،وهي مثل الحية لا شلل ولا غيره بقت تضرب بيه وعمه فردوس اجت جرت مرت محد مني
48
فردوس: روحها فرفحت سودة عليه مثل الطير المذبوح ومنا الكلبه بت الكلب فورت دمها وحركت كلبها بالزايد وانا اسمع حجيها وحركة كلبها ودموعي تجري وياها ولو بمكانها انا مو بس اكتلها وحتى حرك احركها
من شفت مرت محمد جاي تجر بيها واني رحت جريتها منها وصرخت
عيفييييها عيفيها تبرد كلبها
الللله يحرك كلبج فلللك الله ينتقم منننننج،
جيلان: ماعرف وين اضربها كمت اشيل راسها واركعه بالكاع وهي حتى دفرات دفرتني ومدت ايدها لشعري ملخته
واني ما هديتها وجها صار خريطه ملخته باضافري
ورجعت من لوبه روحي المفرفحة كمت بقبضه ايدي اضربها على صدرها هيج اتمنى لو بيدي سجين واحطها بكلبها هسه
وهي تضرب بيه ضربتني على خشمي بيدها خلت روحي تشوغ وعيوني يطفن ،واني من الوجع الحسيته لزمت خشمي بيدي الثنين وما حسيت الا دفرتني حيل برجلها على بطني حسيت مصاريني انمردت عالوجع الصار بيه ،
وكعت بالكاع وهي رادت تهجم عليه واجت عمه فردوس تركض هي وحنان وشبعنها كتل
3
وهي طلعت جذابه لا مشلوله ولا ابد حتى مرت محمد بقت صافنه عليها لان تتحرك كلشي مابيها بس حلكها عواج بسيط بي ،
وهي تصيح تكلهن لمرت اخوها وبنته. ،خلصني وردت عليها مرت محمد
27
-وج اللله ياخذج خليهن خليهن يحركن لشه الخلفوج يا كلبه بت الكلب
كضيتي عمرج تااذين بخلگ الله وتالي صفيتي بهذا عمرج وتجذبين علينه مسويه روحج مسكطططه ،،
وانا اكول الدكتور يكول حالتها متحسنه وانتي مثل الجلب مصفطه وكاعده تتفيكين عليناااا،
اي وج عيني فردوس بردي كلبي بيهااااا،
والله ولا ادافعلج يامفنده يا هدامة البيوت يا كتالة الدموووم
امشيي ولج امشييي
72
جيلان: حجتها وجرت بتها وطلعت من المطبخ ،واني لازمه بطني بقوة اريد اكوم ما اكدر دموعي تصب
10
وعمة فردوس ملختها لفلك وانوب حنان انطتها الجفجير ووكعتلها دك بي وهي مخلت احد مسبته ،وكلما تفك حلكها تضربها اكثر ،
لحد ما طبو هذال وجواد علينا للمطبخ يتراكضون ،،،
.
.
.
هذال: صارت ساعه ١١ونص وطلعوني بكفاله واخذو فلوس كومه وسدو السالفة ،
رجعت ويا عمي سلام وجواد وبالطريق حجالي عمي كلشي ،،
27
طلعت الطلقه جايه بي شطح يعني طابه بخاصرته وطالعه بساعتها
حتى ما فاقد هو ابد واول ما سألو بالمستشفى كايللهم عليه وعمي مفهمهم السالفه وعلمود هالشي خابرني وكال روح انت للمركز ،
وهذا العار النغغغل طلع اخوها للسحارة الجانت فلك غضب الله تسوي يمها السحوره ،
وهن الدازاته ،وهو جان محبوس من ٢٠٠٨ هم كاتل واحد بعركه وحابسينه ،،
وانا وعد عليه اذا ما رديتك للحبوس واخليك تعفن بيهن مثل اختك ما اطلع ابن ابووي ،،
عرفت من عمي سرى جايبه البارحه بليل وعمي برهان واخلاص رايحين يمها للمستشفى
وابوي رايح للمعمل لان بس هو بينا كدر يفرغ والمعمل ما يصير ينترك ،،
ردينا للبيت وصلنا عمي انا وجواد وراح هو لبيته ،اول ما دخلنا
صارت بيبي وحوراء مرت جواد كبالنا بالمطبخ جاي يبجن والخوف عاميهن
10
وطفرت حوراء على جواد بخوف تكله الحك فدوووة،،
بقبت جامد بمكاني احس رجولي راحت من الهبطة
اجت غزالتي ابالي وبس لا صايرلها شي ؟!!
ارد ابلع ريكي واحسه صار طابوكه لحد ما حجت لجواد
حوراء: راحت جيلان متخبله على امك وعمه فردوس وحنان لحكنها صار كومه من راحن،
فدوه روح شوف شصار حالتها تخوف والله ما شفتها شلون طلعت تركككض،،
هذال: هي كالت هيج وانا ركضت لبيت جدي من الباب الوراني وجواد وراي طاير باز کردن / نظر دهید

2023-07-22 21:13:43 ورجلي طارت بيه ماعرف شلون اركض حتى اطلع من الغرفة
طلعت منها ونزلت الدرج بسرعة يمكن الا شوي واوكع على راسي ،،
ركضت للصالة الجانت كبالي وشفتها فارغة ،وكلبي وجعني اكثر وشفايفي كامت ترجف ،
رجعت ارد اروح للمطبخ بسرعه وصارت بوجهي عمة فردوس
فتحت عيونها كلهن من شافتني
فردوس: يمممه بنيتي ،يمه شوكت كعدتي
احاجيها وكلبي مفرفح عليها جريتها بحضني بسرعة
من خوفي عليها وانا جايتهم من الفجر بس سمعت بالصار ،،
كلبي محترك وماعرف بمنو افكر بيها لو بهذال لو بسرى الجابت بعز هالضيم لو بالكارثة الصارت البارحة اوف ربي منك القوووة والصبببر،،
5
جيلان:حجيت بخوف ولهفه واني اوخر من حضن عمة ،
هذااال وي... بعدني ما مكمله وهي جاوبتني
فردوس:لا تخافين يمه مابي شي والله هسه ساعه وتلكي يمج ،،بس تعاي ارتاحي انتي ليش هيج شفتج جاي ترجف ،
جيلان: اخذتني عمة للمطبخ جانن بيبي وحنان كاعدات
وبيبي صلت عالنبي من شافتني واكفه كدامها عبالهم بيه شي،،
كعدت عالقنفة واني بالي مو يمهم وسالفه البارحة جاي تفتر براسي ،انطتني عمة مي شربته
واني صافنه ،البيت هادي حيل واحنا كاعدات دخلت مرت جواد واجت يمي بخوف كالت الحمد لله على سلامتج حبيبتي ،،
هزيتلها راسي بدون مارد واني عيني شارده منهم ،
رجعت اتذكر گبر امي وابويه ،رجعت ناري اشتعلت بس بقوة
رجع گلبي يوجعني بس وجع حرررك وچويات قوية ،
واتذكر حجاية البارحة من يكول
هي رادتني اكتلها !!!،
انا الدفعتها !!!
گلبي الجاي يحترك نطق بوجع من بين النارالجاي تسعر بي ،
يعني انتو حرمتوني من امييي!؟؟؟
انتو الضيعتو شبابها ؟!!
شكالت روحها من كتلها ؟!!
انهزمتي منه مو ماما ؟! ركضتي خايفه موووو؟!
ركضتي لفوك مهزووومه منه وتالي دفععععج !!!!
ومنو سلطة عليج،، فللللك فلك فلك
94
واني اكول اسمها بداخلي انفاسي صارت سريعة وتضرب بصدري من جوه بقوة
احس بشي يحركني بصدري والدمعة وكفت بطرف عيني
وصكيت على سنوني بقوووة
وبعد ما كدرت ولا راح اكدر ابقى كاعده اكثر
1
كمت بسرعة من مكاني وجريت الشال الجان على باب المطبخ لبسته وطلعت راكضه لوره البيت
اسمع صياح عمة فردوس والبنات ورايه ،واني اسرع بشر بالدنيا ميلحكني عالنار الصارت بيه
ماكو بعقلي اي تفكير بس اريد اموتها بيدي مثل ما موتت امي ،،
جان بيت عمو سلام بصفنه وهم بيتهم بصف بيته والبستان الورا البيت جان مشترك بين هالتلث بيوت ،
وصلت لبابهم اريدها تنفتح ما انفتحهت
بقيت ادك بيها بقوة وحركة تشبه حركة گلبي ،
انداريت لصفحتي اليسرى اباوع لعمة فردوس وحنان الي طلعن يركضن جايات عليه
وسمعت صوت فتحة الباب انداريت عليها ودفعتها بقوه
جانت بت محمد واكفه وراها بقت تباوعلي بصدمة واني صرخت بعلو صوتي وطكت دمعتي ويا الصرخه
فللللللللك،،، واللللله اموووتج بيدددددي اليوم واللله
وينهاااااا
بقيت اصيح واركض بالبيت مثل المخبله ادورها وينها صارت بوجهي مرت محمد تباوع بخوف وتكلي شبيج عمة شبييج؟
7
صرخت بوجها واني الهث والدموع تجري من عيني
وينهاااا فلك ؟!!!
بقت ساكته وتباوع بوجهي بخوف
اني بيتهم جنت اندله وجايته من جنت صغيرة
عفتها وركضت للصالة مابيها احد ورجعت للغرفة شفت فاطمة ام فلك نايمه بيها
رجعت اركض اريد اروح للمطبخ ودخلت عمه فردوس رادت تجرني واني عفتها ورحت اركض للمطبخ
وكفت اباوعلها بصدمة وهي كاعده عالقنفة وتباوعلي بنفس نظرة الكره والحقد مالتها ،حسيت بعمة فردوس الي لزمت ايدي من وره
نفضتها منها وحجيت من بين سنوني
11
اذا وحده بيكم منعتني منها والحسييين ارجع احرك رووووحي،،،
رجعت انداريت عليها وهن كلهن واكفات
عمة فردوس وحنان ومرت محمد وبتها ،،
حجيت بحسرة واني اجر انفاسي بالكوة ،وعيني بعينها الما تنكسر
لييش؟! ليش تموتيها هاااااا؟!
شسوتلج ؟انتييي شنوووو انتي شيطااان
لا لا مو شيطان انتي الشيطان يخاف منج ،،
اذيتيني ووصلتيني للموت وسكتت لان الله عقابه احسن مني ومن باقي البشر
صكطططج وخله رجلج يذلللج باخر عمرج وخلفتج كلهم شمرووج حالج حال الزباله
ولو شافوج تحتركييييين كدام عينهم هم محد راح يرفله جفن عليج ،،
10
وعرفت بربي هو الاخذلي حقي منننج واكتفيييت،،بس حق امي وحق كل يوم عيشتي بي ابويه بحركة كلبه عليها
وحق كل يوم يتمتيني بي وخليتيني عايشه جوة رحمتج
هناا عقاب الدنيا والاخره ميكفوني بيييييج
حقي هذا ! اني الاخذذذذة بيدي ،،
1
بس گليلي شسوووتلج امي ؟؟! بشنو اذتج؟ وج هي حتى خلقتج الجايفه مشايفتهااا
احاجيها بصراخ ورجفة ودمعتي تنزل من عيني،احس عقلي راح يوكف مجاي اصدك امي انكتلللت
امي انغدرت والله انغدرررت ،،
اريد اعرف بشنو اذتها امي حتى تكتلها ،،رجعت صرخت بوجها وهي تباوعلي بخزره وحلكها معووج بس قليل يعني ما مبين عليها الشلل باز کردن / نظر دهید

2023-07-22 21:13:43 انا ما رايد ولا كاسر ضهري بهالدنيا غيرج ،،
بعدني شارد ويا روحي وهشام كاعد مقابيلي ودك تلفوني دنكت راسي ومديت ايدي لجيبي سحبت التلفون
شفته عمي سلام اشرت لهشام بسرعة بالتلفون
بمعنى تعال انت رد
اجه بسرعة اخذه وفتح خط وحجى وياه
كمل سده وكال بتوتر
هشام : ابوي يكول هذا الساقط رافع دعوة عليك
ويكول خل هو يروح للمركز ويقدم افادة احسن ،حتى تسهل السالفة لن هو المتهجم علينا للبيت
2
هذال: رديتله بتعب
هذا ليش ما مات ؟!! اروح اذبحححه هو وامي واخلللص اااخ يالللله شسوي بيها انا هسه شسووووي
صحت بصوت من حركة گلبي واجه ابوي وهشام علي بسرعة يردون يسكتوني
هشام: كافي هذال شيفيد الصياح ،اسكت لخاطر الله لا يطردونا منا
هذال: بعدني ما رديت ودخلو عمي برهان وجواد بسرعة ،ورجعت انا لمكاني كعدت وايدي على راسي ،
وبقى هشام وابوي يحجولهم كلشي،شوي واجاني عمي برهان وكال كوم نروح للمركز
رفعت راسي اله وانا عاقج حواجبي
شلون اروح واعوف مرتي هنا؟!!!
5
برهان: كوم عمي مرتك مابيها شي وهنا الكل يمها ،هسه شوي وتكعد وياخذونها للبيت
هذال: من تكعد اروح ،ما اتحرك منا لحد ما اتاكد منها فتحت
برهان: اااخ من عنادك ااااخ ،،،
هذال: حجاها وعافني وراح يم ابوي وجواد الجانو يسولفون ،فاتت فوك التلث ارباع الساعة واحنا كاعدين واحد يباوع بوجه الثاني
ابوي الي محني راسه للكاع وجواد عيونه صايره دم بعد الحجي الي سمعه من ابوي ،
شكد صعبة ورب العزززة صعبة وما تنحمل ،،صعبة عندك هيج ام حتى الله ما يريدها وما جاي ياخذها
اتحملنا سالفة سحورتها وضيمها السنين الفاتت كلها
بس شلووون ،شلوون نتحمل هيج مصيبة وهيج عااار وكع على روسنا
لو يصير اذبحها بيدي چا والحسييين ما اخليها عايشه لحظة
ولكم تكتل بشر وهي حرممممة ،وفوكاها تعيش وتكمل حياتها بدم بارد !!!!
حرمت خالد من روحه بالدنيا ،عذبته شهور وسنين وهو يلوب على مرته
وتالي تطلع هي الكاتلتها!!! انا راسي ما جاي يتحمل احس شايل جبل براسي مو مخ
عالافكار والخرابيط الجاي تفتر براسي،ويمكن بلحظة افقد واروح اكتلها بمكانها ،،
50
بس شحجي وشكوووول لخلگ الله ،يعني احنا جبنا العمر كله الناس تحلف بروسنا وتالي من وره حرمة ننفضح وتنداس روسنا بالقنااادر
مو السوته هي حتى كح....الشارع ما سووونه ،وحتى الماعدهن شرف هم ما لحكنهااا ،،
22
بقيت الوب بيني وبين نفسي وانا كلما اتذكر خالد الجان نايم على كبر مرته وروحه شايغه وتجي صورة جيلان كبال عيني واشوف وجعي عليها واحس روحي اختنكت
شلون عشت خالد شلون كضيت ٨ سنين وراها ؟!! كضيتهن بالوجع والشوغات مو يبعد اخووك
كضيتهن بلچمات الگلب وكل ليله مرت عليك مثل السسسم!!!
9
الللللله يحركج فلك مثل ما حركتي گلوبنا كلنااا،،
انا شسويت بهالدنيا والمممن اذيييت حتى استاهل هيج ام وهيج حركان گلب ،،!!
كاعد وايدي على راسي مره اخربط بشعري بتعب ومره اضغط على راسي الي صار نار من كد ما طحنت بروحي طحن
طلعت اخلاص من جوة وحجت وهي عيونها علي وانا وكفت بسرعة اريد اسمع منها وصوت كلبي يمكن واصل يم الكل ،،
اخلاص: كعدت لا يضل بالك هسه بس البسها ونطلع ،
هذال: غمضت عيني وجريت نفس بتعب ،وهي ردت جوة
اجه عمي برهان هو وجواد يمي وحجى
برهان:يلا هذال امشينا ،،بلا شلاع گلب ولا تكول ارد اشوفها
عوفها ترتاح يابه اذا شافتك تنهار ،وهي البيها كافيها ،
امشينا خل نلحك للمركز دام بعد وكت ،،
وابوك وهشام هنا هم يردوهم للبيت ،
هذال: كلشي ما حجيت طلعت بسرعة كدامه ،وانا مقتنع بكلامه وما اريدها تشوفني وارجع اعوفها واروح للمركز اكيد تتخبل ،
خلها هسه ترتاح احسن ما اشلع گلبها علي فوك ما هو مشلوع ،
واجينا للمركز وهاي انا لحد الان كاعد يم الضابط الي كلساع طالع وراد راجعلي
وانا ادري بسالفتي والدعوة كلها واكعة لن هو الهاجم على بيتنا بسلاحة وتعتبر دفاع عن النفس
ومنا انا يالطريق خابرت على حازم يحلها ويا معارفة ،
صارت ساعه ١١بليل ورجع الضابط كال بس اليوم تبات هنا وباجر الصبح لو الظهر نكمل اجرائاتك وتطلع ،،،
.
.
جيلان: فتحت ولكيت روحي بالمستشفى ،وامي يمي بس جسمي ذرة حيل ما بيه
طلعتني واحس روحي جاي امشي واني نايمه ،ما حاسه بالدنيا شكو ولا ادري شنو الصار ولا اتذكر شي ،خيال وجاي يمشي بدون احساس بدون مشاعر ،،
بس وصلنا للبيت خليت راسي على مخدتي وغفيت ورجعت لحالي الطبيعي الي جنت بي حتى واني امشي،،،
للصبح فزيت مخروعة من الحلم الجنت احلم بي وريكي ناشف حيل ،،كل الي اتذكرة هو التعب والصراخ والبجي الجنت عايشتهن بالحلم ،،
كمت من فراشي ادور على مي بالغرفة ،بعدني امشي واجه ببالي كلشي صار البارحة واتخشبت بمكاني
الحجي السمعته !! العركه الصارت !!لحد صوت الطلقة ! اتذكرهن واحس كلبي رح يطلع من مكانه ، باز کردن / نظر دهید

2023-07-22 21:13:43 لحد ما وصلت للصالة مال عمليات وشكلولي الكانولة،وخلو الاوكسجين على خشمي وبعد ما حسيت بشي .....
.
.
.
هذال: كاعد بالمركز بغرفة الضابط وحدي وايدي على راسي ،واحس الدنيا بثكلها وبهمومها كلهن واكعه فوك راسي ،
لو كاتلة خلاص ومرتاح ومطفي ربع من ناري ،بس شكو عار بهالدنيا يبقى عايش واولهم فلك
اااااخ يا فلك
شهكت ورفعت راسي ليفوك ،يا الللللللله لخاطر كل نببببي وولي انت نزلته ،هااااي الي اسمها امي اذا احرككككها هم اشيل ذنننننب ؟!!،
12
راح انفجررر رااااح اموووت وروحك يخالد رح امووت ،حرررمة تكتتتتل ليييش؟؟
مو حتى زلمنا ما سووووها والحسييييين الشريف ما سووهاااا
احس الهوى صار دخااان وجاي يخنك بيه
وكلما اتذكر رويحتي الواكعة كبالي مثل الجثة وانا روحي تفرفح اكثر
جنت فاقد وانا اتلاوه وياه بالسلاح فريت ايده بسرعة وانا متعمد اريده ينضرب من النار الشاعلة بكل ركن بيه ،
خليته السلاح بخاصرته وهو الي ضرب روحه ووكع من ايدي بالكاع
بلحضتها جروني ابوي وعمي سلام دفعوني بخوف عبالهم بيه شي لو انضربت
ويصيحون لغيث تعال شوفه هذا خاف مات !!!
بلحظتها سمعنا صياح النسوان من جوة ،،طفرت انا اول واحد وشفتها واكعة كبالي وروحي راحت مني ،
ماعرف شلون وصلت يمها بخطوة وحده من الخوف الصار جواي
جريتها وشلتها لحضني واحس لساني انعكد وانا اشوفها رايحه وحتى انفاسها ما مبينه
بلحظتها جمدت بمكاني وانا شايلها وواكف ونسيت شكو وشماكو يمي
لحد ما جرني هشام الي ماعرف شوكت اجه
وصاح بوجهي
هشام:نزلهاااااا بالكاااااع بسرعة
هذال: رجعت لوعيي وماعرف شسوي بس رجعتها للكاع وهي مثل المي بيدي صارت كمز هشام يمها
بسرعه ودار جسمها صفح بسرعة
ورجع صاح
1
هشام: حضر السياااارة بسرعة ،لا تصفففن لخاطر الله
1
هذال: طلعت بسرعه للسياره بره لكيت دم الچلب بالكاع و ابوي طب من بره بسرعة كال اخذوه للمستشفى لا يروح يموت ونبتلي بي
صرخت بوجه ابوي
كون يمووووت وفلك تمووووت وانا امووووت واخلص من هالعييييشة التحرررك اكبر واحد ،،
افتحلي الباب بسررررعه
14
عفته وصعدت بالسيارة بسرعه شغلتها وابوي صافن علي ما يعرف شكو فتح الباب مال كراج و عافني ودخل جوه بسرعه وانا
نزلت اركض مثل المخبل دخلت للصاله وشلتها وطلعت بيها للسياره احس جسمي كله ثگل من الخوف عليها خليتها ليورا وما قبلت اوخر من يمها
وهشام صعد بالصدر وابوي يمه واخلاص بسرعه لبست عبايتها واجت صعدت يمي وهي تبجي وتنوح على جيلان
طلع هشام بسرعة واندار عليه وكال ديرها صفح حتى تتنفس
وانا جنت حاضنها بيدي وراسها على صدري احس روحي وواكعه بيدي مو اول مرة هالموقف بس انا گلبي ما يتعود على صدماتها
نزلتها من صدري وخليت راسها على رجلي وباقي جسمها متمدد نص عالكشن ورجلها بحضن اخلاص الكاعدة من الجهه الثانية ،،
شالها جان واكع جريته لشعرها غطيته وانا صافن عليها ودموعي نزلت وانا اتلمس بوجها وشهكاتي اسحبها مثل الغركان وما جاي يكدر يطلع من الماي
انا غركان بحركة گلبي عليها
ارد احاجيها ارد اتوسل بيها حتى تفتح وترجعلي روحي النامت وياها
لساني ما جاي اكدر احركة وشفايفي لزكت
بس روحي جاي تنغط وتلوب وتحاجيها
كومي حبيبي ورديلي رويحتي ،غزالتي وفرحة عمري ،وج انا اتحمل الدنيا وحمولها كلهن ،اوكف بوجه الخناجر الجاي يطعنوني بيهن واتحمل ،خل كل الدنيا تغدرني وتحرك بروحي واتحمل
بس كلشي ولا انتي ،ما اريدن نسمة هوى تأذيج ،فتحي يا عيون هذال
لج يمووووت هذال لو صارلج شي،وج كااافي تعبببت وحگ عليييي الكرار انا اتعببببت ما اتحمل يصيبني الاذى بييييج ،،فتحي ياوردة عمرييي
لا تكسريييين ضهررري ....
4
نومتها هيج بحضني للمرة الثانية اخذت نص من عمري
كل الصار اليوم بجفة ووكعتها بجفة ،احس روحي جاي تطلع
والي ماذيني حالة السكوت الجنت داخل بيها
لحد ما وصلنا للمستشفى وشلتها بيدي ودخلتها للطوارئ
فحصتها الدكتورة وهشام واكف يم راسها شرحلها الحالة
شوي وطلعونا بره انا وهشام لان الردهه كلها نسوان ابوي جان ماكو لان بقى يطبك السيارة بره
بقيت انا روحي مفرفحة رد ابوي يمنا وفاتت بالنص ساعة وطلعت اخلاص كالت
اخلاص: لا تخاف هذال مابيها شي رح تكعد والله هسه الدكتورة كالت صاير عدها هبوط بالسكر وضربتها ابر وبس يتعدل نسبته بجسمها وهي تكعد من وحدها
هذال: هزيتلها راسي بتعب وجريت نفس قوي واخيراً انفتح حلكي ونطقت برجفه
رجعي يمها لا تعوفيها وحدها وكولي للدكتورة نريد نطلعها بغرفة وحد
اخلاص: ما يحتاج هسه كالت تكعد واخذوها وردو للبيت
هذال:بقيت ساكت ورجعت جسمي للحايط ارتجيت وراسي لفوك وانفاسي احسها هسه ياله بدت تطلع وتفوت مثل البشر وحجيت ويا روحي بتعب ،،
اااااخ يغزالتي شليتي حالي ،انعل ابو الدنيا واهلها وحتى اهلي باز کردن / نظر دهید

2023-07-22 21:13:43 19
جيلان: هي صرخت وسمعنا صوت الطلقة لو روحي فرفحت
كمزت من بين ايدها مثل المخبله وعطت واني املخ بوجهي واكمز بمكاني واني كل جسمي يرجف
وصرختي شكت بلعومي واني اصيح بأسمه هذاااااااااال،،
اني صرخت واحس كلبي طلع من مكانه وروحي راحت والدنيا اسودت بعيني واخر شي حسيت بي هي الركعة الي انركعتها بالكاع ،،،،،،
.
.
.
سرى :جنا بشهر الرابع واني جنت بنهاية شهري بطني شكبرها صايرة ومورمة حيل ،بشار يطب ويطلع يصنف عليه واني روحي بخشمي لان حيل ثكلانه والدكتورة تكول الا تكملين شهرج يلا اجيبج لان احتمال طبيعي مو عملية
بس بهالايام بدت عندي اوجاع قليله وعمتي تكول مو مال جيبوبة وصدك تروح متطول
ومنا بشار ماكو بالدوام جان مصايرله جم يوم من رد لدوامه لان وضعه اتحسن وحتى رجله رجع يمشي عليها طبيعي ،بس هم خلوه عالواجبات الي بالسرية مالته
لو بالمكتب عالحاسبة يشتغل لو يلزم واجبات بالبرج ،وهذا الشي خلاني ارتاح واتطمن عليه لان هو مال يعوف دوامه هذا بالاحلام ،،
1

جنا كاعدين اني وعمتي ومثل كل يوم اراسل جيلان من اكمل شغلي لو هي كلساع مخابرتني تسال عليه لان بشهري ويخافون لا اجيب فجأة،
بس اليوم استغربت ما خابرتني من الصبح ومنا دزيتلها رسايل وما فتحتهن
رجعت كلت يجوز هذال يمها وما فرغت ،لليل كملت عشى ورجعت ادك عليها وما تشيله ،
دكيت على هذال تلفونه مغلق
كلبي لعب ،دكيت على حنان لان اول رقم طلع كبالي بقى يدك يدك كومه يلا رفعت الخط
جانت الساعه ٩ بليل ،ردتلي وجان صوتها متغير ،
واني حجيت بسرعة بلهفة
وج حنان ويييين جيلان ؟!! صار من العصر اراسل وادك وماكو هاي الجلبة،،
حنان: اوف سرى سكتي وخليها ،
سرى: يمه وكعت گلبي بحجايتها ،،شكووو وج شصاااير ؟!!
حنان: ماعرف شكلج والله بس انتي لتنهبطين مو زين عليج ،،
سرى: احجيييي عاد حنان لا تبطييين گلبيييي
حنان:اليوم انكلبت الدنيا هنا بالبيت وواحد هجم علينا للبيت شايل سلاح واتلازم ويا هذال
وهذال اخذ منه السلاح وضربه طلقه وجيلان واكعه وحالتها حاله هسه
1
سرى: هي تحجي وانا عيوني انفكن للاخير من الصدمة
عززه عززه وج منوووو هذااا؟!! اخوي خوما بي شييييي ؟!!وجيلان شبييييها !!! كمت اصيح وانا بالمطبخ اجت عمتي تركض على صوتي
حنان: هذال بالمركز والولد يمه هسه كلهم ،،وجيلان فوك نايمه طلع سكرها هابط وهيج وكعت واتلاحكولها بسرعه للمستشفى لحد ما اتعدل عدها السكر ورجعوها ،
1
سرى:اني اسمعها وعمتي واكفه يمي تباوع بقلق ،احس ساجين ببطني وضهري صارت ،،ووجع قوي
اريد احجي بعد ما بيه سديت الخط بسرعه بوجه حنان ولزمت بطني بقوه من جوة
وكعدت بالكاع مجاي اكدر اوكف بعد وكمت اصيح
الحكييييلي عمممة حموووت بطنييييي
بقيت الوب وعمتي راحت تركض لعمي وخابرو سيف اجه بسرعة
واني اصيح من وجع بطني روحي راحت ومنا القهر السمعته
لازمة بطني وابجي بحركة ووجع واصيح خابرووو بشاااار ،،
1
عمتي كبالي تركض مثل الجاهل جابت جنطه الطفلة الي جنا محظريها وجابتلي الصاية لبستنياها والشال ،شويه واجه سيف بسرعه وطلعنا انا وعمتي للسيارة وعمي قفل البيت ورانه وصعدنا وسيف يسوق
احس الطريق صار عليه سنه
الوجع يروح واسكت ويرجع يجي بقوة وارجع اصرخ وياه وعمتي مجلبه بيدي بقوة ،.
لحد ما وصلنا المستشفى بالف يا علي وكلساع عمتي تسألني اذا نزل عليه مي او لا
واكلها لا واني روحي تلوب ،دخلنا للمستشفى ودخلوني للردهه مال ولادة واني احير بشنو اصفن
بحالتي ووجعي لو الصياح الجاي اسمعه والنسوان الجاي تصرخ من الجهتين بالردهه
واني بالكوة امشي من الوجع ودموعي تجري واشوف روحي وحدي وداخله بغرفة مال رعب
والممرضة جارتني من ايدي وعمتي مخلوها تفوت
بعدني مواصله للجرباية مال ولاده وطبت ممرضه ثانيه بسرعة وكالت مو هنا وديها بالخاص بسرعة ،،
بعدني واكفه وحسيت بشي نزل مني واني صراخي زاد والالم زاد بعد ما كدرت اتحرك
شالوني شيل للسدية وطلعني من الغرفة لغرفة ثانية بقيت ماعرف شكد اطلك واحس روحي راح تطلع مني
لحد ما اجت الدكتورة كالت دخلوها عمليات لان عدها ضيق بالحوض مستحيل تجيب طبيعي ،شلون دكتورتها عايفتها هيج !!
19
سرى: اسمعهن واني اصرخ من الوجع هي كالت عمليه واني طكيت بجي وكمت اتوسل بيهن من بين دموعي وصياحي جريت ايد الممرضه جانت مرة جبيرة وحجيت
فدوووه خل يجييي رجليييي،، طلعي لعمتي كليلها اريد بشاااااار
الممرضه: هسه والله رح اطلع لتخافين يمه لتخافين ،
سرى : عافتني وطلعت بسرعة ورا شويه اجت الدكتورة كالت يلا فوتوها للعمليات
لبسوني الصدرية مال عمليات واخذوني للصالة بس شفت عمتي بالطريق خطيه وجها مخطوف من الخوف
واتوسلت بيها على بشار خل يجيني ،،جان الخوف كاتلني احس راح اموت وراح يصيرلي شي ، باز کردن / نظر دهید